ساعدونى فى الإختيار

**Mostafa Fahmy** · 05-09-2013 08:34 AM

بعد مراقبة المنتدى لمدة اكثر من 3 سنين قررت أعمل عضويه و ده أول موضوع ليا وياريت مساعده ضرورى بأسرع وقت علشان محتار جدا و محتاج آراء

أنا طالب جامعى محتاج عربية كويسه تمشينى كل يوم على الأقل 90 كيلو (مش مبالغه)
و تكون كويسة فى الأوبشنز و الماكينة

حدودى فى السعر -90000 و بالتقسيط

المهم بعد بحث طويل و كلام من هنا وهنا الأنواع اللى فى متناول السعر اللى محتاجه واللى محتار بينهم

- جيلى إمجراند 7 ( بس خايف من عيوبها و خياف متكملش معايا لأنى مش هغير العربية غير بعد 10 سنين على الأقل تقريبا )

-اسبيرانزا m11 & m12 (مس عارف ايه الفرق بينهم و مش عارف عنهم أى معلومات)

-هيونادى فيرنا (مشكلتها ان مفيش اوبشنز فيها خالص)

- شيفروليه لانوس (مع العلم انى مش بحب شكلها بس عربية الشعب)

- رينولت لوجان (مش حابب شكلها بردو و مفيش فيها اوبشنز بس على قد السعر)

- رينولت سانديرو (أغلى من 90000 بـ 3000 تقريبا ومش عارف أى حاجه عنها)

دى كده الأنواع اللى محتار بينهم ولو فى أنواع تانيه فى حدود السعر ده ياريت تفيدونى بيها وياريت ترتيمب المقارنه من الافضل للأسوء (عموما وليس بشكل خاص) بس ياريت تقولوا العيوب علشان ابقى عارف وأنا بقرر و شكرآ مقدما لكل اللى هيساعدنى :)

**amr011111** · 05-09-2013 08:44 AM

لو على الانواع ديه يبقى ارشحلك لانوس او فيرنا لكذا سبب
العربيه منتشره وقطع غيارها رخيصه وده هيبقى شىء كويس ليك وانت طالب وفى بداية حياتك العمليه
العربيتين متجربتين ومش فيهم عيوب منتشره
اللوجان سعرها بقى مبالغ فيه اوى
لو تقدر تزود المبلغ ل 120 الف وتجيب نيسان تيدا اول فئه سيدان ان لقيتها لسه موجود منها فى المعارض
يبقى كويس جدا
عربيه واسعه ويابانى تقفيل مكسيكى وفيها اوبشن كويسه فيها اتنين ايرباجز - عجلة قياده قابله للتعديل - فرامل ebs+ba+ebd
مرايات ضبط كهربائي
وبالتوفيق

**Mostafa Fahmy** · 05-09-2013 07:49 PM

المشاركة الأصلية كتبت بواسطة amr011111

لو على الانواع ديه يبقى ارشحلك لانوس او فيرنا لكذا سبب
العربيه منتشره وقطع غيارها رخيصه وده هيبقى شىء كويس ليك وانت طالب وفى بداية حياتك العمليه
العربيتين متجربتين ومش فيهم عيوب منتشره
اللوجان سعرها بقى مبالغ فيه اوى
لو تقدر تزود المبلغ ل 120 الف وتجيب نيسان تيدا اول فئه سيدان ان لقيتها لسه موجود منها فى المعارض
يبقى كويس جدا
عربيه واسعه ويابانى تقفيل مكسيكى وفيها اوبشن كويسه فيها اتنين ايرباجز - عجلة قياده قابله للتعديل - فرامل ebs+ba+ebd
مرايات ضبط كهربائي
وبالتوفيق

للأسف مش هقدر ازود السعر عن 100,000 بس انت رأيك ابعد عن الإمجراند (مليانه اوبشنز و قطع غيارها سعرها معقول جدا بس من كلام الناس انها مليانه مشاكل) و الاسبيرانزا و بصراحه انا كنت عايز اخلى الفيرنا و اللانوس آخر اختيار ممكن افكر فيه لو فى بديل ليهم أحلى

فى بديل ؟ يعنى ايه الانواع الكويسه اللى ترشحهالى و سعرها اقل من 100000 (غير الفيرنا واللانوس هنخليهم فى الآخر)

**Omar.Shawki** · 05-09-2013 10:25 PM

انا رأيى هات اوبترا مانيوال تقريبا 107000
او لوجان
وربنا يوفقك

**ahmed salah90** · 05-09-2013 11:07 PM

لوجان ثبات و عربيه مواصفات الامان فيها حلوه مع جاري و كويسه اوي و صلي صلاه استخاره

**M I D O** · 06-09-2013 12:10 AM

بص يا باشا بما انك شباب بقي وراجل جامعي زي حالاتي انا متابع اخبار العربيات الي كتبتها دي كلها بقالي 5 شهور تقريبا وانا محتاج نفس الحجات الي انت عاوزها بس في فرق اني عاوز عربية تمشي كل يوم 230 كيلو مش 90 و استقريت علي اسبرانزا ام 11 عربية قوية مكنة ممتازة تسحب تجري تفحت براحتك تكييف قوي مش بياثر علي السحب اوي شكل جميل بتاعة بهدلة وسفر وفيها وسائل امان abs & ebd بس للاسف مش فيها ايرباج بس مش مشكلة اوي ودي احسن عربية تدينا احتياجاتنا من انها تستحمل روح الشباب و الجري و الفحت وكمان تكييف قوي وقطع غيار سعرها معقول واستهلاك بنزين كويس و الفرق بينها وبين الام 12 هية الشنطة الام 11 سيدان الام 12 هاتش باك و الام 12 شكلها اشيك بكتير بس انا احتياجاتي الام 11 عشان الشنطة وموفق في الشراء ان شاء الله

**Mostafa Fahmy** · 06-09-2013 02:48 AM

المشاركة الأصلية كتبت بواسطة omar.shawki

انا رأيى هات اوبترا مانيوال تقريبا 107000
او لوجان
وربنا يوفقك

للأسف مش هينفع أزود عن الـ 90000 واللى يخلينى أفكر فى الأوبترا يبقى أجيب افيو و قريبه من الأوبترا و شكلها أحسن كمان مع فرق أقل فى الأوبشنز

و ياريت معلومات عن اللوجان

**Mostafa Fahmy** · 06-09-2013 02:50 AM

المشاركة الأصلية كتبت بواسطة ahmed salah90

لوجان ثبات و عربيه مواصفات الامان فيها حلوه مع جاري و كويسه اوي و صلي صلاه استخاره

تمام طب و الأوبشنز اللى فيها ؟

**Mostafa Fahmy** · 06-09-2013 03:00 AM

المشاركة الأصلية كتبت بواسطة m i d o

بص يا باشا بما انك شباب بقي وراجل جامعي زي حالاتي انا متابع اخبار العربيات الي كتبتها دي كلها بقالي 5 شهور تقريبا وانا محتاج نفس الحجات الي انت عاوزها بس في فرق اني عاوز عربية تمشي كل يوم 230 كيلو مش 90 و استقريت علي اسبرانزا ام 11 عربية قوية مكنة ممتازة تسحب تجري تفحت براحتك تكييف قوي مش بياثر علي السحب اوي شكل جميل بتاعة بهدلة وسفر وفيها وسائل امان abs & ebd بس للاسف مش فيها ايرباج بس مش مشكلة اوي ودي احسن عربية تدينا احتياجاتنا من انها تستحمل روح الشباب و الجري و الفحت وكمان تكييف قوي وقطع غيار سعرها معقول واستهلاك بنزين كويس و الفرق بينها وبين الام 12 هية الشنطة الام 11 سيدان الام 12 هاتش باك و الام 12 شكلها اشيك بكتير بس انا احتياجاتي الام 11 عشان الشنطة وموفق في الشراء ان شاء الله

كنت متابع مشاركاتك فى قسم الجيلى d: وكنت ساعات بتشكر فيها و ساعات تقلب عليها بس كده شكلك قررت انك تبعدها عن تفكيرك خالص

و فعلا انا شوفت الإم 11 أكتر من مره و كان شكلها حلو ومع الترويش الشبابى بتاعنا هتبقى وحش d:
أنا كنت مقتنع بيها شويه لآن كان كل اقتناعى كان بالجيلى لكن بعد العيوب اللى عرفتها فيها ابتديت ابعد تفكيرى عنها وانت اقنعتنى بصراحه بالإسبرانزا بس سؤال ... هو فى منها بينزل بدى فى دى و فى بينزل بسى دى كاسيت بس ؟ ونزل منها اوتوماتيك ولا مانيوال يس ؟ وهل الإم 12 فيها اختلاف فى الاوبشنز بتاعتها عن الإم 11 ؟