غسيل دورة التبريد

**m.elsherif** · 05-09-2013 12:38 PM

يا جماعة انا بحط مية حنفيه للعربيه خصوصا انى شاريها كده المهم انا مش مبسوط من ميه الحنفيه دى و خصوصا من اللى بسمعه ،فياريت تفيدونى فين اغسل دورة التبريد فى مكان محترم و لافاده فى موضوع ان العربيه لازم تكون بارده ساعة الغسيل و نوع الميه انا سمعت ان موبيل كويسه هل ده صح ولا فى حاجة تانيه

**mody112** · 05-09-2013 12:51 PM

متابع

**Rsarabia** · 05-09-2013 01:18 PM

حضرتك هتفك الرادياتير و تغسله عند اى حد بتاع رادياتيرات كويس جدا و يا ريت لو يشيشهولك ( يسلكه )
بعدين هتركب و تحط مية خضرا ماركة كويسة من اى بنزينة نضيفة ( بتكون غالية ) متسترخصش فى دى بالذات
متجيبش العلبة الرخيصة دى مية مصبوغة و ملهاش لازمة
و طبعا الميكانيكى هياخد هواها و ابقى تابعها بعد ما تركبها كل يوم لان هتلاقى فى نقص فى المية لحد ما تلاقى معدش فى نقص

**akmm** · 05-09-2013 01:31 PM

افضل المياه الملونه اشتريها من موبيل من اى بنزينه موبيل وهتلاقيها برجركن زى بتاع ىالزيت 4 لتر ومبرشمه .

**lidosasa** · 05-09-2013 01:31 PM

المشاركة الأصلية كتبت بواسطة rsarabia

حضرتك هتفك الرادياتير و تغسله عند اى حد بتاع رادياتيرات كويس جدا و يا ريت لو يشيشهولك ( يسلكه )
بعدين هتركب و تحط مية خضرا ماركة كويسة من اى بنزينة نضيفة ( بتكون غالية ) متسترخصش فى دى بالذات
متجيبش العلبة الرخيصة دى مية مصبوغة و ملهاش لازمة
و طبعا الميكانيكى هياخد هواها و ابقى تابعها بعد ما تركبها كل يوم لان هتلاقى فى نقص فى المية لحد ما تلاقى معدش فى نقص

كلام سليم جداً
وخصوصاً إن مياه الحنفية أكيد عاملة صدأ وترسيبات كتير فى الريداتير فلو نضفت من غير ما تفك الريداتير وتشيك عليه حتلاقى بعد فترة من ملىء الريداتير بمياه خضرا حتلاقى تسريب كتير لآن مانع الصدأ اللى المياه الخضرا دوبها فكشفت كل الشفوق
طلع الريداتير ونضف عند فنى ريداتير وشيك عليه وأغسل الدورة وبعدين حط مياه حنفية أو مياه مقطرة الأول لمدة يومين أو 3 أيام وتابعها عشان لو فيه تسريب فى دورة التبريد تعرف قبل ما تحط المياه الخضرا وفلوس المياه الخضرا تروح على الآرض . لقيت كله تمام تاخد مشوار تمام بالعربية عشان تكون سخنة وتروح تنضف الدورة تنضيف أخير وتنزل المياه المقطرة وتحط مياه خضرا الموبيل كويسة الجركن 4 لتر كان من 4 شهور ب 80 جنيه مش عارف بقى سعره دلوقتى كام

**lidosasa** · 05-09-2013 02:23 PM

المشاركة الأصلية كتبت بواسطة ahmed_mega

للاسف مياة موبيل الخضراء بقت بتنزل بنسبة املاح وكده كاننا ماعملناش حاجة افضل مياة هي المية المقطرة فقط لا غير

اللى أعرفه إنها مكونة من إيثيلين جليكول ولون و مانع صدأ بنسبة 48 % تقريباً أو 15 أو 30 حسب نوع المياه وباقى النسبة بتكون مياه مقطرة . أول مرة أسمع إن مياه التبريد فيها أملاح

**lidosasa** · 05-09-2013 03:43 PM

المشاركة الأصلية كتبت بواسطة m.elsherif

اشكركم جميعا على الاهتمام والرد بس بردو محدش قالى اعمل الكلام ده فين لو حد يعرف بتاع ردياتير محترم ياريت يقولى واللى فهمته من كلامكم ان غسل دورة التبريد فى البنزينات فاشله ولا ايه؟

فى البنزينة حيغسلك الدورة وبس لكن مش حيسلك الريداتير ويكشف على تسريبات الأفضل تشوف فنى ريداتير كويس يخلص ليك الموضوع وبنفس الخطوات اللى قلت ليك عليها لآنها أتعملت معايا قبل كده وخسرت تمن جركن المياه الخضرا لآن ظهر تسريب بعد التنضيف بكام يوم وأضريت افك الريداتير
ياريت حضرتك تراجع الموضوع اللى كنت عاملة بخصوص نفس المشكلة

http://www.nilemotors.net/Nile/337256-a.html

**Gelgel2004** · 05-09-2013 03:45 PM

ارجو مراجعه الروابط و بالتوفيق

http://www.nilemotors.net/Nile/328901-1400.html (غسيل دوره التبريد سيينا 1400 بالصور..)

http://www.nilemotors.net/Nile/217131-a-2.html (تنظيف الردياتير)
__________________