الموضوع: عاوز اعمل يونيفورم !!

موضوع ال تى شيرتات ده فى اكتر من حل ليه

الاول حضرتك ممكن تروح اى محلات شبابى ممكن التوحيد و النور او محلات شعبان او اى محلات تكون متوسط اسعارها رخيصه و تجيب منها تى شيرتات بولو اللون الى انت عايزه و ده بيبقى عليه تطريزه بسيطه كده ممكن تطبع جمبها اللوجو وكده تبقى خلصت من دوشه التصنيع

الحل التانى ان حضرتك هتنزل بقى المطريه تجيب قماش و تفصل المقاسات الى حضرتك عايزها بس المتعب فى الموضوع ده ان حضرتك هتنزل تجيب القماش و بعد كده توديه لاى مصنع يصنعهملك و بتفضل واقف على راسه علشان يخلصهملك خصوصا ان دول 30 قطعه بس ف ممكن يرفض بعملهم لانهم عدد قليل

واى استفسار فى الموضوع ده انا تحت امرك

المشاركة الأصلية كتبت بواسطة el tanna

موضوع ال تى شيرتات ده فى اكتر من حل ليه

الاول حضرتك ممكن تروح اى محلات شبابى ممكن التوحيد و النور او محلات شعبان او اى محلات تكون متوسط اسعارها رخيصه و تجيب منها تى شيرتات بولو اللون الى انت عايزه و ده بيبقى عليه تطريزه بسيطه كده ممكن تطبع جمبها اللوجو وكده تبقى خلصت من دوشه التصنيع

الحل التانى ان حضرتك هتنزل بقى المطريه تجيب قماش و تفصل المقاسات الى حضرتك عايزها بس المتعب فى الموضوع ده ان حضرتك هتنزل تجيب القماش و بعد كده توديه لاى مصنع يصنعهملك و بتفضل واقف على راسه علشان يخلصهملك خصوصا ان دول 30 قطعه بس ف ممكن يرفض بعملهم لانهم عدد قليل

واى استفسار فى الموضوع ده انا تحت امرك

والله انا فعلا فكرت في اول حل بس هرجع واقول في مشكلتين
هتعب اوي علشان ادور علي اللون الي انا عاوزه لاني عاوز التزم بلون لوجو الشركة دي اول حاجة
تاني حاجة هطبع فين ؟؟؟

والحل التاني هجيب قماش التي شيرتات البولو من الطرية ؟ هو فعلا ممكن الاقي الخامة دي قماش في المطرية
طيب ومصنع ايه الي ممكن يصنعهم !!

المشاركة الأصلية كتبت بواسطة y a r i s

بص ياسيدي. عند حضرتك حليين
الاول عارف ميدان لبنان. اطلع كانك طالع اكتوبر. واول ما تعدي كبري الدائري على طول بص على ايدك اليمين فووق قبل بتاع الكويتش هتلاقي بتاع يونو فورمات .

الحل الثاني : هتنزل شارع كيلوت بيك في العتبه هتنزل تجيب التيشيرتات او العفريته بتاعت العمال من هناك هتلاقي كزا محل جمب بعض. وتقلهم فين الواد الي بيطبع شعر الي هنا وهما هيدلوك .

لو عاوز شعار معتبر هات كمية اللبس الي انتا عاوزوا وتعاله ٦ اكتوبر واسئل عن ملاهي في السادس ايمها. تايجر لاند وراها على طول فيه شارع كلو ويرش عربيات في وسط الورش في محل مش باين لو ملامح جواه مكن طباعه تطريز بالخيوط ... هاتلوا. بس شهار الشركة على سيديهايه. وقلوا. اعملي الشعار ده هيقولك لازم كمية قولوا الفرق انا هدفعوا ملكش انتا دعوه وهو هيعملهالك. تمن التشيرت هيبقى في حدود ٣٥ جنية. نوعية نضيفة .

طيب في حل تالت : تروح تاكول سندويتش شاورما. من اي مطعم وانتا بتاكول سندويتش الشاورما تقول للكاشير اااااااالله حلوة قوي التيشيرتات دي انتوا بتجيبوها منين هيقولك في واحد بيعدي علينا وبيعملهالنا. قولوا طيب ممكن رقموا لو سمحت وهو هيدهولك بس المهم قبل ما تطلب رقم بتاع التيشيرتات عاوزك تمدح شوية. سندويتش الشاورمة. وتمدح المطعم ومستوى الخدمة وانك زبونهم من زمان وانك مبتستطعمش الشاورمة غير من عندهم وهما هيدوك. نمرة الراجل على طول ....

مع ان عاوز رئيي ولا تعمل يونوفورم ولا يحزنون. ... لان العمال. هيخدو اليونوفورم. يحتفظوا بيه للذكرى في البيت او يديه لحد من عيالوا وهو فرحان وبيقول شفتوا يا عيال. الشغل بيوزعوا علينا قمصان وتيشيرتات مجاناًًً علشان تعرفوا. صاحب الشغل بيحب ابوكم قد ايه هههه. ولو لبسو اليونوفورم هتلاقيه جيبينوا وسخ ومش مكوي ومش مغسول طبعاً انتا هتبتدي تخصم عليهم وتعمل جزائات ومشاكل وافلام ... وانتا عارف ازمة العمال فهتخش في موال جديد معاهم انتا في غنى عنها وهتحس بالقهر انك بعد ما كلفت ودفعت. تمن اليونوفورم. ولاد اللزينة رمينوا في البيت او لابسينوا ومش بيهتموا بنظافتهم الشخصية اساساً . ياراجل هوا انا اتفقعت مرارتي من شوية. .... :) وتحياتي .

بص يا كبير كفاية انك دخلت رديت دا شرف ليا والله :)

وبالنسبة للحل الاول هعمل نفسي ما سمعتش حاجة :d
انا عاوز اليونيفورم تي شيرتات بولو بكم لون لوجو الشركة وعليها اسم الشركة وتبقي شيك
لاكن انا عارف المكان الي انت قصدك عليه دا ممكن الاقي فيه عفريته ويونيفورمات لناس شغالة في ورش

برضه ملحوظة صغيرة انا نسيت اقولها الا وهي طبيعة شغل شركتي

انا عندي شركة متواضعة لشبكات الري واللاندسكيب

فا في اماكن عامة و فيلات خاصة وقري سياحية كده يعني ببقي ماسكها صيانة ومتواجد عمالة من عندي فيها
فا عاوزها حاجة شيك برضه علشان كده

الحل الثالث بتاعك بقي ممتاز وانا عملته فعلا
كنت من كام يوم عند عطور جعباص
ولقيتهم لابسين تي شيرتات وشيك وعليها الاسم واللوجو وسئلتهم وقالولي

وانا معاك في موضوع اليونيفورم بس برضه افكر معاك بصوت عالي
بعد ما وضحتلك طبيعة الشغل

لما حد من العملاء بيشوف شكل اليونيفورم بيدي انطباع كويس جدا
وكمان بيدي وضع للشركة برضه كويس جدا

وهيبقي لازم يلبسوه ومكوي ونضيف وغير كده اكيد ليها جزاء

المشاركة الأصلية كتبت بواسطة abdo_general

والله انا فعلا فكرت في اول حل بس هرجع واقول في مشكلتين
هتعب اوي علشان ادور علي اللون الي انا عاوزه لاني عاوز التزم بلون لوجو الشركة دي اول حاجة
تاني حاجة هطبع فين ؟؟؟

والحل التاني هجيب قماش التي شيرتات البولو من الطرية ؟ هو فعلا ممكن الاقي الخامة دي قماش في المطرية
طيب ومصنع ايه الي ممكن يصنعهم !!

المطريه فيها كل انواع القماش الى ممكن الواحد يفكر فيه و الخامه الى حضرتك بتتكلم عنها الى هى بيتعمل منها التى شيرتات البولو اسمها بيكا طبعا غى منها القطن و فى المخلوط بوليستر
على ما افتكر كده سعر الكيلو فى حدود 40-50 و لو مقاسات الى هتعملها عاديه مش كبيره ممكن تعمل 3 تى شيرتات من الكيلو و كل ما المقاسات هتكبر طبيعى العدد هيقل يعنى نقول المتوسط 2 فى الكيلو
يبقى حضرتك هتحتاج تقريبا لو هتعمل 30 تى شيرت بس 13-18 كيلو
اما بقى تصنيعهم فى دى هتبقى رخمه شويه لان المصانع بتعمل كميات بس مش 30و 40 بس حضرتك تقدر تتفاوض مع المصنع يعنى مثلا لو التكلفه للـ تى شيرت الواحد مثلا 8 جنيه تصنيع ممكن تبلغه انك هتعملها ب 10 بس ينجزلك فى الوقت فاهم قصدى ؟! :d

و المصانع دى مفيش اكتر منها فى منطقه البراجيل من ارض اللواء انت لو نزلت و سئلت على اى مصنع 1000 واحد هيدلك هناك

فين فى المطريه؟