الشبح قليلة ليه ؟

**MaZaGAngeE** · 06-09-2013 07:30 PM

الموديل الشبح من 91 الى 97 تقريبا مش بشوفها الا نادر و شفت عربيات منها للبيع باسعار قليلة بالنسبة للموديل اللي بعديها و حتى اللي قبليها ...
العربية دي فيها مشاكل او عيوب ؟ مع انها في السعودية مثلا عاملة شغل كويس

**amz2011** · 06-09-2013 07:59 PM

انا كمان ملاحظ كده

**mh3** · 06-09-2013 08:15 PM

الحكايه وما فيها ان المرسيدس عامه سوقها مش ماشي في مصر وان اغلبيه اللي بيربو المرسيدس ناس كبار يعني مش عربيه شبابي وبرده حجمها الكبير مكره الناس فيها

**saddam** · 06-09-2013 08:30 PM

العربية الشبح أنا كان معايه وحده 92 لون مميز 500 ب 8 سلندر أس إي إل
بص يا سيدي العربية دي لما نزلت مصر في أواخر 91 وآخرها 98 كانت غالية على أكثر الناس وفترة التسعينات مكانش أصحاب المليارات وأصحاب عشرات الملايين كتير كانت مصر بتشهد بداية تحسن إقتصادي وإسقاط ديون بعد حرب الخليج إضافة إن الموديل ده مكانش بيتجمع في مصر اللي بعد منه جمعوه هنا اللي بيسموه الغواصة ال 99 أما هي كعربية فدي تحفة مرسيدس حتى يومنا هذا ولا زال اللي راكبها يحظى بإحترام كبير حتى خارج مصر أنا زعلان بس إزاي عندنا في مصر العربية المهزقة العيون ال 94"النهارده تلاقيها في مصر أغلى من الشبح وده طبعا راجع ﻷن وقتها أرخص بربع ثمتها وقتها بسبب الجمارك فنزلت كتير جدا فجت قطع غيار كتير ومصلحين كتير ليها فسوقها مشي إنما هي كعربية فعربية فشلت في كل الدول اللي زرتها في حياتي إلا عندنا في مصر
نصيحة لو جتلك شبح من 95 إلى 98 وبسعر من 130 إلى 160 نظيف فلا تتأخر عربية تحسسك ببرستيجك وتخليك صعب ترجع تاني تبص لعربيات زي إلانترا وسيراتو ولانسر وريو وكورولا وكامري وصني وأوبترا وأفيو وفيرنا ولانوس ومن لف لفهم فعلا لما حتيجي تدوس بنزين وإنت بتلف ملف وعينك على علامة النجمة حتحس بإحساس تاني ولما تجرب حتعرف معنى كلامي ولو إشتريت العربية دي شدها ورجعها زيرو وإوعه في يوم تفكر تبيعها دي خلاص بقت من العلامات الكلاسيكية لمرسيدس ودمتم للنضال

**amz2011** · 07-09-2013 12:20 PM

بس متهيالى قطع الغيار بتاعتها غاليه جدا

**MaZaGAngeE** · 07-09-2013 01:36 PM

المشاركة الأصلية كتبت بواسطة saddam

العربية الشبح أنا كان معايه وحده 92 لون مميز 500 ب 8 سلندر أس إي إل
بص يا سيدي العربية دي لما نزلت مصر في أواخر 91 وآخرها 98 كانت غالية على أكثر الناس وفترة التسعينات مكانش أصحاب المليارات وأصحاب عشرات الملايين كتير كانت مصر بتشهد بداية تحسن إقتصادي وإسقاط ديون بعد حرب الخليج إضافة إن الموديل ده مكانش بيتجمع في مصر اللي بعد منه جمعوه هنا اللي بيسموه الغواصة ال 99 أما هي كعربية فدي تحفة مرسيدس حتى يومنا هذا ولا زال اللي راكبها يحظى بإحترام كبير حتى خارج مصر أنا زعلان بس إزاي عندنا في مصر العربية المهزقة العيون ال 94"النهارده تلاقيها في مصر أغلى من الشبح وده طبعا راجع ﻷن وقتها أرخص بربع ثمتها وقتها بسبب الجمارك فنزلت كتير جدا فجت قطع غيار كتير ومصلحين كتير ليها فسوقها مشي إنما هي كعربية فعربية فشلت في كل الدول اللي زرتها في حياتي إلا عندنا في مصر
نصيحة لو جتلك شبح من 95 إلى 98 وبسعر من 130 إلى 160 نظيف فلا تتأخر عربية تحسسك ببرستيجك وتخليك صعب ترجع تاني تبص لعربيات زي إلانترا وسيراتو ولانسر وريو وكورولا وكامري وصني وأوبترا وأفيو وفيرنا ولانوس ومن لف لفهم فعلا لما حتيجي تدوس بنزين وإنت بتلف ملف وعينك على علامة النجمة حتحس بإحساس تاني ولما تجرب حتعرف معنى كلامي ولو إشتريت العربية دي شدها ورجعها زيرو وإوعه في يوم تفكر تبيعها دي خلاص بقت من العلامات الكلاسيكية لمرسيدس ودمتم للنضال

ده الكلام المنطقي و المعقول ....... لاني بشوف الناس في الخليج بيشكروا جامد في الموديل ده اكتر من غيره و حتى الموديل 320 برضه بيتكلموا عنه كويس مع ان القدرة المالية عندهم عالية و سهل انهم يشتروا الزيرو مش زي عندنا ...
انا شفت عربيتين تلاتة 320 للبيع بس مشفتش 500 او 600 للبيع و الاسعار كانت من 100 ل 135 و ده سعر قليل قوي مع ان العربيات نظيفة جدا ( شكلها كده مكشفتش عليهم ) ..و ده اللي خلاني ادور عن راي الناس في الخليج ..

المشاركة الأصلية كتبت بواسطة amz2011

بس متهيالى قطع الغيار بتاعتها غاليه جدا

انا شفت واحد في المطار راكب 320 و سالته عن عمرة الموتور قالي ب 20 الف ... بس مش عارف هل ده صح ولا بيشتغلني ...
معقول ان قطع الغيار غالية و الصيانة غالية بس مش لدرجة 20 الف الا لو ده سعر التوكيل ..

**amz2011** · 07-09-2013 02:58 PM

هى الضريبه بتاعتها كام فى السنه

**MaZaGAngeE** · 07-09-2013 03:15 PM

المشاركة الأصلية كتبت بواسطة amz2011

هى الضريبه بتاعتها كام فى السنه

مش عارف بس اظن انها مش هتزيد عن 1500 ابدا لانها موديلات اول التسعينات

**amz2011** · 07-09-2013 08:20 PM

انا ركبتها امبارح تحس كده ان راكب سفينه متركب عليها صوت صاروخ
دا غير صوت الموتور

**saddam** · 07-09-2013 10:35 PM

قطع غيارها أرخص من عربيات بالنسبة لها تعتبر من الدرجة الثالثة زي باسات و.أوكتافيا والأسترا والستروين ومن لف لفهم بالنسبة لعمرة المكنة فإنت ممكن تركب مكنة بالكامل ب 10 آلاف والمرغوبة في مصر 320 ﻷنها 6 سلندر أم 100 دي تعبانة النظيف يبدأ من 135'إلى 160 ومتاخدش أقل من 95 عشان الخط في الباكيتة بيفرق جامد في المنظر الوطني ودمتم للنضال أنا من 6 شهور نظرا ﻷني مشفتش كرسي أفخم من ال 500 القديمة بتاعتي فرحت إشتريت كراسي شبح بالزراير اللي على شكل كرسي ب 2100 جنيه ونقلتها ب 300 جنيه وركبتها ب 500 جنيه في مرسيدس موديل 65 عايز أقولك الحياة إتغيرت راحة ومنظر ودمتم للنضال إتكل على الله وخدلك وحده بس متهينهاش مش كل يوم تخرج بيها خروجات الشياكة وتجيب عربية أي كلام لحياتك اليومية زي لانسر أو.إلانترا القديم أو سيراتو القديم وساعتها لما تبدل ما بينهم حتحس إن برستيجك بيوقع ودمتم للنضال من قمة المهازل في مصر تلاقي عربية نيسان مثلا ب 120 ونلاقي شبح ب 120 ونروح نجيب نيسان
الضريبة ب 1150 سنويا وبالنسبة للأمان مرة إنفجر عندي إطار خلفي أيمن بسرعة 250 وكانت الحياة طبيعية وسيطرت عليها ووقفت وتوكل