الموضوع: القاهرة الساحل قرية اللوتس

يااااه انا لسه جاى النهاردة من اللوتس، بص هى عند الكيلو ٩٢ تقريباً وبينها وبين مارينا حوالي ٥دقائق والدنيا هناك زى الفل ، القرية فيها بحيرة كويسة وفيها ألعاب مائية، بس عيبها القاتل مافيهاش حتة كويسة تروحها بليل

طب الطريق ازاى ؟؟
واية نوع الالعاب المائية الى هناك وكام يوم كفاية عشان متزهئش ؟؟؟

المشاركة الأصلية كتبت بواسطة omarkhaled55

طب الطريق ازاى ؟؟
واية نوع الالعاب المائية الى هناك وكام يوم كفاية عشان متزهئش ؟؟؟

انت هتاخد الطريق مصر - اسكندرية الصحراوي العادى لحد طريق وادى النطرون بعد ما تخلص وادى النطرون هتلاقى الطريق بليف بيك يمين إجباري ، هتبص شمالك هتلاقى بوابة ٣ بتاعة مارينا ، افضل مكمل على طول مفيش ٥ دقائق هتلاقى على أيدك اليمين يافطة مكتوب عليها اللوتس شمال، هتاخد اول u turn وتلف وترجع ، بعد كدة تخش فى اول يمين هتلاقى نفسك عند القرية

المشاركة الأصلية كتبت بواسطة mizo555

انت هتاخد الطريق مصر - اسكندرية الصحراوي العادى لحد طريق وادى النطرون بعد ما تخلص وادى النطرون هتلاقى الطريق بليف بيك يمين إجباري ، هتبص شمالك هتلاقى بوابة ٣ بتاعة مارينا ، افضل مكمل على طول مفيش ٥ دقائق هتلاقى على أيدك اليمين يافطة مكتوب عليها اللوتس شمال، هتاخد اول u turn وتلف وترجع ، بعد كدة تخش فى اول يمين هتلاقى نفسك عند القرية

معلش نسيت أقولك كفاية آوى ٥ أيام بالكثير ، بس انت ممكن تزهق بليل لان القرية مملة بليل مفيهاش غير ٣ كافيهات احسنهم واحدة اسمها ايتاليانوا ، فحاول تظبط مارينا بليل علشان متزهقش

جميل اوى طب وفى jet ski او beach buggy ????