الموضوع: يوم و ربع فى المركز اللى تبع طنانى

الحكاية مش عنوان و السلام
يوم الاتنين سافرت من اسيوط الى المنيا
و كنت بايت هناك يوم الاثنين و الثلاثاء
المهم يوم الاربع كان عندى مشوار فى القاهرة و اتفقت انى اعدى على طنانى و انا كنت رايح اصلا بدون عربية و ركبت الاربع الصبح السوبر جيت من المنيا الى القاهرة
و عديت عليهم فى المعادى فى المركز و العنوان كان سهل جدا بجوار عمر افندى او بجوار المطافى
المهم سبت شنطة السفر بتاعتى فى المركز و توكلت على الله الى مشوارى و خلصت المشوار و رجعت على المركز تانى علشان اخد الشنطة و ابات عند قرايبى فى الجيزة
و محمد طنانى دماغه الف برطوشة انى اروح ابات معاه - من كل النواحى انا رفضت و قولت خلاص ابات فى المركز لغاية الصبح
ندخل بقة فى المركز و اللى هقوله بما يرضى الله
.... من حيث التجهيز ....
كل الادوات و الاجهزة على اعلى اعلى مستوى و هتكلم بالترتيب
جهاز كشف الاعطال يتم تحديثه كل 3 ايام لاخر سوفت وير بينزل ليه
جهاز كشف التكييف متكامل و بيعمل كل حاجة فى العربية
مكن شفط الزيت
مكنسة بالكهرباء لترويق العربية بعد الصيانه
كوريكات تمساح محترمة جدا غير الموجودة بره خالص
حمالات ايطالى
كمبريسور هوا لتنضيف العربية
مكنه فك الكاوتش الية بدون الربط بالمفتاح و الماسورة اللى بتقضم الضهر
فى مكتب الادارة بقة
تكييف
حمام كويس
شاشة الى اى دى 32 بوصة
ريسيفر غريب استرا اتش دى
تلاجة
تليفون ارضى
كمبيوتر
طباعه و اسكانر و مكنة تصوير
كنب روعه
مكتب شيك جدا
4 طفايات لانهم فى المركز مدمنيين سجاير
اجر شقة جنب المركز و فتحها على المركز عبارة عن اوضتين و صاله و حمام كبير و مطبخ
.... بالنسبة بقة للصنايعية ....
الباشمهندس / احمد بكر " خريج هندسة ميكانيكه فعلا مش اسم و خلاص "
حته ولد زى السكر بجد
احمد الكبير - صنايعى حكاية و فاهم جدا
حامد : عيل فاهم برضوا
احمد الصغير : دة اخو حامد التؤام و عيل زى العسل و جدع و غلبان و حيرك و يروح اى حته و يتمشور بدون اعتراض خالص

اليوم الاول انا نمت على الكنبة فى مكتب الادارة و عشت حياتى و كمان طنانى سابلى الطبنجة بتاعته فى درج المكتب تحسبا لاى طروف ( و الذكى كان قافل درج المكتب و المفتاح معاه - ههههههههه )
فليت المركز حته حته براحتى
فعلا قمة الراحة اللى ممكن تحس بيها و لا يمكن العربية تتقفل و تمشى بدون ان المسامير كلها تكون راكبة و الورد بتاعتها كمان و الطاسات و كل الكلام دة
و طنانى مسك فيا يوم الخميس و قعدنا نحكى للساعه 12 بالليل و بيتنا بقى كلنا فى المركز
انا و طنانى و اسلام زميلنا و الباشمهندس احمد المسئول عن المركز
فعلا يا رجالة الله يباركلة فى المركز دة
اقسم بالله قدام عينى محمد طنانى نزل و نام تحت عربية بهدومه و من غير ما يحط دواسة تحته علشان يشوف المصفحة ركبت كويس و لا لآ
و كل ايديه شحم و زيت - و بيشتغل بنفسة و هو صاحب و مدير المركز - فعلا سبحانك يا رب
و كان الحمد لله وشى حلو عليهم
جه الكوريك الكبير ( الليفت ) و ركبوه يوم الخميس و رفعنا عربية طنانى للتجربة و كشفناها كلها من تحت
دة ملخص اليوم و ربع فى الجنه بالمركز
و ان شاء الله
على اول اجتماع فى القاهرة هبات يوم تانى فى المركز على نفس الكنبة الجميله
و ربنا يكرم الجميع

ما أجمل أن تجد أناسا تحابوا في الله
بارك الله فيكم جميعا
وشكرا لهذا المنتدى العظيم
وأخونا طناني يستحق كل هذا الحب
أنظروا إلى مشاركاته في خدمة الاعضاء منذ سنوات ، تقريبا له في كل موضوع مشاركة أو أكثر
تحياتي لكم
أحبكم جميعا