لانوس ولا افيو

**islamnasser10** · 08-09-2013 01:32 AM

السلام عليكم ورحمة الله وبركاته
انا معايا لانوس 2002 وعايز اركب حاجة احدث وبصراحه معجب بالافيو جدا وعلي اد فلوسي برضة لان اخري 60 الف بعد بيع اللانوس
دخلت قسم الشيفرولية لقيت الافيو عربية غامضة ناس كتير بتشكر فيها وبتقول عربية ممتازة مقابل سعرها
وناس بتقولي عربية مليانة عيوب ملهاش اول من اخر عفشة بتدبدب والمساعدين بتجيب زيت وتكيف تعبان وصوت من الباب اليمين علي السرعات العالية والار بي ام بيعلي لوحده و و و
حسيت انها عربية بطيخة ياتطلع حمرا ياتطلع قرعة
كان ليا تجربة مع الافيو كنت مأجرها يوم وعجبتني جدا عن اللانوس فيه فرق فعلا
بس اللانوس مفهاش مشاكل عموما وقطع غيارها رخيصة جدا
وخايف الافيو تطلع عربية من النوع اللي كلها مشاكل بتظهر كل فترة
افيدوني
اجيب افيو 2008 2009(وانا ونصيبي) ولا لانوس 2010 2011(هتبقي شيفرولية وسمعت ان فيها مشاكل - مش زي الدايو) ولا اصرف الفلوس علي اللانوس اللي معايا موديل 2002 (مش حابب الاختيار ده عايز اركب موديل احدث لان بعد اللي هصرفه عليها هتفضل برضة موديل 2002)

**M I D O** · 08-09-2013 02:37 AM

الافيو هية الانوس بس الشكل الجديد يعني مش هتحس بفرق ان مكانتش الانوس احسن كمان الافيو كلها مشاكل

**ahmedalaahosny** · 08-09-2013 04:20 AM

رايي تجيب دايو لانوس موديل حديث من باب ان اللى تعرفه احسن من اللى ماتعرفوش
وبرده راجع ده ياباشا ف الافيو
http://www.nilemotors.net/Nile/374470-a.html

**ahmedalaahosny** · 08-09-2013 04:49 AM

ممكن تسيبك من الاتنين واركب نوبيرا عربية جميلة وهتبقى 2008 وممكن برده تشوف هوندا سيفيك بالتمن ده لو انت من هواه التعديل والجرى والشد الهوندا ماشاء الله لا غبار عليها موديل من 93 بخمسيينات يعنى 98 ب ستين وممكن تجيب فيرنا 2010 وممكن لو معندكش عقدة من الصينى اسبرانزا a516 موديل 2012 وممكن صنى 2003 ممكن تجيب لانسر 2004 اوتوماتيك وممكن لو بتحب اللانوس اوى يبقى هات جوليت جميلة جدا واهو وتغيير برده ممكن اوبل فيكترا 2000