السلام عليكم ورحمة الله وبركاته
لو سمحتم يا اساتذة وخبراء الدايو حد يفيدني ضروري وعلى وجه السرعه بخصوص فتيس دايو لانوس اتوماتيك 2001 من فتره كنت خبطت في مطب على خفيف كده وربنا ستر ومحصلش اكتر من ان الشفه بتاعة الكارتيره انتنت والجوان انقطع والحمد لله ومفيش اي حاجه اكتر من كده وحتى مكنتش حسيت بالخبطه فى الفتيس يعني كأنه متخبطش المهم رحت لميكانيكي فك الكرتيره ونزل باقي الزيت لأن كان في زيت كتير نزل وطلع الفلتر ونضفه وقالي مش محتاج يتغير وكده حتي كويس نضافه للفتيس المهم استعدل الشفه وعملت جوان جديد وقالي هات 6 كيلو زيت وقفل على كده وحطهم وطلعت اجرب المهم العربيه مشيت شويه تمام واما سخنت وهديت عند مطب ابتدت تنتش في الغيارات ابتداء من الاول نتشه غبيه المهم حطلي نص كيلو كمان وظبطت على كده ومشيت وبعدين عرفت ان الفتيس بياخد 12 كيلو من هنا فقلقت بصراحه فقلت اروح لواحد بتاع فتايس في الحرفيين واساله فقالي فعلا بياخد 12 كيلو وكده الفتيس ممكن يتحرق منك المهم قالي هات 4 كمان ونحطهم وحطهم ومشيت بالعربيه ورجعت تاني تعمل زي الاول تنتش في الغيارات اما امشي بيها مسافه وتسخن ولو بطلتها ووقفت شويه ودورت ومشيت تاني تمشي تقريبا نفس المسافه كويس بدون نتش وترجع تبتدي تنتش تاني والنتشه تبان اوي وهي في الاول والتاني لان العربيه مش بتبقى على سرعتها اوي فبترزع ف العربيه المهم واسف على الاطاله رحت لواحد بتاع فتيسات اتوماتيك تاني قالي ان فيه طبة للقياس ومستوى الزيت بيبقى فين واكده وخلاني شفتها وقام فكها والعربيه مرفوعه والدراع على p وقالي فيه زيت زياده جدا وفضل يفضي في الزيت الزياده لحد ما الطبه قربت تبقى خلاص شبه مش هتنزل زيت تاني وقالي نسيب برده زياده حاجه بسيطه خالص وربط الطبه وبصراحه من بعدها صوت الموتور هدي وفي الغيارات والتاخير وكده بس نفسسسس العيب بعد مسافه معينه والعربيه سخنه ترجع تنتش تاني فرجعتله قالي مادام بتبطل وتدور وتمشي عادي بعد كده وبرده العربيه بتبقى سخنه يبقى ده وبعدين ينتش تاني يبقى ده عيب كمبيوتر او كنترول الفتيس اللي هو تحت الكرسي اللي جمب السواق والميكانيكي اكدلي ان ده مش عيب حاجه في الموتور نهائي وآآآآآآآآآآآآآآآسف جدا تاني على الاطاله بس لازم الموضوع يكون واضح ف الكلام عشان الدكتور يقدر يحدد المرض فين ههههههههههههههههه
ياريت يا جماعه لو حد يفيدني لاني بسافر ومعطل نفسي بقالي يومين بسبب الفتيس ده غير انه من النتشه دي بوظلي كوبلن وصلحته وخايف يبوظ حاجه تاني وافضل عطلان كده واتجنب شغل الصنايعيه واشتغالاتهم او عدم فهمهم وخبرتهم
وشكرا مقدما لاي حد ممكن يفيدني شكرا جزيلا وربنا يجازيه عني كل خير والسلام عليكم
المفضلات