محتار بين الماتريكس والمازدا 3 والاوبترا وجين 2

**kokmedo** · 09-09-2013 11:50 AM

السلام عليكم
أنا بدور علي عربية وأخري في العربية 71 الف
أنا محتاج عربية تكون اوتوماتيك وتكيفها كويس وعالية عن الارض ومش بتأخذ بنزين كثير وأعطالها ومشاكلها قليلة وقطع غيارها ممكن تكون غالية شوية مش مشكلة بس تكون موجودة وميكنش مبالغ فيها
الاختيارات
اوبترا , نيو أكسنت , مازدا 3 , ماتريكس , جين 2 , ياريس , لانسر , هوندا سيتي , رينو لوجان , رينو ميجان , صني , byd
مش عارف العربيات ال 1300 هيكون أخبارها إية في التكييف مع الاتوماتيك زي الياريس أنا بحب الانسر أوي بس ناس كثير قالت ال 1300 مع التكييف هتموت منك
أنا عجبني المازدا3 بس ناس خوفتني منها في موضوع قطع الغيار والعفشة بتاعتها والماتريكس والاوبترا وجين 2
لو في حاجة ثانية غير كدة مفيش مشكلة بس يكون شكلها حلو وشيك
انا معايا اكسنت 98 وعايز أغير علشان تقعد معايا بقي العربية الجديدة يعني نقول بأذن الله 10 سنين كدة
وأسف علي الاطالة

**M I D O** · 09-09-2013 02:29 PM

للاسف المبلغ دة ميجبش حاجة اوتوماتيك كويسة وليا ابن خالي جاب لانسر اوتوماتيك ب 65 الف و العربية مطلعة عينة تصليحات وحالتها زي الزفت عاوز حاجة اوتوماتيك هتزود ل 80 او 85 الف عشان تجيب حالة كويسة انما بالمبلغ دة هتظلم نفسك في عربية تعبانة ممكن تجيب مانيوال حالة كويسة بالمبلغ دة وفي رايي الشخصي تشوف عربية رينو لوجان ماشية عداد قليل بالمبلغ دة افضل

**ahmedalaahosny** · 09-09-2013 03:20 PM

تصدق بالله والله والله والله كنت كاتب حتة مشاركة كنت هدخل بيها التاريخ كنت لامم كل العربيات اللى حضرتك بتقارن بينها دىمميزات وعيوب يخربيت ام الكهربا بتلعب فضيعت كل اللى كتبته

**M I D O** · 09-09-2013 04:55 PM

المشاركة الأصلية كتبت بواسطة kokmedo

ولا حتي ياريس اتوماتيك

الياريس حالة كويسة هتعمل من 75 الف ل 80 الف

**M I D O** · 09-09-2013 04:56 PM

المشاركة الأصلية كتبت بواسطة ahmedalaahosny

تصدق بالله والله والله والله كنت كاتب حتة مشاركة كنت هدخل بيها التاريخ كنت لامم كل العربيات اللى حضرتك بتقارن بينها دىمميزات وعيوب يخربيت ام الكهربا بتلعب فضيعت كل اللى كتبته

هههههههههههههههه طيب دلوقتي نقول الله يخربيتك يا مين بقي يالي بتقطع الكهرباء