استفسار عن ماروتى 1996 للشرااااء .. ضروووووري الله يكرمكم

**moury** · 09-09-2013 11:17 PM

ياجماعة معروض عليا عربية سوزوكى ماروتى موديل 1996
المواصفات كالتالى على لسان صاحب العربية ( اللى هو زميلى فى الشغل بس دى عربية اخته )
هو كان شاريهالها من سنه وعلى كلامه ان العربية هو مغيرلها الفتيس تقريبا لسه قريب وبيقول انه جايبه استيراد ... عامل عمرة للموتور من حوالى 9 شهور تقريبا وللعفشة بتاعتها
على كلامه برضه ان العربية كاساسيات كويسة جدا جدا وقالى لما هتركبها هتحس بده فى نعومتها على الطريق
العربية مش راشة لا بره ولا جوه
عامل كسوة للصالون جديدة ( يعنى ايه كسوة ؟؟ يعنى متنجد جديد ولا ايه قصده ؟؟ )
العربية فيها كاسيت وسماعات ستريو
العربية محتاجة تترش بره للنضافة مع العلم انه مش ظاهر فيها اى خبطات خارجية
العربية محتاج يتغير فيها الاكصدام الخلفى لانه مكسور والامامى للنضافة بصراحة
وشوية حاجات فى الشكل من بره زى الجلد بتاع الباب وكده
والازاز الامامى مكسور بسبب المظاهرات اتحدف عليه طوبة وهو بيقول هيغيره الاسبوع ده ان شاء الله
العربية رخصتها تقريبا انتهت وهتحتاج نقل ترخيص من القاهرة للشرقية وتجديد رخصة طبعا

سؤالى بقى العربية دى تعمل كام سعر ؟؟
ولو عايز اتاكد من كل الحاجات اللى هو قالها دى اتاكد ازاى يعنى ميكانيكى ولا سنكرى ولا عفشجى ولا ايه ؟؟؟
وياترى الاكصدامات والحاجات دى الاقيها فين وتتكلف كام ؟
ورش العربية من بره يتكلف كام برضه ؟؟
وهل الرخصة تقلل من سعر العربية ولا لا ولو اه تقلل كام تقريبا ؟؟
وسؤال اخير هل الماروتى قطع غيارها متوفرة زى ال 128 فى الشرقية بالذات ولا لا ؟؟
واخيرا هى افضل ام فيات 128 ؟؟؟؟؟؟

وشكراااا مقدماااا

**moury** · 10-09-2013 12:27 AM

ايه يا جماعة محدش رد عليا ليه ؟؟

**dr.hazem** · 10-09-2013 12:57 AM

المشاركة الأصلية كتبت بواسطة moury

ياجماعة معروض عليا عربية سوزوكى ماروتى موديل 1996
المواصفات كالتالى على لسان صاحب العربية ( اللى هو زميلى فى الشغل بس دى عربية اخته )
هو كان شاريهالها من سنه وعلى كلامه ان العربية هو مغيرلها الفتيس تقريبا لسه قريب وبيقول انه جايبه استيراد ... عامل عمرة للموتور من حوالى 9 شهور تقريبا وللعفشة بتاعتها
على كلامه برضه ان العربية كاساسيات كويسة جدا جدا وقالى لما هتركبها هتحس بده فى نعومتها على الطريق
العربية مش راشة لا بره ولا جوه
عامل كسوة للصالون جديدة ( يعنى ايه كسوة ؟؟ يعنى متنجد جديد ولا ايه قصده ؟؟ )
العربية فيها كاسيت وسماعات ستريو
العربية محتاجة تترش بره للنضافة مع العلم انه مش ظاهر فيها اى خبطات خارجية
العربية محتاج يتغير فيها الاكصدام الخلفى لانه مكسور والامامى للنضافة بصراحة
وشوية حاجات فى الشكل من بره زى الجلد بتاع الباب وكده
والازاز الامامى مكسور بسبب المظاهرات اتحدف عليه طوبة وهو بيقول هيغيره الاسبوع ده ان شاء الله
العربية رخصتها تقريبا انتهت وهتحتاج نقل ترخيص من القاهرة للشرقية وتجديد رخصة طبعا

سؤالى بقى العربية دى تعمل كام سعر ؟؟
ولو عايز اتاكد من كل الحاجات اللى هو قالها دى اتاكد ازاى يعنى ميكانيكى ولا سنكرى ولا عفشجى ولا ايه ؟؟؟
وياترى الاكصدامات والحاجات دى الاقيها فين وتتكلف كام ؟
ورش العربية من بره يتكلف كام برضه ؟؟
وهل الرخصة تقلل من سعر العربية ولا لا ولو اه تقلل كام تقريبا ؟؟
وسؤال اخير هل الماروتى قطع غيارها متوفرة زى ال 128 فى الشرقية بالذات ولا لا ؟؟
واخيرا هى افضل ام فيات 128 ؟؟؟؟؟؟

وشكراااا مقدماااا

تسوى من 14-15..
هتحتاج تكشف عليها اما في محطه او تاخد معاك ميكانيكي وسمكري...
الاكصدامات للموديل ده رخيصه تقريبا ب100-150جنيه ومش عارف مدى توفرها في الشرقيه بس في القاعرة متوفرة جدا زي ال128...
مش فاهم سؤال الرخصه...
تحياتي

Sent from my Xperia Arc S using Forum Runner

**aw2100** · 10-09-2013 01:45 AM

الماروتى افضل طبعا وابعد تماما عن ال128 عربية ضعيفة وكلها مشاكل بس اكشف عليها كويس فى بنزينة او عند سمكرى ثقة وخلى بالك من الغش فى العربيات للركب اليومين دول مافيش حاجة اسمها صاحبى وزميلى الدنيا بقت مصالح ومبروك على العربية !!

**lidosasa** · 10-09-2013 03:22 PM

المشاركة الأصلية كتبت بواسطة dr.hazem

تسوى من 14-15..
هتحتاج تكشف عليها اما في محطه او تاخد معاك ميكانيكي وسمكري...
الاكصدامات للموديل ده رخيصه تقريبا ب100-150جنيه ومش عارف مدى توفرها في الشرقيه بس في القاعرة متوفرة جدا زي ال128...
مش فاهم سؤال الرخصه...
تحياتي

sent from my xperia arc s using forum runner

هو قصده هل إنتهاء رخصة السيارة يقلل من سعر العربية
وأنا شخصياً أعتقد طالما العربية عجباك وطالما حتنقل من مرور لمرور يعنى كده كده رايح للمرور يبقى مش حتفرق معاك فى حاجة وعموماً تجديد رخصة الماروتى سنة بالضريبة حوالى 340 جنيه على ما أتذكر ودى لموديل 2007 مش عارف بقى حتفرق لو موديل 96 .

**lidosasa** · 10-09-2013 10:21 PM

المشاركة الأصلية كتبت بواسطة moury

تمام يا جماعة كلامكم ده
هو للاسف ماسك ومصمم على 16 الف وانا كنت بحاول انزل ل 14 بس يعنى هو مصمم على 16 ولو نزل هتبقى 15 او 15 ونص مثلا

بس انا خايف اعوز اعمل فيها حاجات بعد ما اخدها تكلفنى الف ولا اتنين كمان
زى الاكصدمات اللى عايزة تتغير دى ووش الرش عشان يلمعها شوية وكده
كمان مش عارف نقل الرخصة ده بيحتاج فلوس ولا لا
ونقل الملكية سمعت انه بيتكلف حوالى 500 جنيه هل دول بيبقوا على اللى بيشترى ولا على اللى بيبيع ؟؟
ولو هو تمسك ب 16 هل كده السعر كويس ولا يعتبر عالى
انا خايف بس لو حبيت ابيع بعد سنه او اتنين مثلا اخسر فيها كتير لمجرد انى كنت واخدها اصلا غالية

كل إجراءات نقل الملكية ومصاريفه على المشترى وأسأل الأول فى الشهر العقارى على قيمة تسجيل العقد لآنى أعتقد إنه حيكون أكتر من كده
والعربية طبعاً حتتكلف يعنى وش النضافة لوحده ممكن يعدى الألف بس فيه حاجات ضرورية الأول لازم تعملها فى العربية وحاجات ( زى وش النضافة ) ممكن إنها تتأجل لحد ما ربنا يفرجها
وبخصوص إعادة البيع أنا رأيى الشخصى إننا فى البلد دى الحاجة أحسن من الفلوس . دايماً الفلوس قيمتها بتقل والسلع بتزيد ولو تمنها نزل حيكون حاجات بسيطة