مساء الخير يا شباب
حصلى حاجة غريبة قوى, فولت امبارح من كالتكس اللى فى شارع النصر - المعادى
ومشيت حوالى 20 كم , وتانى يوم مشيت شوية حسيت ان العربية بتنتش بس على خفيف قوى
المهم مشيت وظنشت قلت يمكن البنزين فيه وساخة ولا حاجة
المهم اخدت محور الشهيد اللى قدام التوكيل فى القطامية وكنت مشغل التكييف على 2
وفى المطلع حسيت العربية ما بتسحبش لدرجة ان فى المطلع جابت 90 بالعافية وده على غير العادة
بعد ساعتين تقريبا كنت ماشى و لقيت العربية مرة واحدة ما فيهاش سحب خالص وادوس بنزين ال RBM يوصل 2 بالعافية. كنت جنب البيت و المهم و مشيت مش عارف ازاى ور كنت تحت البيت ويعد جبت واحد ميكانيكى بتاع اسبيرانزا يبص عليها. بادور دارت وعادى خالص ولا كان فيه حاجة بس لمبة ال Check نورت
عم الميكانيكى قاللى دى طرمبة بنزين و راح فاصل البطارية علشان اللمبة تطفى. العربية بقت عادية بس السحب وحش قوى وكمان دوست البنزين للاخر ال ٌRBM ما بيجبش اكتر من 5 مع العلم انى ساعات باجرى لحد ما يجيب 5.5 او اكترز
انا نويت اروح التوكيل بعد بكرة ان شاء الله بس حبيت استشيركم يمكن يكون حد قابل الموضوع ده قبل كده
متاسف على الاطالة ومستنى ردودكم