صيانة بيجو 301

**AUDAI** · 10-09-2013 03:43 AM

السلام عليكم ورحمة الله وبركاتة
انا قررت اكتب الموضوع دة علشان نعرف كل تفاصيل عن صيانة بيجو 301

الحمد لله انا اشتريت 301 موكا بيزلاين وعامل بيها حتى الان 4000 كم

روحت عملت صيانة 2500 فى فرع غمرة وتفاصيل الصيانة

- بصوا على العربية ولم يغيروا اى زيوت
- هذة الصيانة مجانية
-بيسالوك فقط على اى مشاكل واجهتك مع العربية

ياريت كل ملاك ال 301 يدخلو ويقوليلنا اخبار الصيانة معاهم اية

منتظر تفاعلكم

**M I D O** · 10-09-2013 04:06 AM

مبروك الصيانة وربنا يحفظلك العربية

**AUDAI** · 10-09-2013 05:20 AM

الكلام بتاع التوكيل مظبوط قالولى بردة نفس الكلام انهم قامو بمرحلة التليين فى اسبانيا
ومفيش تغيير زيت غير عند 10000 كم
واول صيانة هى صيانة 2500 كم

عاوزين نعرف بقة حد من ملاك العربية عمل صيانة ال 10000 وايه افضل مكان للصيانة

**amrelsaqqa** · 10-09-2013 09:36 AM

مبروك يا باشا العربية بس عايزين تقرير او تقييم كامل لكل حاجة في العربية
وبالمناسبة حد يعرف نوع الزيت اللى بييجى في العربية ايه بالظبط ؟

**mohjarr** · 10-09-2013 12:35 PM

أول صيانة بالنسبة لى كانت فى فرع غمرة و تم عمل التالى:
1- تم رفع السيارة و عمل بعض التربيطات .
2- تم مراجعة عمل التكييف .
3-تم التأكد من مستوى السوائل من زيت و مياة .
4-تم عمل تحديث للسوفت وير الخاص بالسيارة.
5-تم تنظيف الموتور.

الصيانة مجانية و معاملة مندوبى التوكيل محترمة و بمجرد وصولى تم إستلام السيارة و وضع أكياس على كرسة السائق مع دواسات ورقية .
تستطيع مشاهدة ما يتم عمل فى السيارة و أنت جالس داخل صالة الإنتظار المكيفة.

**mohjarr** · 10-09-2013 12:41 PM

المشاركة الأصلية كتبت بواسطة amrelsaqqa

وبالمناسبة حد يعرف نوع الزيت اللى بييجى في العربية ايه بالظبط ؟

موجود تحت غطاء الموتور ستيكر يفيد بأن بيجو تنصح بإستخدام زيت توتال لذا أعتقد أنه الزيت الموجود بالسيارة الأن ولكننى سمعت أن التوكيل فى مصر يستخدم زيت موبيل .

**Ahmed Amin** · 10-09-2013 02:02 PM

المشاركة الأصلية كتبت بواسطة mohjarr

موجود تحت غطاء الموتور ستيكر يفيد بأن بيجو تنصح بإستخدام زيت توتال لذا أعتقد أنه الزيت الموجود بالسيارة الأن ولكننى سمعت أن التوكيل فى مصر يستخدم زيت موبيل .

فعلاً بيجو بيتنصح بإستخدام توتال, ودا مكتوب علي تكت أما تفتح الكبوت وفي كتالوج العربية برضه.
والتوكيل متعاقد مع وبيستخدم موبيل وان, زي معظم توكيلات مصر ودا أسوء زيت في مصر ممكن تحطة في عربيتك عن تجربة وتجربة أعضاء كتير هنا,

ولاني مش بلاقي زيت توتال بستخدم زيت شيل,, وهوا زيت ممتاز جداً وباخده معايا التوكيل وانا رايح أعمل الصيانة وبطلب أغير بيه وبيغيرو لي بيه عادي وبياخدو حق الفلتر ومصنعية تغير الزيت بس من غير ما أخد الزيت من عندهم ومفيش مشاكل.

**mohjarr** · 10-09-2013 02:39 PM

المشاركة الأصلية كتبت بواسطة amrelsaqqa

تسلم بجد ، انا بالظبط بسأل عشان كدة ، وكدة تأكدلى انهم بيستخدموا موبيل

طب انا مش عايز احط موبيل في العربية اعمل ايه ، او على اقصى تقدير اغيره في صيانة الـ 2500 ، اخد معايا الزيت اللى انا عايزه وهيغيروهولى على 2500 عادى؟

مافيش تغيير زيت فى صيانة ال 2500 و إن شاء الله فى صيانة ال 10000