السيارة بتنتش والسلانسية مش مظبوط ,كورولا 2010

**wael_power** · 10-09-2013 01:32 PM

السلام عليكم
السيارة كورولا 2010 منوال بتنتش والسحب مش مظبوط والسلانسية الار بي ام بيعلي ويوطي لوحده بشكل ملحوظ
كانت عملت كده من شهرين غيرت بوجيهات كانت مهببة ولما ركبت الجديدة ظبطت الاداء ومكانش في اي مشاكل في السحب والسلانسيه اتظبط بشكل كبير بس برده متغير بنسبه بسيطة
ودلوقتي رجعت تاني زي الاول السلانسيه باظ خالص والتنتيش كتير والسحب ضاع
كشفت علي البوجيه لاقيته مهبب شويه فقلت قبل ماغيره تاني عايز اعرف سبب تهبيب البوجيه
وهل يوجد بلف ايدل كونترول علي البوابه في الكورولا ولا لأ وهل هو سبب ارتفاع الار بي ام في السلانسيه ولا في حاجة تانيه؟ ولو موجود طريقة فكه وتظيفه اذاي
لان كان بيحصل معايه في اللانوس ان السلانسيه مش مظبوط ولما بنضف الايدل بيظبط السيارة جدا وبتسحب كويس

وشكرا جزيلا

**OilMan** · 10-09-2013 02:37 PM

حضرتك غيرت البوجيهات فين؟ وهل اشترتها من التوكيل؟ وايه اخبار فلتر البنزين المفروض بيتغير على 85 الف كيلو

ملاحظه: البوجيهات فى الجنوب افريقى ايريدوم وبتتغير على 100 الف كيلو

**mashaly** · 10-09-2013 03:36 PM

من غير ماتروح لمكانيكي فك بنفسك موبينه موبينه وبص على الحته البلاستيك اللي بتمسك في البوجيه فيها اي قطع ولا كلهم تمام لو لقيت فيها زي قطع هات لزق كهرباء نوع كويس ولفها وهتلاقي العربيه تمام كان عندي نفس المشكله ونضفة البوابه وغيرت فلاتر وحجات كتير وفي الاخر لقيت وحده منهم مقطوعه هي اللي كانت عمله كل المشاكل , فلتر البنزين بيخلي العربيه مكتوبه وممكن تطفي وانت ماشي لوكبست بنزين مره وحده ودا هتلاقيه جوا العوامه تحت الكنبه الخلفيه وتغيره عايز حد محترم مش اي كلام عشان مايبوظش الطلمبه وربنا يسهل وتكون حاجه بسيطه بس ياريت ترد بعد حل المشكله ايه سببها عشان الناس تستفيد

**wael_power** · 10-09-2013 03:43 PM

المشاركة الأصلية كتبت بواسطة oilman

حضرتك غيرت البوجيهات فين؟ وهل اشترتها من التوكيل؟ وايه اخبار فلتر البنزين المفروض بيتغير على 85 الف كيلو

ملاحظه: البوجيهات فى الجنوب افريقى ايريدوم وبتتغير على 100 الف كيلو

شكرا لاهتمامك
انا غيرت البوجيهات بنفسي وجبتها من موزع معتمد تويوتا بس ماكنتش ايرديوم كانت دينسو تويوتا
فلتر البنزين ماتغيرش خالص وهي عاملة 230 الف كم دلوقتي.

**wael_power** · 10-09-2013 03:52 PM

المشاركة الأصلية كتبت بواسطة mashaly

من غير ماتروح لمكانيكي فك بنفسك موبينه موبينه وبص على الحته البلاستيك اللي بتمسك في البوجيه فيها اي قطع ولا كلهم تمام لو لقيت فيها زي قطع هات لزق كهرباء نوع كويس ولفها وهتلاقي العربيه تمام كان عندي نفس المشكله ونضفة البوابه وغيرت فلاتر وحجات كتير وفي الاخر لقيت وحده منهم مقطوعه هي اللي كانت عمله كل المشاكل , فلتر البنزين بيخلي العربيه مكتوبه وممكن تطفي وانت ماشي لوكبست بنزين مره وحده ودا هتلاقيه جوا العوامه تحت الكنبه الخلفيه وتغيره عايز حد محترم مش اي كلام عشان مايبوظش الطلمبه وربنا يسهل وتكون حاجه بسيطه بس ياريت ترد بعد حل المشكله ايه سببها عشان الناس تستفيد

شكرا لأهتمامك
انا هاجرب اعزل اطراف الموبينه لانها مشققه شويه واشوف ايه الاخبار وابلغك
بس موضوع الار بي ام العالي علي السلانسيه ديه مقلاقني من 1200 الي 1400 ار بي ام والعربيه سخنه او بارده ومش عارف ايه السبب ؟؟

**mashaly** · 10-09-2013 04:00 PM

اعزلها كويس وان شاء الله المشكله هتروح هي دي السبب ياباشا

**eng.salama93** · 10-09-2013 07:32 PM

دينزو بوجيهات زباله و عن تجربه ... هات ngk دا بتاع التويوتا الأصلي و كل الناس بتشكر فيه انا بستخدمه من 5 سنين

**wael_power** · 11-09-2013 07:45 AM

في الاول فكت البوابه ونضفتها كويس وركبتها تاني والاداء كان زي ماهو مافيش تغيير رغم انها كانت مليانه تراب بس مافرقتش كتيير بعد التنضيف
بعد كده عزلت الموبينات كويس والتنتيش راح والسحب اتحسن كتيير ,وبقي طبيعي
لكن المشكله في الار بي ام العالي في السلانسيه لسه موجود ودلوقتي بقي يطلع ل 2000 وينزل لـ 1200 وبيتكرر الصعود والهبوط بشكل منتظم وده طبعا بيؤدي لسخونه الموتور اكتر من اللازم واستهلاك بنزين اعلي
مع العلم لمبه check Engine مش بتنور !!!

وشكرا لاهتمامكم

**swimmer25** · 11-09-2013 09:04 AM

فيه حساس أيدل في التويوتا (هو إسمه حساس هواء لأنه بيقيس كمية الهواء اللي داخلة للمحرك )
هتلاقيه راكب علي خرطوم العمة وسهل أوي فكه وتنظيفه
هتلاقيه بالشكل دا تقريبا

ولما تفكه هيكون كدا

جواه من تحت فيه سنسور عبارة عن سلك رفيع..هات منظف الكترونيات ونضفه ومتلمسوش خالص..ممكن بس بطرف منديل ورق لو فيه منظف بس تلمسه بطرف المنديل عشان يمتص المنظف وتحرك المنديل خفيف أوي حوالين السلك بحرص جدا

أنا نضفته ب WD40 بس مش واثق إنه ممكن يكون عليه مشكلة ومش متأكد من منظف الإلكترونيات بس أعتقد يمشي بس علي مسؤوليتك يا باشا

-

الموضوع: السيارة بتنتش والسلانسية مش مظبوط ,كورولا 2010

LinkBack

أدوات الموضوع

عرض

السيارة بتنتش والسلانسية مش مظبوط ,كورولا 2010 - انشر الموضوع فى :

-

-

-

-

-

المواضيع المتشابهه

كورولا 2006 بتنتش في بدايه الغيار

كورولا 92 بتنتش مني وأنا ماشي على السرعات البطيئة

لانسر شارك 2010 أم فورد فوكاس 2010 . ما هى السيارة الأفضل ؟

كورولا mmt 2009 ام كورولا 6speed 2010

كورولا 2010

الكلمات الدلالية لهذا الموضوع

المفضلات

المفضلات

ضوابط المشاركة