حادثة توكتوك

**k555** · 11-09-2013 04:43 PM

يوم الخميس اللي فات و انا ماشي على البحر في اسكندرية لقيت مرة واحدة توك توك بيعدي البحر بالعرض و عكس اتجاه الحمد لله مكنتش بجري طبعا لبست فيه و التوك توك اتقسم نصين و انا عندي العربية كسر في الشبكة و الجزء الفضي اللي فوق علامة الرينو و علامة الرينو و بعض الكسور في الاكصدام و شاسيه الاكصدام اتطبق لجوه و خرم سربنتينة التكييف و كسر قواعد الرادياتير بس الحمد لله سليم و الكبوت برده الحتة اللي قدام اتطبقت و طرف الرفرف الشمال برده اتطبق ( حسبي الله و نعم الوكيل ) ودتها للسمكري قاللي هيصلح كل ده بس عايز علامة الرينو و الجزء الفضي اللي بالعرض اللي فوق علامة الرينو .
فروحت اسأل على الجزء الفضي ده في التوكيل قالولي ب 900 جنيه طبعا هبل و العلامة 135 جنيه
فياريت لو حد يعرف مكان اشتري البتاعة الفضي دي و العلامة بره التوكيل و انا من اسكندرية
و لكم جزيل الشكر
و دي صور العربية بعد الخبطة
[IMG][/IMG]

[IMG][/IMG]

**k555** · 11-09-2013 05:08 PM

العربية طبعا سانديرو ستيب واي

**rotanamasoud** · 11-09-2013 09:39 PM

الحمد لله انك بخير ويارب يكون سواق التوكتوك مات اموت واعرف حيقول لربنا ايه يوم القيامه لما يسئله انه استهتر بحياته وحياه الناس الاخرين(كويس انك قسمتله التوكتو نصين)
عموما فى واحد اسمه الانجليزى فى اخر صلاح الدين شغال فى الفرنساوى بس مش عارف حيكون عنده طلبك ولا لا

**Dr.Karim Emam** · 12-09-2013 02:29 AM

اسأل عند الوشاحي في محطة الرمل أو في صلاح الدين, فيه كذا واحد بعد الاشارة على اليمين

**k555** · 12-09-2013 11:28 AM

المشاركة الأصلية كتبت بواسطة rotanamasoud

الحمد لله انك بخير ويارب يكون سواق التوكتوك مات اموت واعرف حيقول لربنا ايه يوم القيامه لما يسئله انه استهتر بحياته وحياه الناس الاخرين(كويس انك قسمتله التوكتو نصين)
عموما فى واحد اسمه الانجليزى فى اخر صلاح الدين شغال فى الفرنساوى بس مش عارف حيكون عنده طلبك ولا لا

ربنا يخليك و المشكلة انه بعدها لقيته بيقولي صلحلي التوكتوك الناس اللي اتلمت كانت هتموته حسبي الله و نعم الوكيل و الحمد لله على كل شيء
شكرا يا باشا