خرابييييييييييييش

**Bassem2013** · 12-09-2013 10:38 AM

صباح الفل عليكم

معلش عندى سؤالين كده ع السريع
انا عربيتى فيرنا موديل 2006
لما وصلت الشغل فى المهندسين لقيت كام حجر كده جنب رصيف حد حاططهم وانا ملقتش سايس
رحت رميتهم و ركنت العربية ( انا شغلى بليييل )
تانى يوم وانا مروح الصبح بنزل لقيت العربية متخربشة فى الاربع ببان
وخربوش تانى علامة شباك # عند الكبووت
(مش عارف مين ابن التيييييييييييييت اللى عمل كده :( )
اكن حد جاب طوبة ومشاها على العربية او مفتاح
حاجة تدايق بجد ع الصبح
المهم
هل فى اى حاجة تعالج الموضوع دا ؟؟
ولا لازم ارش العربية

انا كده كده كنت هروح لسمكرى قريب عشان عندى كام حاجة تتظبط فى العربية
فهل فى حاجة مؤقته لموضوع الخرابيش دا
ولا استنى لما اروح للسمكرى بالمرة ولا ايه رايكم
شكرااااااااااا

حاجة كمان المواقف اللى زى كده نتصرف فيها ازاى ؟؟؟؟؟
انا نزلت الصبح ومعرفش مين اللى عمل كده هل السايس اللى بيقف هناك اللى مكنش موجود لما انا جيت ولا هل واحد مؤزى ولا عيل صغير مش عارف بصراحة
ولو انا عرفت انه حد معين اعمل فيه ايه امسكه اموووته ؟؟

**memo2000soft** · 12-09-2013 10:49 AM

ربنا يعوض عليك استني لما تروح السمكري

**akmm** · 12-09-2013 11:48 AM

مفيش علاج للخرابيش الا بالدهان .... وهى اكيد مقصوده واللى عملها لانك اخدت مكانه لما حركت الطوب ... تصرفات فى غايه السوء واللى بيعملها انسان مش عارف اوصفه بايه ومش عارف ان ده بيؤدى الى خسائر ماليه لصاحب العربيه .... الحمد لله على كده وبسيطه ان شاء الله .

**lidosasa** · 12-09-2013 12:06 PM

أكيد اللى عمل كده اللى كان حاطط الطوب حاجز بيه مكان وكأن الشارع ملك اللى خلفوه
أصبر وقل حسبى الله ونعم الوكيل وأكيد حسابه فى الأخرة عسير على ما فعله
والأفضل إن توديه لورشة دهان محترم وأمين يقولك على اللى فيها

**saddam** · 12-09-2013 12:14 PM

صديقي المواطن.
الفاتحة على أخلاق المجتمع والغوغائية اللي وصلنالها
ودمتم.للنضال
تستنى السمكري طبغا ثم ترش

**ashraf mansour** · 19-09-2013 03:47 PM

يا باشا الناس بقت بتستهبل و مينفعش معاها غير المعاملة بالمثل
انا في مرة كنت رايح اعمل انترفيو في شركة و ركنت و مخدتش بالي ان اللي ورايا مش هيعرف يخرج المهم خلال الساعة اللي غيبتها في الشركة جيت لاقيته نوملي الاربع كاوتشات و فساهم عالارض فضلت ازعق و اتعفرت محدش عبرني قلتلهم وربنا لاسيبها لحد متتصلح تاني و لو رجالة اعملوا حاجة فيها ورحت خالعله الاربع بلوف بالزرادية وسيبت العربية مركونة في مكانها 4 ايام و كل يوم بعديبعربية الحاج من جمبها و شايف الاخ مزنوق زي الكلب لحد ماروحت في مرة لقيته نافخلي الكاوتش عرفت انه اتعلم الادب و خدتها و مشيت

-

الموضوع: خرابييييييييييييش

LinkBack

أدوات الموضوع

عرض

-

الكلمات الدلالية لهذا الموضوع

المفضلات

المفضلات

ضوابط المشاركة