مقص الفلوينس اتكسر

**Ahmed Anwer** · 12-09-2013 01:34 PM

مش عارف ايه اللي حصل
كان يوم عادي بعمل فيه مشاويري و مش حاسس بحاجة
رايح أقابل صديق في منطقة روكسي ماشي في صلاح سالم يعني واقف و مفيش جري
أول ما وصلت روكسي أصوات تخبيط رهيبة مع الفرامل و الملفات
فضلت أحايل العربية لحد ما وصلت البيت جبت ميكانيكي فك العجلة اللي ناحية السواق طلع المقص مكسور
أنا مش فاكر خالص إن يومها خدت مطب أو خبطة أو حفرة جامدة
تاني يوم الصبح قعدت أعمل اتصالات بمراكز الخدمة و التوكيل لأن العربية عاملة 35 ألف فقط
و لسه عامل صيانة الثلاثين
فقط مركز العبور اللي اتكلموا بشكل مناسب عن إنهم هيكشفوا عليها و لو مفيش خبطات هيغيروه في الضمان
أنا عندهم دلوقت مستني دوري
المقص مكسور خط مستقيم كأن حد قطمه بمسطرة
أدعوا تكون حاجة بسيطة و ربنا ييسر الأمور
لو حد عارف المقص الأمامي بره التوكيل بكام يبلغني عشان لو عصلجوا

**amz2011** · 12-09-2013 02:07 PM

ان شاء الله يتغير فى الضمان

**Mecha** · 12-09-2013 03:07 PM

where is this fluence made ?????

**horas3000** · 12-09-2013 03:14 PM

ان شاء الله خير
و ابقي طمنا

**saddam** · 12-09-2013 03:26 PM

صديقي المواطن
عايزين.نعرف إيه آخر تطورات الموقف على الصعيدين الإقليمي والقومي ودمتم للنضال

**akmm** · 12-09-2013 03:42 PM

المشاركة الأصلية كتبت بواسطة mecha

where is this fluence made ?????

على ما اعتقد تصميم فرنسى مصنعه فى تركيا ...... وايا كان من الصعب ان ده يحصل فى عربيه او اى عربيه بدون ما تكون اتخبطت فما بالك بالفرنسى الصنع وسؤال لصاحب الموضوع هل فيه حد غيرك ركبها زى اخوك او حد من اصحابك ويكون خبطها واحرج يقول لك .... عموما ان شاء الله يتغير فى الضمان ونحب نعرف سبب الكسر اللى زى المسطره ده من ايه ؟؟ وتتحل ان شاء الله .

**gebreel** · 12-09-2013 03:49 PM

متقلقش يا باشا رينو في حاجات الضمان بيغيروها بدون مشاكل نهائي و حتة انه مكسور زي المسطرة معتقدش انها تبقى بسبب خبطة ... و عموما مستنيينك تقلنا ايه اللي حصل

**Ahmed Anwer** · 15-09-2013 02:39 AM

أنا اسف علي التأخير في الرد ،

الوضع الآن إنهم بالكشف مش لاقيين أي سبب أو خبطات ادت لكسر المقص ،،

و مستغربين جدا إنها حاجة ماشافوهاش قبل كده ،

المهندس قالي معلهش هأصور المقص و ابعت الصور لفرنسا عشان ناخذ موافقة بالتغيير ،

رغم إنهم في العادي لو كاوتشة المقص اتقطعت بيغيروا المقص كله حسب كلام المهندس

المفروض النهاردة الأحد هيرد عليا و أنا سايب العربية في التوكيل ،،

محدهش بيركب العربية غيري ،

* كان فيه ميكروباص كسر عليا و خبطني من الناحية اللي عكس السواق فخبطت بالعربية الرصيف الناحية التانية اللي فيها المقص

و الخساير كلها كانت جنط اتلوح و غيرته بالاستبن ،، بس ده كان من شهوور و عملت بعدها صيانتين يعني مراجعة عالعفشة و محدهش قالي أي ملحوظة

حتي المهندس لما سألني قولتله اللي حصل بالضبط قالي أنا عارف و مستغرب لأن بقية العفشة بالكامل و العربية سليمة

ماعادا المقص اللي اتكسر ده !!!

-

الموضوع: مقص الفلوينس اتكسر

LinkBack

أدوات الموضوع

عرض

-

-

-

المواضيع المتشابهه

اطلب كام فى الفلوينس

التأمين على الفلوينس

ستاير الفلوينس

سعر الفلوينس هايزيد

حجزت الفلوينس ...

الكلمات الدلالية لهذا الموضوع

المفضلات

المفضلات

ضوابط المشاركة