الموضوع: تجربتى مع المراكبى للتكيف

السلام عليكم
من الاول كده انا مقصدش اى حد فى المنتدى من الكلام ده بس الهدف فى الاول والاخر ان الواحد ينقل تجاربه لعل وعسى ان الناس تستفيد
التكيف كان عندى مفيش اى حاجه تسقعه مفيش اى حاجه
روحت للمركبى قولتله ان التكيف كان شغال زى الفل لغايه ما عملت نص عمره وبعديها اكتشفت ان التكيف فى الباى باى
قولته : ده معناه ايه ممكن يكون المكنينكى بوظه
قال لو مش فاهم او ميكانيكى نص كم ممكن يبوظ حاجه
بص على التكيف بصه وكبس لقا كويس
قال :لآ كله تمام عشان منظلمش الراجل
قلتله : حنحتاج ايه كده
قال : هنشحن بس ونحط زيت
قلتله : توكل على الله
الراجل شحن !!!!
قال : شغل التكيف
مفيش اى حاجه ولا اكن فى فرق قبل وبعد الشحن
قعد يبضص يمين شمال قال : ده الكنترول لازم يتغيرقلتله : ليه يا عم ما انت قلت كله تمام
قال: شوف بقى براحتك
قلتله : ده بكام
عمل مقايسه كده المهم طلع بعد الدغدغه 380 وكمان كان عاوز يشيلنى حق الشحن الآول وفضل يقولى ده كده انا اللى اتحملته
المهم عشان مطولش عليكوا
خلص شغل التكيف اشتغل وتمام
حسبته ومشيت وانا مش مرتاح مش عارف ليه انا ماشى من عنده 9 بالليل
تانى يوم الصبح كنت مسافر (وربنا يعلم ان التكيف بايظ من حوالى اكتر من 9 شهور ومطنش انى اعمله بس عملته عشان مسافر ومعايا ابنى رضيع وميستحملش الحر تماما)
بشغل التكيف !!!!! لا حياه لمن تنادى زى ما رحتله اول مره !!!!
للآسف سافرت وعزبت الواد معايا وانا رايح لدرجه انى ركبتهم واحنا رجعين مع واحد صحبى كان معانا فى السفر وانا مش مهم اتعزب فى الحر
المهم رجعتله بقى قلتله اللى حصل ده وانك بهدلتنى
قال : نبص تانى
شويه وقال دى الفيوزات قعد يلعب شويه فيها ونشغل ونجرب مفيش
جه صنيعى تانى بص كده وقال ده (الاكسبانشن ) دخل جوه العربيه وبص وقال الاكسبانشن بينزل زيت لازم يتغير
قلت : ليه كده
قال : نعمل مقايسه بقى
عملها بكام بقى البيه 440 جنيه
شحن وصيانه وقطع غيار وزيت
انا قفلت جدا بقى مكنش طالع عليه غير حسبى الله ونعم الوكيل وقررت انى امشى وحقى ان شاء الله مش هضيع (عند ربنا )
الخلاصه
بلاش المركبى تماما
عنده كميه صنيعيه وكلهم فتاين اخر حاجه وكمان كسلانين اخر حاجه
بيجرب فيك
حسبى الله ونعم الوكيل