اظبط عفشة عربيتي سكودا اوكتافيا ٢٠٠٨ فيين ؟

**abohalmos** · 12-09-2013 09:26 PM

السلام عليكم جميعا و رحمة الله و بركاته كنت عملت موضوع بخصوص شراء سيارة سكودا اوكتافيا ٢٠٠٨ اليجانس
و كنت ساعتها بعرض عليكم اشتري العربية و لا لا ؟؟
الحمد لله ربنا كرمني و اشتريتها و دلوقت محتاج اعرض عليكم وصلت لفين :
١- تم شراء ٤ فرد كاوتش كومهو اكستا ku 31 من الوكيل بتاعها ب ٢٠٠٠ شامل الترصيص و كله
٢- تم عمل شغل السمكرة في التوكيل علي حساب صاحب العربية لانه معاه تأمين شامل و تم تغيير الكابوت و الاكصطدام و رفرفين و فانوسين و العربية بقي شكلها تمام و لله الحمد
و بقي عندي مشكلتين :
١- التكييف بتاعها بيشتغل بس ساعات بيفصل الكباس بس لما بيشتغل بيسقع حلو و العربية محتاجة حساس درجة الحرارة و بقاله فترة مش موجود حتي في التوكيل .. معرفش هل ده ممكن يكون السبب في فصل الكباس كل شوية و لا لا ؟؟
و معرفش ممكن يتجاب منين لانه حتي في الهاشمية مش موجود ؟؟ و محتاج بتاع تكييف عنده ضمير يكشف عليه كويس و يحل الموضوع ده لحسن دانا في الصعيد يا رجالة .. و ما ادراك ما الحر هنا
٢- العفشة : التوكيل كتبلي احتياجات بحوالي اكتر من الاف جنيه.. يعني تقريبا كل العفشة اللي قدام و رادياتير .. و انا مستغرب المبلغ شوية .. و لقيت ناس بيشكروا جدا في المهندس خالد اسماعيل و اجيب اللوازم الاصلية بعد الكشف عنده من الهاشمية و هو يركبها عنده و ناس بيشكروا في مركز محمد سمير .. اللي في جسر السويس .. و لا ابيع القضية و اروح التوكيل او مركز خدمة .. صاحب العربية كان بيوديها لمركز وهدان في اكتوبر .. ايه الحل يا رجالة سكودا ؟؟ انا عاوز شغل كويس و حد بيفهم .. إيه رأيكم ؟؟؟

**Kefo_Honda** · 12-09-2013 11:33 PM

محمد سمير كويس جدا عيلتي كلهم بيعملو الصيانة عنده

**EngAhmedSayed** · 13-09-2013 02:33 PM

لو هو كان متابع مع مركز وهدان الصيانة الخاصة بعربية سياتك
يبقى سياتك كمل المسيرة و تابع معاهم و اعرف منهم هو المركز كويس و له
بس انتا مقولتش العربية عاملة عداد كام علشان تحكم على المركز كويس و تعرف عمل اية و هو وواقف على اية فى الصيانة علشان متابع
بالتوفيق ان شاء الله
ربك المستعان

نسيت اقولك حاجة الف مبرررررررررررررروك على عربيتك و اهلا بيك معانا فى القسم وربنا يارب يكفيك شرها و يستر طريقك يارب العالمين

**abohalmos** · 13-09-2013 05:37 PM

عاااجل : منذ قليل تم تغيير حساس حرارة الجو الخارجي و الحمد لله اشتغل و ظهرت درجة الحرارة علي الشاشة .. المشكلة انه لاقينا سربنتينة التكييف بايظة و مش هاتنفع .. الراجل بتاع التكييفات قال انه تكييف الاوكتافيا a5 لازم يتجاب حتة واحدة .. يعني كمبروسور و سربنتينة و فلتر مع بعض بدون تجزئة و ادالنا رقم واحد في جسر السويس عنده الاصلي بتاعها جديد ٥٥٠٠ جنيه غير التركيب و خلافه ...و قال انه تغيير في التكييف عن النوع الاصلي هايعمل مشاكل بالذات علي السلانسية .. لاختلاف الكهرباء .. هل الكلام ده صحيح ؟؟ و هل ممكن نلاقي سربنتينة لوحدها ؟؟؟
و انا فاكر انه حد قال انه سعر التكييف كامل في التوكيل هايعمل ٦ الاف تقريبا ؟؟ طب مش التوكيل احسن و لا ايه ؟؟ خصوصا الفرق بسيط و لا ايه رأيكم ؟؟؟؟
و لا فيه حل تاني ؟؟؟

**inspiron** · 14-09-2013 02:06 AM

المشاركة الأصلية كتبت بواسطة abohalmos

السلام عليكم جميعا و رحمة الله و بركاته كنت عملت موضوع بخصوص شراء سيارة سكودا اوكتافيا ٢٠٠٨ اليجانس
و كنت ساعتها بعرض عليكم اشتري العربية و لا لا ؟؟
الحمد لله ربنا كرمني و اشتريتها و دلوقت محتاج اعرض عليكم وصلت لفين :
١- تم شراء ٤ فرد كاوتش كومهو اكستا ku 31 من الوكيل بتاعها ب ٢٠٠٠ شامل الترصيص و كله
٢- تم عمل شغل السمكرة في التوكيل علي حساب صاحب العربية لانه معاه تأمين شامل و تم تغيير الكابوت و الاكصطدام و رفرفين و فانوسين و العربية بقي شكلها تمام و لله الحمد
و بقي عندي مشكلتين :
١- التكييف بتاعها بيشتغل بس ساعات بيفصل الكباس بس لما بيشتغل بيسقع حلو و العربية محتاجة حساس درجة الحرارة و بقاله فترة مش موجود حتي في التوكيل .. معرفش هل ده ممكن يكون السبب في فصل الكباس كل شوية و لا لا ؟؟
و معرفش ممكن يتجاب منين لانه حتي في الهاشمية مش موجود ؟؟ و محتاج بتاع تكييف عنده ضمير يكشف عليه كويس و يحل الموضوع ده لحسن دانا في الصعيد يا رجالة .. و ما ادراك ما الحر هنا
٢- العفشة : التوكيل كتبلي احتياجات بحوالي اكتر من الاف جنيه.. يعني تقريبا كل العفشة اللي قدام و رادياتير .. و انا مستغرب المبلغ شوية .. و لقيت ناس بيشكروا جدا في المهندس خالد اسماعيل و اجيب اللوازم الاصلية بعد الكشف عنده من الهاشمية و هو يركبها عنده و ناس بيشكروا في مركز محمد سمير .. اللي في جسر السويس .. و لا ابيع القضية و اروح التوكيل او مركز خدمة .. صاحب العربية كان بيوديها لمركز وهدان في اكتوبر .. ايه الحل يا رجالة سكودا ؟؟ انا عاوز شغل كويس و حد بيفهم .. إيه رأيكم ؟؟؟

**Moratoz** · 14-09-2013 08:42 AM

انا مغير الكباس للياباني زي ما قلت لحضرتك في التليفون ومفيش مشاكل خالص علي السلانسيه بس بيدي ايروور علي كمبيوتر العربيه لو انحطت علي الجهاز بدون اي تأثير علي السيارة وعادي ممكن يتجاذب الطباس لوحده او السربنتينه لوحدها ولو هنغير بالكامل بالأصلي بتاع العربيه وفرق السعر ٥٠٠ جنيه بس يبقي التوكيل افضل من بره
وشوف بعد ما تم تركيب حساس الحرارة اخبار التكيف ايه ونروح لحد مع بعض لما تنزل القاهرة ونجيب اخر الموضوع دا علشان ما ندفعش فلوس ملهاش لازمه في حاجه ممكن تبقي سليمه وعلي فكرة الكباس الموجود في موديل ٢٠٠٨ بيتصلح في البلف
تحياتي

**Moratoz** · 14-09-2013 11:18 AM

المشاركة الأصلية كتبت بواسطة abohalmos

الف شكر لك يا عمرو باشا .. كلمتك امبارح بس شكلك كونت مشغول .. ربنا يعينك
دلوقت انا خليت صديقي يروح لمركز وهدان في اكتوبر اللي كان بيتابع فيه صاحب العربية و هو علي وصول هناك دلوقت ان شاء الله
المفاجأة انه التكييف بعد ما مشتغلش عند بتاع التكييف .. اشتغل كويس معاه و سقع العربية جدا دلوقت .. يبقي كدة دي سربنتينة بقي و لا ايه ؟؟؟
و هاخليه يبص علي العفشة الامامية و ربنا يستر

جلال بك انا امبارح مجاليش تليفونات من حضرتك ولو في تبريد ساعات وساعات لَا مكن يكون كمبرر سور او ضغط كتير الفريون بس طبعا هوا الموضوع عاوز حد ثقه علشان ما ما يشتغلناش ويدفعنا فلوس ملهاش لازمه لو الراجل بتاع حضرتك متاح يوم الإثنية علي الساعه ٤ او ٥ مكن اروح معاه صقر قريش. ونشوف موضوع التكيف
بس سؤال هوا حضرتك لما كشفت امبارح كان قبل تركيب حساس الحرارة ولا بعد التركيب
وو في اي حاجه انا معاك واتصل بيا تحت امر حضرتك