الموضوع: جنوط الماروتي

أحسن حل
العربية السوزوكى فان بتبقى نازلة بجنوط بنفس مقاس ووزن الجنوط بتاع الماروتى فأول حاجة بيعملها مشترى الفان إنه بيجنط العربية بجنط أكبر ويعرض العجل وبيبيع الجنوط الأصلى على إنه مستعمل وهو بيبقى زيرو تقريباً
أنا كنت شارى 4 جنوط نازلين من فان بيلمعوا الواحد ب 50 جنيه الكلام ده كان من حوالى 5 شهور فممكن تلاقيهم زادو شوية .
المهم أبعد تماماً عن الجنوط الصينى بيبقى ورق ومع أول مطب بيتعوج . وأبعد عن الجنوط السبور لآن اللى موجود صينى وضعيف أو أصلى ومحمل حبيقى سعره غالى جداً وتقيل وحيدمرلك عفشة العربية

الجنط الحديد بس يعنى فاضى من غير كاوتش
ودا بيبقى نازل من الفان وبيبقى لقطة وإنت وحظك وسعر الجنوط من 50 إلى 70 جنيه
أنا قبل ما أعرف سكة الجنط بتاع الفان كنت حشترى جنوط بتاعت عربية ماورتى صاحبها مجنطها سبور وبيبيع الحديد بتاع الفبريكة وطبعاً ماشى بيهم سنتين ومكنتش لسه شوفت حالتهم شكلها أيه وكان عايز فى الجنط الواحد 125 جنيه نهائى ومن غير فصال .
لكن لما شفت بتاع الفان بصراحة مصدقتش شكله وكإنه ما لمس الأرض أصلاً وأشتريته فوراً . وأديت للراجل بتاع الكاوتش اللى جابهم 20 جنيه ليه ومش خسارة فيه راح جابهم بنفسه وركبهم وظبطهم أخر تمام