و جبت الكورسا

**max_ziro** · 14-09-2013 03:43 AM

صباح الفل

الحمد لله ربنا وفقنى و جبت كورسا 96 كاملة مانيوال بفتحة سوداء اللون 1200 :)

ماشاء الله العربية عجابنى حاسسها ممتعة ثبات جميل تسارع لطيف و فرامل حلوة
لاكن مع التكيف بطة بلدى طبيعى عشان 1200 و تكيف , لا كن الى مقلقنى الحرارة
الطبيعى انها 95 المروحة بتقوم تقريبا من اول 91 و مع التكيف و زحمة بتوصل ل100 او 110
السؤال الفنى هل دة الطبيعى ؟؟
راكب فيها مروحة 4 ريشة
هل اغير المروحة و اجيب مروحة اشد
هل ليها صديرى بمروحتين ؟؟

طبعا الصيانات كانت سير كاتينة 100 ج
بلى كورى 100 ج
طرمبة مية كورى 180
بواجى بوش 9+ 100 بردو
لمبتين اوسرام للتابلوة 30 جنية
و تربيطة عفشة و زيت و فلتر
العربية عاملة 146 الف بس
ف طبعا انا متوقع اى مفاجأت,

معمول فيها تعديل فى التكيف و راكب فيها مكونات التكيف اليابانى ابو 3500 جنية
كمبريسور ساندين و تلاجة و سربنتينة بتوعة (نفس التكيف كان راكب فى عربيت صاحبى 504 كان فلة و الحمد لله حلو بردو فيها بس حاسة بيضغط على الموتور شوية) و جارى التأكد من موديل الكمبريسور عشان اعرف مأثر فى العربية ولا لا

و جارى بعون الله تحميل الصور لاكمال مشاركتكم

**max_ziro** · 14-09-2013 04:02 AM

المشاركة الأصلية كتبت بواسطة matrix_it

الف مبروووك يا باشا

الله يبارك فيك :)

**max_ziro** · 14-09-2013 04:20 AM

المشاركة الأصلية كتبت بواسطة maam

مش انت صاحب موضوع السيفيا المشهور ؟
ايه اللي حصلك وخلاك تسيبها ، دانت كنت سبب اني بدور على شوما ، بس في الاخر ضعفت قدام الأسترا البرازيلي :)

ربنا يرزقك خيرها ياباشا ويكفيك شرها

انا معنديش خبرة خالص عن الكورسا ، ممكن كريم عضو معانا هنا يفيدك أكتر

بس عموما وصول الحرارة لـ 110 دا معناه جوان وش سلندر على المدى القريب
طالما مع التكييف يبقى هاتتأكد من الآتي
حجم الفريون المشحون ، زيادته بتسخن العربية
كفاءة عمل مروحة الريداتير ومروحة التكييف
حالة الريداتير
لازم تحط ترموستات الكوعة (مهم جدا جدا)
تضغط دورة المية بالهوا عشان تتأكد ان مافيش تسريب

دا على حد علمي لغاية اما ملاك الكورسا يردوا عليك

ههههههههههههه

ايوة ياباشا انا صاحب موضوع السيفيا (نورت الموضوع ياباشا)

الكورسا دى هتبقى عربية الحاجة و اختى ف عشان كدة لازم اظبطلهم كل حاجة تبقى 100/100 عشان متتعبهمش فى حاجة
و حسيت انها اكتر حاجة اعتمادية فى رنج القلوس بتاعها و بردو شبابى و سيك و فيها كل الاوبشنز :)
و لقيت عربية عاملة كيلو قليل و توكلت على الله
مش مقلقنى غير موضوع الحرارة دة و محتاج رأى الناس المجربة عشان مبتديش تجارب من الاول و ابوظ الدنيا و انت اكيد عارفنى فى موضوع التجارب ههههه

**احمد فهمى** · 14-09-2013 10:39 AM

110 حراره مش طبيعى المفروض الحؤتره من 90 ل95 حد اقصى فحاول تكشف على الجوان وراجع على دورة التبريد وغير الخراطيم ومياه التبريد

**max_ziro** · 16-09-2013 10:43 PM

المشاركة الأصلية كتبت بواسطة moabany

1200 مفيهاش تكييف فبالتالي المروحة بتاعتها مش مصممة عشان احمال التكييف
متهيألي حضرتك ممكن تغير المروحة بواحدة اقوي
بس لازم تتأكد انها متأثرش على الضفيرة
وربنا يوفقك

ربنا يخليك ياباشا
هى الحرارة ظبطت شوية بعد ما اكتشفت ان الكاتينة مرحلة سنة تأخير
و كمان العربية مع التكيف ناقصها ارضى ف العدادات كانت بتهيس و الحمد لله ظبتط شوية بعد كمان طرمبة المية الجديدة و تنظيف الدورة و المية الخضراء

**max_ziro** · 16-09-2013 10:45 PM

السؤال هنا انا لو هعدل المروحة بدل ال4 ريشة الى راكبة فيها فى حاجة تانية متجربة ؟؟

**max_ziro** · 23-09-2013 01:21 AM

محدش رد عليا يا جدعان

-

الموضوع: و جبت الكورسا

LinkBack

أدوات الموضوع

عرض

و جبت الكورسا - انشر الموضوع فى :

-

-

-

-

-

-

المواضيع المتشابهه

اول يوم مع الكورسا

الكورسا مجنناني

دكسيون الكورسا

حد شاف الكورسا دي اقبل كدة!!!!!!!!!!

هزة فى الكورسا

الكلمات الدلالية لهذا الموضوع

المفضلات

المفضلات

ضوابط المشاركة