الموضوع: كام سؤال لتظبطات الماروتي :d

المشاركة الأصلية كتبت بواسطة HHALAWANY

شباب ونسور سوزوكي المحترمين :)
ازيكم عاملين ايه ؟ بقالي كتيير ماشاركتش معاكم لضعف خبرتي
معلش اعزروني :)

في البداية احب اسلم وامسي عليكم واخص بالذكر عباقرة المنتدي
الستاذ عمرو اكسيل ، والدوك حازم اللورد عادل :D وطبعا والشباب اللي انا لسة ماتشرفتش بيهم
واشكرهم قبل اي شيء لانهم فعلا فادوني وساعدوني بخبرتهم وتجربتهم السابقة

قررت اعمل شوية تظبيطات بسيطة كده للماروتي حبيبة الملاين

اولا : كنت عاوز اركب شاشة عرض ، وتكون في نص العربية من جوه ، مش على التابلوه ، اي حد جرب الموضوع ده او يعرف ياريت طبعا يفيدني بانهي نوع افضل وهل ينفع اصلا ، وهل في حاجة معينة مطلوبة تتظبط الاول في الكهربا مثلا ، وتقريبا هاتتكلف في حدود كام ... ياعني اي معلومات تفيد الموضوع ده :)

ثانيا : كنت عاوز اركب استيكر (بصراحة انا مش عارف اسمه بالظبط) الاستيكر السادة اللي بيكرب على الكبوت وله ملمس مختلف (بيدي منظر حلو للعربية وطبعا بيحميها من الخربشة) بلون مختلف
انا اعرف كويس ناس محترفة بتعمله ، بس سؤالي هنا ... هل في مشكلة لو عملته على الكبوت بس مش مهم السقف او الظهر .. هل في مشكلة في المرور .. او مثلا ممكن لدنه مثلا تغلس عليا بيه ؟؟
ممكن مثلا اخد عليه مخالفات ؟؟!!! ولا بلاش منه اصلا ؟؟

ثالثا : حد يعرف مكان ممكن اجيب منه طقم ستارة ضغط للماروتي (وهل هايبقى مخالف او فيه مشكلة ولا لأ)

ورحت اشتريتلها طقم دواسات نضيف ، واخيرا جبت كافار سمول للدريكسيون
وناوي اظبطها اكتر من جوه ان شاء الله بس مش عارف اجيب ايه ... ؟؟ حد عنده افكار ؟

وشكرا ، ومعلش بقا لو طولت عليكم .. ياريت الاجابة تبقى محترفة زي ماعودتوني "نقطة ، نقطة" :D

تحياتي :)

اهلا وسهلا ياغالي...
فين الغيبه؟؟ لعله خير اه شاء الله...

بالنسبه للشاشه فمفيش مكان في التابلوه الا انك تركب كاسيت من اللي الشاشة بتدخل جواه وبتطلع ودي كاسيتات غاليه جدا مش هيبقى اقل من 2000 جنيه....
ولو حطيت عالتابلوه يبقى قزازك هيتكسر تاني يوم والشاشة هتروح غالبا!!!

الكاربون ستيكر جميل وبيدي شكل حلو لكن لو فيوم شلته بيبهدل العربيه وفي ناس اظطرت ترش العربيه لانه شال طبقة الورنيش من على العربيه....
غير انه اللجان بتخالف عليه فعلا لان العربيه هتبقى لونين....

الستاير الكبس كان في في التوفيقية بس مقاس الماروتي الافضل تفصله تفصيل وكان في واحد في التوفيقية بيبعتك لمصنع في شبرا تقريبا وبيفصلوها وبتكلف تقريبا 100جنيه للازاز الخلفي والجانبي الخلفي...

في شارع دمشق هتسمع ارقام فلكية عن كدة بكتير وهما سهل تشيلهم قبل ما تفوت لاي لجنه....

انما في تظبيطات انت مذكرتهاش مع انها اسهل واسرع....
هذكر امثله سريعه..
حلية شكمان..
طاسات نيكل...
كشافات شبوره..
تفييم فانوس الكورنر..
مسند يد بين الكرسيين الاماميين..
كيوه او فرش محترم من جينز كار مثلا..
باركنج سنسورز...
تغيير المرايات الخارجية بمراية سبور..
كل ده عسبيل المثال لا الحصر....
تحياتي

Sent from my Xperia Arc S using Forum Runner

المشاركة الأصلية كتبت بواسطة HHALAWANY

الله عليك يا دوك : ) توشكر على كل حال
مبدئيا كدا
حلية شكمان دي ياعني انا اجيبها منين ولا هي ايه دي اصلا ؟ ؟:))
الطاسات مش لاقي مقاس ال12 دايخ عليه ولو لاقيت بلاقي شكله وحش وشعره غالي
كشافات الشبورة بتركب فين ؟ وهل بتحتاج تغير حاجة في الموبينة مثلا ؟
بالمسبة لمسند اليد ، انا ماتوقعتش ان ممكن حاجة تيجي تركب عليها ، كله بيبقى كبير .. وهل ده بيتجاب بالموديل ولا بالمقاس ؟
بالنسبة لتغغير المرايات الخارجية دي ، ياريت لو فيه تقرير عليها او اي معلومات عنها لاني ماكنتش متخيل برضه

بص يا دوك .. مانت هاتتعب معايا بقا و امرك لله

حلية الشكمان هي قطعه من النيكل او الكروم او الالمنيوم المقاوم للصدا بتتركب على فتحة الشكمان وليها اشكال كتير واحجام وكل واحد وذوقه...
كتير في التوفيقيه وموجوده عند اي محل اكسسوارات...
بعضها بتبقى شكل فقط وبعضها بتطلع صفاره مع دعسة العربيه ...الخ
الطاسات العاديين موجودين كتير التوفيقيه انما النيكل بتغلب شويه واغلى طبعا بس جمال جدا جدا...
كشافات الشبوره بتتركب في الاكصدام الامامي جنب النمر وممكن تحتاج تركبلها كتاوت وزرار منفصل لو حابب وسعرهم مش غالي قوي في حدود ال60 جنيه..

المسند انا جبت واحد من التوفيقيه كان ب 40 جنيه وبيتفتح يعني جواه درج وفيه 2 كب هولدر امامي وواحد خلفي وده مليااااااااااان اشكال الوان في التوفيقية وانت بتقدرها تقدير لكن المنتشرين كلهم بيتحطو عادي...

المرايات محتاجه لفه...
في مرايات كبيره شبه الشاهين بذراع تحكم داخلي وفي حاجات بتركب بتعديل بسيط في القايم وفي حاجات بيتقال عليها ودن قطه وفي بتاعة الصني 92 تقريبا بتركب من غير تعديل....
يعني محتاجه تفك المرايه وتاخدها وتشوف حاجه ليها نفس القاعدة...
وممكن تغير الكلاكس لحاجه افخم....
تحياتي

Sent from my Xperia Arc S using Forum Runner

المشاركة الأصلية كتبت بواسطة HHALAWANY

شكرا ليك جدا يا دوك
بس معلش هو المسند ده موجود كتيير في التوفيقية ..؟؟ ولما اجي اسأل عليه اسال على حجم معين ولا اقوله مسند للماروتي ؟؟
وشكرا

انت اتفرج عالمساند كلها هتعرفه...
الموضوع بالتقدير
هو مسند خامته جلد بالكامل ولونه في منه اسود وفي بيج وفي نفس اللون بتاع التابلوه بالظبط وده اللي انا جبته...
هتلاقيه بره مش في المحلات وهو فيه من قدام بتاعه بتتسحب فيها 2 كب هولدر ومن ورا بتاعه زيها بتتسحب فيها كمان واحد...

وهو نفسه المسند بيتفتح لفوق بحيث يبقى درج تخزين اضافي...
تحياتي

Sent from my Xperia Arc S using Forum Runner

المشاركة الأصلية كتبت بواسطة HHALAWANY

شباب ونسور سوزوكي المحترمين :)
ازيكم عاملين ايه ؟ بقالي كتيير ماشاركتش معاكم لضعف خبرتي
معلش اعزروني :)

في البداية احب اسلم وامسي عليكم واخص بالذكر عباقرة المنتدي
الستاذ عمرو اكسيل ، والدوك حازم اللورد عادل :D وطبعا والشباب اللي انا لسة ماتشرفتش بيهم
واشكرهم قبل اي شيء لانهم فعلا فادوني وساعدوني بخبرتهم وتجربتهم السابقة

قررت اعمل شوية تظبيطات بسيطة كده للماروتي حبيبة الملاين

اولا : كنت عاوز اركب شاشة عرض ، وتكون في نص العربية من جوه ، مش على التابلوه ، اي حد جرب الموضوع ده او يعرف ياريت طبعا يفيدني بانهي نوع افضل وهل ينفع اصلا ، وهل في حاجة معينة مطلوبة تتظبط الاول في الكهربا مثلا ، وتقريبا هاتتكلف في حدود كام ... ياعني اي معلومات تفيد الموضوع ده :)

ثانيا : كنت عاوز اركب استيكر (بصراحة انا مش عارف اسمه بالظبط) الاستيكر السادة اللي بيكرب على الكبوت وله ملمس مختلف (بيدي منظر حلو للعربية وطبعا بيحميها من الخربشة) بلون مختلف
انا اعرف كويس ناس محترفة بتعمله ، بس سؤالي هنا ... هل في مشكلة لو عملته على الكبوت بس مش مهم السقف او الظهر .. هل في مشكلة في المرور .. او مثلا ممكن لدنه مثلا تغلس عليا بيه ؟؟
ممكن مثلا اخد عليه مخالفات ؟؟!!! ولا بلاش منه اصلا ؟؟

ثالثا : حد يعرف مكان ممكن اجيب منه طقم ستارة ضغط للماروتي (وهل هايبقى مخالف او فيه مشكلة ولا لأ)

ورحت اشتريتلها طقم دواسات نضيف ، واخيرا جبت كافار سمول للدريكسيون
وناوي اظبطها اكتر من جوه ان شاء الله بس مش عارف اجيب ايه ... ؟؟ حد عنده افكار ؟

وشكرا ، ومعلش بقا لو طولت عليكم .. ياريت الاجابة تبقى محترفة زي ماعودتوني "نقطة ، نقطة" :D

تحياتي :)

معلش يا باشا التأخير في الرد بس كويس اني عرف ادخل ارد اساسا
بالنسبة الشاشة مرجحش تجيبها اساسا حتي لو بـ20 ج لأنك مش هتلاقيها تاني يوم بالاضافة انها ممكن تلهيك عن السواقة بدون قصد

بالنسبة الكربون اللي عايزه ع الكبوت كذلك منصحش بيه بداية انا شايف ان شكله مش ظريف مع اي عربية ثانيا لو جيت تشيله انسي دهان الكبوت و هترش و ثالثا مخالف و هتقف في اقرب لجنة بعد ما تعمله

الستاير الكبس زيها زي الفامية مخالف بس الميزة انك تقدر تشيلها بسهولة بس برده مش هيبقي ليها لازمة عندك لأن العربية مفيهاش تكييف وبالتالي انت ماشي فاتح الشباك طول الوقت و ديه بتثبت اكتر مع الشباك و هو مقفول و تقل الحرارة مع التكييف لكن متمنعش الرؤية بنسبة كبييرة زي الفامية و عامة الطقم 5 قطع يعمله من 80-120 ع حسب

بالنسبة بقي التظبيطات من جوة
فرش للكراسي - ممكن تعمل الارضية فرش جلد هيريحك اوي من الهم بتاع الموكيت

- غير اضاءة الصالون ليد ابيض و ده تفك لمبة الصالون و تجيب عليها واحدة و الكارت بيكون فيه لمبتين في حدود 10-15 ج بس نصيحة جيب اللمبة اللي فيها اكتر من ليد صغير متجيبش اللي عاملة زي بتاعت الفوانيس عشان بتتحرق بسرعة و ضعيفة

- ممكن تغير اضاءة التابلوه و العدادات كذلك مع اضاءة لمبة الصالون

- ممكن مسند بين الكرسيين و ده هتلاقي في التوفيقية منه كتيير و سعره 40-60 ج

و من وجهة نظري شايف انك تعمل فرش كراسي و أرضية الوان متناسقة مع بعض و ممكن فرش الابواب كمان ع نفس اللون و كل سروجي و فنه
و تجيب مسند يمشي عليهم و ممكن تبقي تعمل فيما بعد كسوة او تغير مقبض الفتيس و كسوة للهاند بريك و الدريكسيون و كله يبقي ماشي مع بعضه


اما التظبيط من برة ديه بقي اذواق لكن قدامك حاجات كتييير

- طاسات للعجل و لو عليها علامة سوزوكي يبقي احلي و ديه سعرها 40-50 ج

- فوانيس شبورة قدام لو معندكش و الفانوسين ممكن يعملوا 30-40 ج غير مصنعية التركيب عند اي كهربائي

- حلية شكمان تمشي مع العربية و ديه اسعارها من 10 فيما فوق ع حسب الشكل و الحجم

- ممكن تغير اضاءة الفوانيس يعني مثلا اللمبة الصغيرة خالص اللي هي اول ما تفتح اضاءة الفوانيس تخليها ليد أبيض من نفس النوعية اللي قولتلك عليها فوق اللي فيها 10 او 15 ليد في نفس اللمبة لو عايز تغير باقي الاضاءة بدل الاحمر ممكن تجيب لمبات هالوجين فليكن فيليبس كريستال فيجن بس اعتقد ان سعرها دلوقتي عدي 120 ج مرتاح للطقم لمبتين و لمبتين صغيرين سهاري للفوانيس او التابلوه زي ما تحب تركبهم

- لمبة ستوب ع الازاز ورا

- استيكر بسيط ع الشنطة من ورا

كفاية عليها كده لحد دلوقتي

اما بقي الساوند سيستم ديه بقي ع حسب امكانياتك وحسب اللي تحبه لأنك ممكن تعمل حاجة عادية و ممكن حاجة معدية

ده التظبيط فيه حاجات اهم طبعا من وجهة نظري لازم تكون معاك او تعملها
- انذار و ممكن سنتر لوك لو حبيت
- منفاخ هوا للكاوتش ع الولاعة
- كابل بطارية و يفضل تعمله عمولة عشان يبقي محترم بدل المعفن الجهاز و ده لو لا قدر الله البطارية نامت من اي عربية و تدور بس تخلي بالك ليه طريقة معينة في التوصيل و الفك عشان مفيش حاجة تحصل عندك او عند الغير
- كابل جر عشان لو اي عطل تقطرها
- علبة فيها عدة بسيطة تساعدك وقت الزنقة او حد يقدر يتعامل يعني فيها مفك فيه صليبة و عادة و مفاتيح من 8 لحد 17 سواء مفتوح او مقفول ع كام بيبة من نفس الارقام او بعضها ع حسب العربية و مفتاح بوجيهات و بنسة زرادية و قصافة و شيكرتون و ايبوكسي انبوبتين للحام و ده فادني كتيير في الـ3 حوادث اللي عملتها اليومين اللي فاتوا عشان كنت بلحم بيه حاجات زي الريداتير و wd-40 و لو عايز تضيف حاجة زيادة ضيف
- يفضل الاستبن تخليه نيتروجين عشان يفضل معاك لكن ممكن متحتاجوش اوي كمان لو معاك منفاخ الكاوتش
- و اخيرا جيركن فاضي لأي حاجة بنزين او مية

بس دول اهم الادوات اللي المفروض تكون معاك في العربية احتياطي