مشكلة فى مؤشر البنزين المعروض على شاشة الكومبيوتر

**م.على حجازى** · 15-09-2013 07:43 PM

السلام عليكم جميعاً
أنا ظهرت معايا مشكلة فى عربيتى اللوجان ونفسى حد يساعدنى فى حلها
أخر مره فولت فيها لقيت المبين بتاع مستوى البنزين الموجود فى كومبيوتر الرحلات مش عاوز يدى الفل تانك مدى كل الشرط ماعدا واحدة المهم أنا قلت يمكن معلق وشويه وهيرجع ومن ساعتها ولغاية دلوقت مشيت حوالى 200 كم ولسه مغيرش
أنا شاكك أن العوامة تكون معلقة
بس واحد صاحبى قلى فى التوكيل هيقللك أن العوامة و(حساس المستوى ) قطعة واحده ولازم يتغيروا مع بعض وتمنهم حوالى 900 جنيه
وبعد البحث لقيت الحساس جزء من الطرمبة فعلا
وأدى الصورة بتاعة الطرمبة والجزء الملون ده الحساس وهما جزء واحد فعلا
[img3]http://img41.imageshack.us/img41/9153/uqnj.jpg[/img3]

وحد يعرف مركز خدمة أو حد كويس علشان مش عاوز اروح التوكيل !!!!!!!
وشكراً جزيلا و مستنى النصيحة

**Ahmed Selim** · 15-09-2013 08:58 PM

لو العربية برة الضمان و صياناتك كلها فى التوكيل او مراكز الخدمة....ممكن و أنت بتعمل صيانة تقولهم على الموضوع ده و تحاول تخليهم يعملوه نص عليهم و نص عليك.

بس الأول أتأكد مرة تانية و يستحسن و أنت بتفول تكون مبطل العربية.

عموماً أسعار المراكز المعتمدة أرخص حاجة بسيطة من التوكيل.

عندك فرنش موتورز الرحاب و المكيانيكيون العرب عند السندباد......وفيه فى الجيزة بس مش فاكر أسماء.

**م.على حجازى** · 16-09-2013 11:25 AM

شكرا يا استاذ احمد وشكرا يا استاذ زياد
العربية موديل 2012 ولسه فى الضمان تفتكروا المفروض يكون الاصﻻح عليهم

ولو حد حصلت معاه المشكلة دى ممكن يقول عمل ايه وشكرا جزيﻻ

**Ahmed Selim** · 16-09-2013 11:51 AM

العفو يا باشا

طبعاً الإصلاح عليهم بدون أدنى شك.

**wisha** · 16-09-2013 02:57 PM

بص يابشا انا حصلت معايا مشكلة قريبة من مشكلتك
انا عربيتي 2013 وكنت في الشغل وجيت ادور العربية مكنتش عايزة تدور وفي شرتطين في البنزين
عندنا في الشغل ميكانيكي بيصلح الكلاركات قولت خليه يشوفها يمكن تكون حاجة بسيطة وفعلا فتح التنك ملاقش بنزين خالص انا افتكرت ان الكمبيوتر معلق جبت بنزين في جركن وروحت التوكيل تاني يوم الصبح قالولي ان الطلمبة بايظة وغيروها علي حسابهم وكان الموضوع ده في توكيل العامرية اسكندرية

**م.على حجازى** · 19-09-2013 12:51 AM

الف شكر يا رجالة على الردود خصوصاً wisha
انا رحت التوكيل النهارده(فرع أبو رواش ) وقلتلهم على المشكلة وبالمرة ربطولى عالعفشة
بعد ما ندهوا على أسمى سألت المهندس على ايه اللى تم فى العربية قالى ظبطنا المؤشر ! انا قلتله ظبطوا ازاى و حسيت ان الراجل بيلف ويدور ويقولى عملنا الازم المهم كبرت الدماغ ورحت اشوف الحسابات والراجل بيخلص الورق قولتلو هو فى حاجة مطلوبة منى ؟
الراجل رد بكل صراحة وقالى لا يا فندم الموضوع كان تغيير طرمبة بنزين تبع الضمان وادانى اذن خروج السيارة بدون فاتورة.
الحمد لله فولت والمؤشر رجع تمام وادينى متابع المشكلة لو ظهرت تانى او لو فى جديد هقولكم
بس فى حاجة أنا حاسس ان العربية فاقت وأدائها بقى احسن ممكن يكونوا عملوا حاجة تانية
الف شكر للردود اللى بجد نفعتنى وخلتنى ملعبش بعيد عن التوكيل خصوصاً إنى مكنتش فاضى اروح وكنت هكسل على الروح لولا ردودكم