فرامل الاوبترا شورم بورم

**Elkordy2000** · 15-09-2013 08:00 PM

النهارده دوست فرامل علي سرعه بسيطه يعني 60 أو 70 , بس فرامل خطر يعني , والمفاجأه ان العربيه زحفت زحفت يعني ., أول مره يحصل معايا كده في عربيه , كانت معايا اللانوس سنتان ما عملتش كده ابدا ., صحيح الحمد لله ربنا ستر , بس ده معناه ان الواحد يأخد باله جدا من فرامل الاوبترا ولا يثق فيها , وعلي الرغم ان التيل جديد من ثلاث شهور والكاوتش مش مستهلك يعني معقول لم يكمل 40 الف إلا ان الفرامل فعلا شورم بورم .... فخدوا حذركم من فرامل الاوبترا

**Hunting_Eagle** · 15-09-2013 08:56 PM

كنت راكب مع واحد صاحبي سايق اوبترا بردو في شارع العشرين في فيصل و جه يقف فجأة ما عرفش و العربية زحفت بتاع 4 او 5 متر و لبست في العربية اللي قدامها مع انه ما كانش بيجري .. العشرين اساسا كويس لو عرفت تمشي فيه على رجلك :)

**lanos2004** · 15-09-2013 09:06 PM

دة بجد ولا نوع التيل وعدم الاهتمام بصيانه الفرامل

**angel83** · 15-09-2013 09:40 PM

لا ده بجد فعلا فرامل الاوبترا زيالة ولا يعتمد عليها والي حد ما بيقولوا ان اللي بيحسنها شويه انك تجيب كاوتش نضيف ويكون تراكشن a وجنوط سبور من اجل تهويه افضل للطنابير

**lanos2004** · 15-09-2013 11:46 PM

دة يبقه عيب خطير جدا
انا بستعمل فى عربيتى نفس تيل اوبترا وبتقف الحمد لله

**Hosam_Optrawy** · 16-09-2013 12:13 AM

مش للدرجه دى ياجماعه

اللى بيشتكى من الفرامل غالبا يا حالة الكاوتش مش تمام يا التيل مش أصلى

لكن الفرامل كويسه مش زحاليق يعنى :)

**د.عماد صلاح** · 16-09-2013 12:30 AM

انا العربيه عامله معايا 2500 كيلو
الفرامل صحيح مش قويه جدا لكن مش زحاليق زي ماحضرتك بتقول ...يعني حصلي معاها موقف قبل دخله جهاز المدينه في اكتوبر و بصراحه لما دوست علي الفرامل بقوه العربيه كلبشت في الارض وكانت السرعه بعد التمانين بشويه

**Elkordy2000** · 16-09-2013 01:34 AM

المشاركة الأصلية كتبت بواسطة Hosam_Optrawy

مش للدرجه دى ياجماعه

اللى بيشتكى من الفرامل غالبا يا حالة الكاوتش مش تمام يا التيل مش أصلى

لكن الفرامل كويسه مش زحاليق يعنى :)

حضرتك انا بتكلم علي فرامل الخطر ., يعني كبست فرامل العربيه بتزحف علي الارض يعني العجل كلبش بس بتزحف وده خطر جدا ., الفرامل العاديه تهدي وتقف جيده انما انا أول مره ادوس فرامل
مفاجأه واجد الزحف بتاع 3 -4 متر ده خطر جدا ..,
حاله التيل من ثلاث شهور فقط ( هو كوري مش اصلي اعتقد نوعه Hi-Q ) النوع ده كنت بستخدمه في اللانوس كان ممتاز بصراحه
حاله الكاوتش جيده عامل اقل من 40 الف كيلو ( الكاوتش نوعه يوكاهاما )