الموضوع: العربيه اتخبطت فى اسكندريه

أولاً حمدلله علي سلامتك, والحمدلله أنها جات علي قد كدا, ومكملتش لحد الماتور..
بالنسبة للأضرار اللي عندك الحمدلله بسيطة, الأكصدام شكله سليم, لو فيه حاجات بسيطة هتتعالج ومش هتحتاج تغيرة,
يعني لو حد قالك هات من السوق الصيني ولا التيواني الحاجات دي ورق وممكن تتكسر معاك وانت بتركن العربية او لو حد ريح عليك,, فحافظ علي أكصدامك وعالج اللي فيه عند حد بتاع فبر كويس مش هياخد أكتر من 30 او 40 جنيه لو فيه شرخ بسيط.
وأنا مش شايف الرفرف فيه مشكلة, أنت كان قصدك علي الأكصدام ؟
الفانوي اللي بايظ دا برضه بدل ما تجيب جديد, أو حاجة مضروبة الأستيراد هيبقي أفضل لك وهيبقي بحالة الجديد وبنص تمن الجديد في وكالة البلح أو الحرفين هوا والسربنتينة.

إن شاء الله تبقي التكاليف بسيطة, والحمدلله إنها جات علي قد كدا,
وأبقي طمنا عملت أيه ؟

المشاركة الأصلية كتبت بواسطة aliyosef

انا متشكر لحضرتك العربيه دة جنوب افريقى فامش عارف اذا كان حاجه الاستيراد الخليجى هاتنفع عليها ولا لأ
عموما بكره ان شاء الله هانزل الحرفيين واشوف
شكرا

هتنفع وهتلاقي لها كل حاجة هناك, في وكالة البلح الأول بعدين الحرفيين.
لأنهم مش شغالين في الأستيراد بس, شغالين في عربيات شركات التأمين والحوادث كمان.
يعني ممكن عربية تكون مخبوطة من ورا وأتلقلبت وبقت وtotal loss بس أكصدامها الأمامي سليم والكشافات والماتور بالحاجات اللي حوالية سليمة,
فإن شاء الله هتلاقي كل اللي محتاجة عندهم.