تظبيط العفشة

**lidosasa** · 17-09-2013 07:09 PM

إستمراراً لرحلة الكفاح فى صيانة والمحافظة على توتة
فى طريقى غداً بإذن الله لتغيير 2 كوبلن خارجى للسيارة لأنهم خلاص كتر خيرهم وسبق كبسهم من 6 شهور بس الطرق والشوارع المكسرة جابت أجلهم وحان وقت التغيير . ( سبب كبسهم فى السابق وعدم تغييرهم إن شركة المياه بتغيير خطوط المياه بقالهم سنتين مكسرين كل الشوارع فقلت دا حل مؤقت لحين رصف الشوراع عشان الكبالن تركب على نضافة والحمد لله الشوراع أتكسرت أكتر من الأول وشركة المياه مش عارفة تخلص ولا جديد يظهر فى الأفق والكبالن جابت أخرها )
وبالمرة حغيير المساعدين الخلفى للعربية لآنهم بقوا خفاف خالص
وطالما الكبالن حتتغير يبقى زيت الفتيس حينقص ويحتاج يتزود ف بالمرة حغيير زيت الفتيس لزيت شيل ( يعنى هى جات عليه )
وكمان تغيير فلتر زيت وزيت وحغير من شيل الأصفر إلى شيل الأزرق HX7
وبعدها أكيد ترصيص العجل وظبط زوايا
وأخيراً غسل السيارة فى المغسلة
تم شراء جميع قطع الغيار بحمد الله
عدد 2 كوبلن الواحد ب 180 جنيه
عدد 2 مساعد خلفى سعرهم 190 جنيه
فلتر زيت تويوتا كورولا يابانى 40 جنيه
دا غير المصنعية والترصيص وظبط الزوايا وتغيير الزيت يلا مهى خربانة خربانة

**Amr Axel** · 17-09-2013 10:21 PM

الف مبروك مقدما يا باشا
و مستنيين التقرير بعد التركيب و يا سلام لو شوية صور للقطع و التركيب يبقي تمام :)
بس ع فكرة فلتر التويوتا سعره 20-25 ج الا لو اشتريته من توكيل تويوتا نفسه

**lidosasa** · 17-09-2013 11:59 PM

المشاركة الأصلية كتبت بواسطة amr axel

الف مبروك مقدما يا باشا
و مستنيين التقرير بعد التركيب و يا سلام لو شوية صور للقطع و التركيب يبقي تمام :)
بس ع فكرة فلتر التويوتا سعره 20-25 ج الا لو اشتريته من توكيل تويوتا نفسه

أنا على طول بشترى اللى ب 20 جنيه الكورى وأول مرة أجيب النوع ده وهو يابانى وبإذن الله حصور القطع وأعمل تقرير

**Amr Axel** · 18-09-2013 12:16 AM

لا كبر من الانواع ديه و خاصة انك هتحط نص تخليقي يعني عمره اطول و هتحتاج فلتر يكون انضف عشان يستحمل اللي هو الياباني و الافضل تخليك فيهم عالطول زي تويوتا او زيوركس او متسوبيشي بس صعب تلاقي الاخير برة و سعرهم زي مقولتلك 25 ج دايما بجيبهم