اسئلة عن ماء تبريد الموتور iada !

**كريم نت** · 18-09-2013 12:02 AM

[sor2]http://files2.fatakat.com/2013/4/13666204661911.gif[/sor2]

انا بقالي مدة بدور علي ماء تبريد العربية polo 96 وجبت نوع اسمه iada التركيز بتاعه 5 % الناس بتقول انها احسن نوع في السوق .. المهم انا دلوقتي عايز اعرف التركيز 5% ده حلو ولا .. محتاجة تتخفف ولا لا ..محتاج حد يشرح لي بالتفصيل عن حكاية التركيز ديه لان ناس بتقول ان تركيز 5% حلو و ناس لا و اه الفرق بينه و بين ال تركيز 30 و 40 % ؟

وكمان درجة الغليان بتاعتها 100 كويس ولا لا ؟

وشكرا

**lidosasa** · 18-09-2013 12:18 AM

أكيد حضرتك تقصد تركيزها 50 % مش ممكن تكون 5% لو خمسة فى الميه تبقى ولا ليها لازمة تبقى مياه مقطرة ولون وخلاص
النسبة دى ولتكن 33 % زى مياه موبيل الخضراء مثلاً بتبقى عبارة عن مادة جيلكول إيثيلين وموانع صدأ وبعض المواد الأخرى بنسبة تركيز 33 % والباقى مياه مقطرة

**aw2100** · 18-09-2013 12:56 AM

فعلا iada الخضراء تركيزها 5% وفية الحمراء تركيزها 10% وفي بتتباع لتر مش جركن تركيزها 33% الأفضل حاليا موبيل وفية توتال وفيه مية خضراء تصنيع شركة وولف البلجيكية الآن فى مصر ممكن تتصل بيهم بيوصل لغاية البيت وده الموضوع الخاص بالشركة !
http://www.nilemotors.net/Nile/345341-a-17.html

**Silent~Dream** · 18-09-2013 01:05 AM

افضل حاجه موبيل 33 % او 50 %حسب كتالوج العربيه

**lidosasa** · 18-09-2013 01:08 AM

المشاركة الأصلية كتبت بواسطة كريم نت

بس مكتوب علي ظهر الجركل 5 %!!!!!!!!!!!!!!!
ديه الصفحة من موقع الشركة !!!

iada · productos

طيب يعني ارجعها ولا ايه ؟ انا شاريها من بنزينة شيل !!

والف شكر ل مرور حضرتك :)

الأفضل هو إستخدام نوع مياه التبريد اللى بينصح بيه كتالوج العربية لو معرفتش توصل للمعلومة دى يبقى توكل على الله وهات مياه موبيل الخضراء جركن 4 لتر سعره 80 جنيه وهى مياه ممتازة ومجربة ( أنا شخصياً بستخدمها ) . ولكن لو حضرتك كنت بتستخدم مياه حنفية فى دورة التبريد قبل كده يبقى لازم تروح لفنى ريداتير الأول ينضف ليك الدورة كويس ويكشف لو فيها تسريبات وبعدها حط مياه مقطرة تمشى بيها لمدة يوم أو أتينن عشان تتأكد إن الدورة سليمة ومفيش فيها تسريب وبعدين نزلها وحط المياه الخضرا عشان لو فيه تسريب تعالجه قبل ما تحط المياه الخضرا عشان متخسرش تمنها ( حصلت معايا قبل كده والإنسان مش بيتعلم ببلاش )

**lidosasa** · 18-09-2013 01:13 AM

المشاركة الأصلية كتبت بواسطة كريم نت

بس مكتوب علي ظهر الجركل 5 %!!!!!!!!!!!!!!!
ديه الصفحة من موقع الشركة !!!

iada · productos

طيب يعني ارجعها ولا ايه ؟ انا شاريها من بنزينة شيل !!

والف شكر ل مرور حضرتك :)

أنا دخلت على الصفحة وشوفت المنتجات وأنت أشتريت أقل منتج عندهم وحتلاحظ وجود عبوات تانية بتركيزات مختلفة 20 و 30 و 50 فى المية

**Ahmed Amin** · 18-09-2013 01:28 AM

هيا فعلاً مياة تبريد IADA تركيزها 5% بس, ودا مش وحش أوي ومش ممتاز أوي.

يعني التركيز بفضل أنو يكون في رينج 30% زي معظم ماهو مكتوب في كتالوجات العربية الجديدة وميزدش عن 50% عشان تاخد أحسن أداء,
بس الكلام دا بالنسبة للدول الباردة, في زيادة التركيز, عشان المية متتجمدش جوا الرادياتير والقربة,,
عشان ماء التبريد عبارة عن:
مياة مقطرة + موانع صداء + أيثلين جليكول (ودا هوا المادة اللي بيتشار ليه بالتركيز 5% و 30%) وهيا دي اللي بتمنع تجمد الماء وبتزود درجة الغليان بتاعته علي حسب التركيز,
وأنا كنت مفكر لحد وقت قريب إن كل ما تزيد يبقي أفضل عشان المية متغليش في دورة المياة ويبقي التبريد أفضل,
بس في الأخر طلع إن اللي بينقل الحرارة أفضل هوا الماء والمادة كل ما تركيزها يزيد الحرارة مش هتبقي مستقرة والتشتيت الحراري هيبقي سئ في الدول الحارة زي عندنا..

دي صورة للجراكن بالتركيز كنت مصورها من فترة لما كنت محتار أشتري أيه,

بالنسبة لل IDADA في ناس كتير بتشكر فيها, وحتي الحمراء اللي 10% شغالة في مواتير تربو وزي الفل..
فا خليها تاخد سنة وراقب عداد الحرارة طالما غيرت لها ومفيش مشاكل معاك في التبريد وأبقي غيرها بعد سنة.

-

-

-

الموضوع: اسئلة عن ماء تبريد الموتور iada !

LinkBack

أدوات الموضوع

عرض

اسئلة عن ماء تبريد الموتور iada ! - انشر الموضوع فى :

المواضيع المتشابهه

أستفسار عن وجود فيوز لمروحة تبريد الموتور

هل السربنتينة للهواء الساخن تساعد على تبريد الموتور ؟

مراوح تبريد الموتور

مشكلة في تبريد الموتور

دورة تبريد الموتور - مياة الرادياتير

الكلمات الدلالية لهذا الموضوع

المفضلات

المفضلات

ضوابط المشاركة