كمبيوتر الرحلات و مؤشر البنزين

**maeeaeg** · 18-09-2013 01:31 AM

المشكلة ده حصلت معايا النهارده و مش عارف ايه اللي حصل, انا كنت ماشي و عايز افول و العربية فيها شرطة بنزين واحدة و الكنبيوتر بيقولي ان فاضلي حوالي69 كم علي ما البنزين يخلص المهم روحت افول من بنزينة ملقيتش فيه بنزين فقولت اروح للي بعدها كانت علي بعد 12 كم علي الطريق الدولي المهم و انا ماشي فجأة عؤ عؤ عؤ عؤ و دربكة و العربية بطلت مفيهاش بنزين, فين المشكلة؟؟؟؟ انا اخر مرة فولت العربية و كل مرة بفولها بصفر كل العدادات و بتابع الاستهلاك الكمبيوتر بتاع العربية قال اني استهلكت من اخر تفويلة حوالي 53.9 لتر و في نفس الوقت كان فيه شرطة في مؤشر البنزين يعني المفروض علي الاقل في التانك 5 لتر عشان لمبة البنزين منورتش و السؤال هو ايه اللي حصل..........................حاجة تانية انا عامل حوال10300 كم يعني مغير زيت من 300 كم من ساعة مغيرت الزيت و استهلاك البنزين مبيقلش عن 10 لتر\100 كم و لو الجو كان حلو و قل مبيقلش عن 9.6 لتر ده من غير تكييف و لو بالتكييف ساعات بيوصل ل11 فين المشكلة؟؟؟؟؟ الزيت القديم اللي كان عامل زي زيت الفلافل (كان لونه اسود) قبل ال10000 بشوية وصل العربية لأستهلاك 8.3لتر\100كم الزيت الجديد (عامل زي الميه) مش عايز يظبط زي الزيت القديم مع ان القديم ده بتاع التليين يعني معفن و مليان شوائب, كده انا مضطر اروح التوكيل و لا اعمل ايه..........انا كل مشاويري علي طرق مفتوحة مبمشيش جوه البلد خالص (مبستحملش الزحمة) و كمان مبجريش اخري 100 110 و دايما بفول من محطات موبيل او توتال

**Dr.Karim Emam** · 18-09-2013 01:51 AM

حصلت معايا نفس القصة دي بالظبط بس كنت على الصحراوي مش المحور
غالبا دي طرمبة البنزين و ممكن تغير الموتور بتاعها بس، مش كلها.
و كان فيه موضوع هنا قال انه ينفع تركبلها موتور طرمبة اللانسر.

**K.LOTFY** · 18-09-2013 01:59 AM

روح التوكيل يكشف على الطلمبه والعوامه ولو فيهم حاجه يغيروها فى الضمان

**Dr.Karim Emam** · 18-09-2013 10:32 AM

المشاركة الأصلية كتبت بواسطة k.lotfy

روح التوكيل يكشف على الطلمبه والعوامه ولو فيهم حاجه يغيروها فى الضمان

هو خلاص كده بره الضمان عشان معدي ال 100000

**maeeaeg** · 18-09-2013 11:14 AM

بداية شكرا جدا علي سرعة الرد, ثانيا انا بعد العملة ده فولت العربية علي اخرها و الشرط بتاعة البنزين علت لأخرها و صفرت العدادات و شيكت علي كل حاجة و العربية كانت شغالة و زي الفل و عملت بيها حوالي 60 كم من اول التفويلة و استهلكت حوالي 5.9 لتر يعني معدل 10لتر\100 كم برضه بس دول كان فيهم بتاع 8 كم زحمة و تكييف و السؤال هو كده المسائل بقت عادي و لا برضه مضطر اروح التوكيل علي فكرة انا و انا بعمل الصيانة قولتلهم يعلولي دواسة البنزين شوية عشان كانت ساقطة فهل ممكن يكونوا لعبوا في الثروتل (البوابة) و لا علوا الدواسة بس (غيروا المشوار يعني).............اخيرا هي طلمبة البنزين ده عاملة كام و لو هي عطلت ده كده تبقي مشكلتي و لا مشكلتهم ده انا عامل الصيانة الاسبوع اللي فات

شكرا مرة تانية

**Dr.Karim Emam** · 18-09-2013 02:21 PM

هو الحل المؤقت للحوار ده انك ماتسيبش التنك يشحط
اولا عشان الرواسب اللي في التنك ماتسدش الرشاشات
ثانيا عشان التخريف اللي بيحصل في العوامة
يعني فول لما المؤشر يوصل للنص

**K.LOTFY** · 18-09-2013 11:53 PM

المشاركة الأصلية كتبت بواسطة dr.karim emam

هو خلاص كده بره الضمان عشان معدي ال 100000

ده لسه 10000 مش 100000

**م.على حجازى** · 19-09-2013 12:57 AM

اتكل عالله يا باشا وروح التوكيل
واقرا الموضوع بتاعى مع المشكلة وحلها النهاردة تقريبا نفس موضوعك
http://www.nilemotors.net/Nile/378556-a.html

**Dr.Karim Emam** · 19-09-2013 10:36 AM

المشاركة الأصلية كتبت بواسطة K.LOTFY

ده لسه 10000 مش 100000

اه صح أنا شوفتها 103000

الموضوع: كمبيوتر الرحلات و مؤشر البنزين

LinkBack

أدوات الموضوع

عرض

-

-

-

-

-

-

المواضيع المتشابهه

كمبيوتر الرحلات

مؤشر البنزين ثابت و عداد الرحلات صفر من تلقاء نفسة

استفسار عن كمبيوتر الرحلات

كمبيوتر الرحلات

كمبيوتر الرحلات

الكلمات الدلالية لهذا الموضوع

المفضلات

المفضلات

ضوابط المشاركة