بخصوص أسعار السيارات الجديدة في مصر علي nilemotors.com

**Ahmed Amin** · 18-09-2013 02:16 AM

أنا دخلت من شوية علي أسعار العربيات الجديدة في اللنك دا, اللي معلن فوق في المنتدي علي اليمين,,

أسعار السيارات في مصر

وقريتها كلها لحد الأخر عشان كنت مهتم أشوف أسعار البيجو الجديدة من ال 301 و 3008

بس حسيت بخيبة أمل كبيرة لما خلصت اللستة كلها لحد الأخر وأخدت مني وقت,,
ولاقيت إن تقريباً كل أسعار العربيات فيها حتي الصيني من جيلي وأسبرينزا وبريليناس,,
وكمان لادا.!

بس البيجو منسية أو مهملة من قبل اللي أعد لستة الأسعار دي,, !!
وخصوصاً إني أخواتها الفرنساي الرينو والستروين موجودين بالتفصيل,,

بصراحة مفهمتش ليه ممكن اللي عمل اللستة يتجاهل أسعار البيجو كدا, ؟؟
لأني مش مقتنع أنو ممكن يكون نساها خصوصاً إن البيجو 301 عاملة شغل جامد في السوق اليومين دول, وفي ناس كتير مهتمة بيها وبأسعارها, وبباقي موديلات بيجو عموماً.!

**Ahmed Amin** · 18-09-2013 02:56 AM

ماهي العربيات كتير, بس كل الفرنساوي تم ذكرة بكل الموديلات,
الماني كله تم ذكرة زي بي أم ومرسيدس وأودي و فولكسفاجن وأوبل,
باقي الأوروبي فولفو وفيات وأسكودا وسيات تم ذكره بكل موديلاته,,

نفس الحال مع الياباني والكوري بكل موديلاتهم وبالتفصيل,,
وحتي الصيني أتذكر بكل موديلاته,!

فكانت حاجة غربية أن البيجو تتنسي أو تتجاهل كدا,,
وأنا مش هفرح بوجود البيجو في اللسته ولا دا هيلزمني في حاجة,

أنا كنت عايز أشوف أسعارها الجديدة بس بالنسبة لل 3008 خصوصاً وباقي الموديلات بوجه عام,, لأن دي لستة أسعار.
وحسيت إن اللي عمل لستة الأسعار لما جاب أسعار كل العربيات أهمل بيجو عمداً لأنها مش ماركة سهلة تتنسي زي شركة صيني مثلاً,,
ولأنه جاب كل العربيات الفرنساوي والأوروبي كلها,, والبيجو متتنساش في وسطهم.!

http://www.nilemotors.com/cars-price/

**M I D O** · 18-09-2013 03:21 AM

للاسف الاسعار المكتوبة دي هية الموجودة علي كونتاكت كار بدون تغيير وكلها قديمة يعني مثلا الام 11 ب 82 الف مش 75 و التيجو فئة واحدة بس ب 118 الف مش فئتين فيهم اوتوماتيك

**Ahmed Amin** · 18-09-2013 03:42 AM

أنا دخلت كونتاكت كارز دلوقتي, بس لاقيت إن فيه أختلافات في الأسعار في الأوبل أسترا والفوفو مثلاً,
بس في حاجات زي الكارينز الجديدة هيا هيا نفس أسعار كونتاكت بالظبط,,
فأعتقد أنها مجهود شخصي من اللي عامل اللستة دي, أو من الجرنان,, لأن مش كلها زي كونتاكت.

بس حتي لو الأسعار من كونتاكت كارز أو جرنان أو مجهود شخصي,
غريب برضه إن أسعار البيجو مش موجودة.!!

**Ahmed Amin** · 18-09-2013 04:25 AM

أنا قايل في أول كلامي,,

المشاركة الأصلية كتبت بواسطة leitosr

بس البيجو منسية أو مهملة من قبل اللي أعد لستة الأسعار دي,, !!
وخصوصاً إني أخواتها الفرنساي الرينو والستروين موجودين بالتفصيل,,

يعني أنا عاارف وقايل أنو ممكن يكون نسي,,
أو أهملها لأي سبب عشان هيا مش سهلة كماركة تتنسي وهوا بيعمل اللسته,
وعشان يذكر كل الصيني ومينساش فيهم ماركة.!

فعملت الموضوع دا عشان أفكرة ويكمل اللسته, ودا هدف الموضوع,,,

وبالنسبة للي حصلك, حد ينسي يجاوب علي صفحة كاملة في الأمتحان ؟!!!
ربنا يعينك ويوفقك,,

شكراً علي مرورك.

**Karim_Monir** · 18-09-2013 04:41 PM

لم يت تحديث الاسعار فعلا عشن الاسعار متفواتة كل يوم صعودا وهبوطا وكونتاكت بتعمل ابديت لانهم بنك بيبيع تقسيط واحنا جاري العمل بقسم للاسعار دي باذن الله والبيجو مكنتش موجودة لما الليستة التعملت
اقصد 301 طبعا

**Ahmed Amin** · 18-09-2013 04:48 PM

شكراً كريم باشا علي الأبديت. بس مش ال ٣٠١ بس اللي منسية, عشان مفيش أي من الموديلات الأخري.
وأنا حاولت أكتب تعليقي هناك في اللنك بتاع الأسعار بس مكنش فيه إمكانية للتعليق.

وياريت لو باقي البيجو يضاف اللي اللسته من ٣٠٨ هاتش باك و Estate و CC
وال ٥٠٨ وال ٣٠٠٨ وال ٥٠٠٨.
ودول أسعارهم ثابتة زي الستروين والرينو اللي موجودين في اللستة. ومكنتش متغيرة كتير الفترة اللي فاتت.