تقرير بالتفصيل الممل عن الفلوانس 2014

**ramymechanics** · 20-09-2013 03:20 PM

يا جماعة إجمالا العربية تححححفة وفخمة ... كفاية إضاءة التابلوه بالليل وإضاءة الصالون بتحول العربية لنهار فى عز الضلمة ... غير ان البلوتوث والمالتى فانكشين وشاشة المعلومات عاملين شغل عالى جدا خصوصا أنه بيطلعلك كل المعلومات ومنها استهلاك البنزين من آخر reset وحساب المسافات المتبقية حسب آخر استهلاك ... الساوند سيستم فى العربية تخفة بردو والصوت واضح سواء فى الميديا أو التليفون وموضوع انك تشغل ميديا من على التليفون جامد جدا وفيه USB و AUX .. طبعا أنا كنت مفتقد الحاجات دى فى الصنى بصراحة عشان كدة تلاقونى منبهر حبتين

**BUNSH** · 20-09-2013 03:52 PM

بسم الله ماشاء الله ولا حول ولا قوة الا بالله العلى العظيم ... مبروووك وربنا يباركلك فيها ويحفظها .

**mohammedgido** · 20-09-2013 04:44 PM

يا جماعة انا عجباني العربية جدا جدا .. لكن في واحد صاحبي راكب ميجان وبيقولي بلاش الرينو عموما لا ميجان ولا فلوانس .. بيقولي دي عربيات محترمة لكن ملهاش سوق في مصر وصيانتها غالية جدا جدا جدا في التوكيل وبره التوكيل كمان دا غير موضوع سعر اعادة البيع نازل جدا لانها مش منتشرة زي الكوري والياباني ..

الصراحة هو خلاني مقلق من موضوع الرينو عموما .. انتم ايه رأيكم

**ramymechanics** · 20-09-2013 10:01 PM

المشاركة الأصلية كتبت بواسطة batman372

1000 مبروك ...
انا فعلا عاجبانى جدا جدا ... و بفكر اغير الصنى ... لكنى لسه محتار بينها و بين الكورولا الجديده تانى فئه الى ب 185 الف ... و كذلك خيار فانتازيا كسر 2012 ...
تحياتى ...

بص الكورولا طبعا عربية محترمة وسوقها كويس طبعا بس انا مش بحبها لأسباب نفسية لأنها العربية اللى بسافر بيها الشغل فكرهتها بصراحة لكن هى طبعا عربية محترمة ... الأوكتافيا صيانتها غالية بردو على فكرة وغالية جدا كمان والجديد منها من 2013 نازل بفتيس dsg غير ان سعرها بقى مبالغ فيه أوى .... عموما اسأل وفكر كويس وربنا يكرمك بس خد بالك من المستعمل وحرص أوى عشان وأنا فالمرور برخص شفت ناس كتيرة اتضحك عليها بعربيات مسروقة بورق مضروب .. اعمل استعلام أمنى عنها فى المرور التابعة ليه الأول

**ramymechanics** · 20-09-2013 10:07 PM

المشاركة الأصلية كتبت بواسطة mohammedgido

يا جماعة انا عجباني العربية جدا جدا .. لكن في واحد صاحبي راكب ميجان وبيقولي بلاش الرينو عموما لا ميجان ولا فلوانس .. بيقولي دي عربيات محترمة لكن ملهاش سوق في مصر وصيانتها غالية جدا جدا جدا في التوكيل وبره التوكيل كمان دا غير موضوع سعر اعادة البيع نازل جدا لانها مش منتشرة زي الكوري والياباني ..

الصراحة هو خلاني مقلق من موضوع الرينو عموما .. انتم ايه رأيكم

موضوع السوق دة بيتغير .. أنا اما جبت الصنى من 4 سنين واحد صاحبى قال لى انت مجنون هتقعد معاك طول العمر لأن ملهاش سوق نهائى وسود الدنيا فى وشي .. دلوقتى اما عرفوا انى عاوز اجيب صنى فى أربعة عاوزين يشتروها على حالتها وبسعر عالى كمان رغم انى بهدلتها وعاوز ابيعها على حالتها ... ولو على الإنتشار أنا فى البارك بتاعنا بس فيه منها 3 فلوانس واما جبتها ابتديت الاحظ انها منتشرة فعلا ... الصيانة مش هقدر أفيدك بصراحة لأنى لسة مجربتهاش ... الخلاصة .. اركب اللى يبسطك ومتشغلش بالك ببكرة المهم تكون مبسوط لأنى مش هدفع 170 ألف جنيه فى حاجة مش عاجبانى عشان الناس تتبسط

**ramymechanics** · 20-09-2013 10:11 PM

المشاركة الأصلية كتبت بواسطة ahmedelfeky

عشان كده حاول ترجع الكرسي اللي جنبك شويه لورا عن كرسيك لان درج التابلوه بارز لبره شويه انا شنطه المدام علمت عليه خد بالك بقي ومشكله الرؤيه الخلفيه دي مش الستاره علي قد ماهي زاويه ميل الازاز الوراني بايخه جدا مرايه الصالون حجمها كويس لكن الشنطه عاليه مع ميل الازاز الرجوع لورا ممل بس نفسي اركب باركنج سينسور حتي لما رحت التوكيل بعد الحادثه وانا بغير الاكصدام قالولي ماينفعش نركب اللي بباركنج سينسور

والله مش عارف أشكرك ازاى يا بشمهندس أحمد مكالمتنا كانت الفيصل فى قرار الشراء ربنا يباركلك فى عربيتك ويجزيك عنا خير ان شاء الله .. واللون الموكا طلع جامد على فكرة :018a1d~146::018a1d~146:

**assaf** · 21-09-2013 03:07 AM

مبروك وربنا يبارك لك فيها

**batour** · 21-09-2013 06:02 PM

المشاركة الأصلية كتبت بواسطة mohammedgido

يا جماعة انا عجباني العربية جدا جدا .. لكن في واحد صاحبي راكب ميجان وبيقولي بلاش الرينو عموما لا ميجان ولا فلوانس .. بيقولي دي عربيات محترمة لكن ملهاش سوق في مصر وصيانتها غالية جدا جدا جدا في التوكيل وبره التوكيل كمان دا غير موضوع سعر اعادة البيع نازل جدا لانها مش منتشرة زي الكوري والياباني ..

الصراحة هو خلاني مقلق من موضوع الرينو عموما .. انتم ايه رأيكم

باشا الكلام دا مش صحيح
اولا الميجان كعربيه انت بتتعامل مع مستوى تكنولوجيا عالى اوى مكنش بينزل غير فى العربيات الغاليه اوى والى كلها معقدة فمينفعش تساويها بالكورى واليابانى وشوف الميجان 2005 وقارن التكنولوجيا بتعته بالعربيات ايامها وفى نفس الوقت حاجتها مش غاليه اوى يعنى وبردة معمرة
ثانيا الفلوانس منزلنها اسهل بكتير من الميجان والعربيه فى السوق من 2010 ومفيهاش مشاكل تذكر غير ان الموديل الجديد facelift نازل بموتور وتكيف يابانى يعنى بقت اسهل من الاسهل :)
بلاش نربط الميجان بالفلوانس وبردة منقارنش قطع الغيار الاوروبى بالكورى والكلام دا

**drhosamuldeen** · 22-09-2013 12:04 AM

المشاركة الأصلية كتبت بواسطة mohammedgido

يا جماعة انا عجباني العربية جدا جدا .. لكن في واحد صاحبي راكب ميجان وبيقولي بلاش الرينو عموما لا ميجان ولا فلوانس .. بيقولي دي عربيات محترمة لكن ملهاش سوق في مصر وصيانتها غالية جدا جدا جدا في التوكيل وبره التوكيل كمان دا غير موضوع سعر اعادة البيع نازل جدا لانها مش منتشرة زي الكوري والياباني ..

الصراحة هو خلاني مقلق من موضوع الرينو عموما .. انتم ايه رأيكم

-

الموضوع: تقرير بالتفصيل الممل عن الفلوانس 2014

LinkBack

أدوات الموضوع

عرض

-

-

-

المواضيع المتشابهه

بالتفصيل الممل حصرياً تقرير أوكتافيا الجديدة (صور-فيديو)

تقرير عن رحله راس سدر يوم 6-10-2012 بالتفصيل الممل

تقرير-مصور عن تركيب زجاج كهرباء للماروتى بالتفصيل الممل

مواصفات الشارك بالتفصيل الممل ؟

تقرير صيانة 15000 للاوبترا بالتفصيل الممل والاسعار

الكلمات الدلالية لهذا الموضوع

المفضلات

المفضلات

ضوابط المشاركة