تقرير بالتفصيل الممل عن الفلوانس 2014
بسم الله الرحمن الرحيم
مبدئيا كدة نسمع الصلاة على النبى منكم يا رجالة ... الحمد لله عربيتى فلوانس 2014 اللون موكا عاملة 250 كيلو لسه ... هتلاقونى كتير فى التقرير بقارن بينها وبين عشرة العمر الصنى 2009 وكمان فى حاجات كتير لسة مكتشفتهاش فى العربية فلو اكتشفت حاجة جديدة هوافيكم بيها فورا
بسم الله نبدأ بالشكل الخارجى .. العربية طبعا الفيسليفت الجديد ودة شكلها
http://nileup.com/up/watermark.php?s...156048.png&p=c
http://nileup.com/up/watermark.php?s...156049.png&p=c
الشنطة ما شاء الله واسعة جدا بس مدخلها هو اللى ضيق شوية لكن هى كحجم كبيرة جدا
http://nileup.com/up/watermark.php?s...156047.png&p=c
شكل الجنوط وباين فيها طول العربية
http://nileup.com/up/watermark.php?s...159308.png&p=c
أول ما تركب العربية تحس فيها فعلا بفخامة التقفيل الأوروبى دة طبعا بلإضافة لريحة الفابريكة اللى لا يعادلها شئ الحمد لله
صورة جانبية
http://nileup.com/up/watermark.php?s...159306.png&p=c
التابلوه
hhttp://nileup.com/up/watermark.php?s...159304.png&p=c
التابلوه اضاءته مبهرة فعلا وطبعا منور بالنهار وبالليل ومش مرتبط بالفوانيس .. التابلوه فيه لوحة عداد سرعة ديجيتال وعداد rpm عادى وشاشة الكمبيوتر اللى على اليمين دى ممكن تغير فيها كذا قايمة منها معاد تغيير الزيت الأقرب واستهلاك البنزين المتوسط لكل كيلو والمسافة المقطوعة من آخر reset واستهلاك البنزين من آخر تفويلة وكمان البنزين اللى معاك يمشيك اد ايه حسب متوسط الأستهلاك الحالى
الطارة Multi function بالنسبة لمحدد السرعة ومثبت السرعة وباين فيها الخياطة والجلد
http://nileup.com/up/watermark.php?s...189001.png&p=c
قعدة السائق ما شاء الله مريحة جدا والكرسي بيتحرك لفوق وتحت بالإضافة لتعديل وضع ظهر السائق والكنبة ورا مريحة جدا وواسعة جدا
http://nileup.com/up/watermark.php?s...159305.png&p=c
دى صورة الدراع اللى ورا الطارة وقدام دراع المساحات ودة اللى فيه تحكم الكاسيت والتليفون كله
http://nileup.com/up/watermark.php?s...156046.png&p=c
دى صورة التابلوه اللى فيه التكييف والكاسيت
http://nileup.com/up/watermark.php?s...156043.png&p=c
شاشة عرض الساعة ودرجة الحرارة الخارجية وهى نفسها شاشة عرض الكاسيت
http://nileup.com/up/watermark.php?s...156042.png&p=c شكل عصا الفتيس والهند بريك جلد بخياطة بردو
http://nileup.com/up/watermark.php?s...159309.png&p=c
درج التابلوه واسع جدااااا بس الصراحة لسة مكتشفتش فيه ثلاجة ولا لأ
http://nileup.com/up/watermark.php?s...156045.png&p=c
مسند يد السائق وفيه التحكم فى المرايات وضم المرايات وبالمناسبة هى ضم ذاتى مع الريموت وكمان غلق الزجاج والتحكم فى زجاج الأربع أبواب
الباب مطعم بالجلد فى اماكن كتيرة منه ودة بيديه طابع فخامة جميل جدا
http://nileup.com/up/watermark.php?s...159303.png&p=c
فتحات التكييف مطعمة بحلية بتديها شكل شيك جدا وتحتها التحكم فى مستوى الإضاءة عشان لو العربية محملة ترفع الفوانيس شوية عشان تكسفلك الطريق
http://nileup.com/up/watermark.php?s...159307.png&p=c
إضاءة الصالون ممتازة جدا ... إضاءة أمامية وخلفية وفى الشماستين بتشتغل مع غطا الشماسة
http://nileup.com/up/watermark.php?s...159302.png&p=c
العربية بتيجى بستاير خلفية على البربريز الخلفى والزجاج الجانبى الخلفى من الناحيتين
http://nileup.com/up/watermark.php?s...159301.png&p=c
دة دراع المساحات والزراير اللى فيه فى الجنب دى اللى بتتحكم منها فى كمبيوتر المعلومات اللى فى التابلوه
http://nileup.com/up/watermark.php?s...156031.png&p=c
الفرش جلد على قماش زى ماهو باين فى الصورة وتحس فيه فعلا بجودة الخامات والفخامة
http://nileup.com/up/watermark.php?s...560410.png&p=c
المميزات (فى نظرى لا تعد ولا تحصى مقارنة بحبيبة قلبى وعشرة العمر الصنى):
أولا : air bags طبعا و abs
ثانيا: جودة تقفيل وخامات تحفة وفخامة وحبة أوبشنز دلع زى البلوتوث ومحدد ومثبت السرعة وحساس المطر وتعديل وضع الكراسي وطى الكنب الخلفى وسمارت كى (هتلاقيه باين تحت الكاسيت ومش لازم تحطه فى المكان دة عشان العربية تشتغل يكفى يكون فى جيبك عشان العربية تدور بالضغط على زرار ستارت
ثالثا: الباور وانت واقف مكانك ملوش وصف غير ميييييييية يعنى تلف الطارة بصباعك الصغير اول ما بتجمع سرعة تحس انها تقيلة وفى مقاومة فيها
رابعا: استهلاك البنزين انا شايفه ممتاز حتى اللحظة مقدرش اقول رقم محدد بس العربية اتفولت فى البنزينة اللى جنب معرض الطارق فى اكتوبر وراحت الرحاب ورجعت المريوطية وراحت الرحاب تانى وبعدين مدينة السلام ورجعت الرحاب والتانك مجابش النصف تقريبا طبعا مشوار زى دة فى الصنى كنت فولت مرتين تقريبا :M_yes[1]:
خامسا: العربية عالية عن الأرض وكمان مش بحس بمطبات نهاااااائى ما شاء الله ناعمة جدا جدا .. الصنى كانت بتهبد فى المطبات جامد
العيوب:
أولا: الشنطة وتانك البنزين مش بيفتحوا من الكابينة عيب رخم
ثانيا: الشنطة اما بتقفل لازم تهبدها شوية
ثالثا: الحتة اللى حوالين علامة الرينو قدام فبر مش صاج
رابعا: الاكصدامات دهانها مش حلو أوى لأن واحدة حكتنى فى الأكصدام الورانى حكة بسيطة جدا لقيت جزء بسيط من الدهان اتقشر
بس فى المجمل أنا سعيد جدا بيها ولله الحمد وحاسس انها تستاهل كل ربع جنيه أتدفع فيها ... شوفوا انتو بقا ال 172 ألف فيهم كام ربع جنيه :fun_broken::fun_broken:
طلب صغير من كل واحد يقرا التقرير دة يدعيلى بالبركة والخير فيها وفى العموم كمان ولو فى اى استفسار عندى أجابته مش هتأخر ومعلش التقرير اتعمل على عجل