الموضوع: تطبيق الحد الادني للاجور يناير 2014 وما يترتب عليه

المشاركة الأصلية كتبت بواسطة تامر.محمد

من الجانب الاقتصادي , اي حاجة في البلد بتؤدي لرفع الاسعار لعدم وجود منظومة ظبط اسعار
او بالبلدي عشان الجشع
فطول ما مافيش منظومة ظبط اسعار طول ما الاسعار بتغلى على اي حاجة
و طول ما البلد ده مش هايتقدم


تحت السطر : هاضحك موت لو حد قال الرد اللي في بالي

هم خسرانين حاجة
هيطبعوا فلوس
المطابع مطابعنا والفلوس بتاعتنا

المشاركة الأصلية كتبت بواسطة 4fun14

ماتقلقش..لا هيقدروا يعملوا حد اقصى ولا حد ادنى
مش بس عشان مفيش فلوس وكارثيه طبع اوراق نقديه بدون قيمه..
عشان معندناش خبراء اقوياء ف الحكومه دى يديروا القوانين دى بشكل صحيح
انت لما تعمل الحد الادنى للتعينات الحديثه 1200..وانا راجل شغال من 4 سنين مثلا ومرتبى 1200
اكيد مينفعش الكلام ده..لازم اكون اعلى من حديث التخرج بحكم الخبره..والا تزيد الاسعار بسبب الحد الادنى وانا فعليا مزدتش اى حاجه
ولما تزودنى انا كمان اباه 1500,رئيس القسم بتاعى مينفعش يفضل ياخد 1400 زى ماهو وانا اعلى منه..
اذا هتمسك الهرم الوظيفى من اوله لاخره هتعليه
ومع كل سنه مع العلاوة السنويه..هتزيد العلاوة على الزيادات السابق ذكرها كله..
طيب انت بتتكلم فى مليارات طائله
--
ثم عندك مشكله الحد الاقصى اللى هتجبرك تصتدم بالحيتان واللى هيباه فيها نفس المشكله
لما الوزير مرتبه يتقلص مثلا من 100 ويبقه 50 الف
مينفعش مساعد الوزير ياخد زيه..ولا رؤساء مجالس الادارات..ولا المحافظين ..وهكذا
لازم تقلل مرتبات الناس اللى فوق رغم انك بحكم الحد الادنى هتضطر تعليهم
الموضوع مش سهل والمسئولين متفرغين لاحكام الانقلاب ليس الا

كلام عجبني جدا
خصوصا ان الناس فاهمة ان الموضوع يخلص بقرار وجرة قلم

تحياتي