الف مبروك على العربية وكنت عاوز اعرف اﻻكصدام تقيمك ليه ايه قوى ام ضعيف
وصوت السماعات رايك فيه ايه وشكرا
رقم العضوية : 3799
تاريخ التسجيل : 22Dec2007
المشاركات : 2,215
النوع : ذكر
الاقامة : القاهره
السيارة: لايوجد
السيارة[2]: لايوجد
دراجة بخارية: لايوجد
الحالة :
الحمدلله ربنا كرمني واشتريت العربيه من حوالي 3 اسابيع من عند سمير ريان
بس الورق اتاخر اسبوعين عقبال ماوصل وروحت عملت مشكله و صوتي علي لحد مالورق جه بعدها بيومين
يادوب لسه مرخص من اسبوعين وسبحان الله مجرد ماركبت النمر بعدها بنص ساعه دخل فيا تاكسي الله يسامحه من ورا الاكصدام خرج من مكانه من الجنباب بس متكسرش ولا المسامير اتكسرت مجرد مادخلته بايدي الكلبسات ركبت مكانها والحمدلله محصلش فيها حاجه جامده اوي طبعا الاكصدام اتجرح وللاسف كنت واقف بالعجلتين اللي ورا علي المطب فالتاكسي خبط في التانك بس الحمدلله جت بسيطه التانك اتحك علي بسيط بس الحمدلله والشكرلله راضي بقضاء الله
المهم شكل العربيه جميل جدا وخصوصا من قدام والداي لايت عامل شغل عالي وناس كتير بتشاورلي اقفله هههه انا برضو من فتره قبل معرفه كنت بعمل كده ههههه
العربيه واسعه جدا جداااااااااااا ماشاء الله انا 190 سم تقريبا بقعد قدام مستريح جدا وارجع اقعد ورا علي نفس الظبطه بقعد ويكون في فرق بين ركبتي والكرسي
وسع كبير علي الفئه ده
الانتيريور خاماته حلوه والبلاستيك ملمسه كويس والنور بتاع التابلوه ازرق نفس نور الراديو
التابلوه طبعا مش بلاستيك هو جلد طري كده انا في الصور كنت شايفه وحش بس لما ركبتها عجبتني بتجمع بين الكلاسيك والحديث
عموما مش هدخل في تفاصيل لكن بوجه عام القعده مريحه وواسعه ووضعية القياده ممتازه
بالنسبه للعزل اديله 9 من 10 كويس جدا
بالنسبه للموتور سحبه ممتاز جدا استهلاك البنزين لسه محسبتوش ولكن السحب مع التكييف ممتاز جدا
والعربيه فيها وضعيه سبورت ليها زرار تدوس عليه تلاقيها اتحولت لوحش ههههه التجاوب بتاع دواسة البنزين بيزيد والباور بيتقل .
العربيه فيها نظام الايكونومي ستاندارد بس لما تدوس جامد بيقفل او لما تدوس زرار السبورت
الموتور صوته مش مسموع جوا العربيه خالص تقريبا لو ماشي هادي لو قرصت شويه تسمعه بس واطي قوي الخلاصه انك متحسش بيه ولا يزعجك
الفتيس استجابته كويسه ومش بيضيع العزم بتاع العربيه عكس بتاع السيراتو لاني مجربه ال 6 سرعات كان بيضيع عزم العربيه شويه لكن الكورولا تحس انه صاحي معاك علطول
لما بجيبه علي وضه التيبترونك بيوريني 7 سرعات انا مش فاهو ازاي مع انه المفروض ان السي في تي مبيبقاش فيها نقلات بس عموما هو 7 نسب اماميه ونقله غير محسوس نهائي ومش بيضيع عزم العربيه تحس العربيه متحفزه مجرد ماتدوس
الباور ناعم وسلس جدا وشكل الدركسيون جميل والباور بيتقل مع السرعات كل ماتزود يتقل اكتر لكن لما تبقي هادي بيكون خفيف جدا وبصراحه ممتاز لانه بيساعد في الزحمه وعلي السرعات يخليك ماسك العربيه
التكييف كويس معلتهوش عن 3 انا من النوع اللي مبجيبهوش علي وشي او جسمي بخليه بعيد بس بيخلي العربيه ساقعه
الفرامل بتاعتها محتاجه تعود لانها قويه قوي وبتمسك بسرعه وتقدر توقف العربيه في اي ظروف لكن في الزحمه بتقططم جامد لو مش متعود عليها ممكن تلبسك في اللي وراك
الثبات بقي ممتاز ماشاء الله حدث ولا حرج انا بركب فنتازيا كتير وعارف معني الثبات
انا وصلت بيها 150 ومعرفتش ازود الطريق قفل عليا 150 كانت ثابته تماما ومفيش اي نوع من القلق او الاهتزاز بالعكس كنت باخد غرز ضيقه وخليت واحد بتاع النترا يتجنن ويجري ورايا بس مجابنيش من الغرز اللي كنت بعملها
الملخص الثبات ممتاز جدا لحد 150 مع الغرز كمان انا مجربتش اكتر من كده بس اعتقد توصل ل 180 مستريح ثبات تقريبا زي الفنتازيا مع الفرق في طعم العربيتين
العفشه طريه بس لما بدخل في عين القطه او في مدقات او حتت مكسره كنت بحس بترزيع جامد وده شيء كان مضايقني جدا بس الناس هنا اقترحت اروح اربط العفشه وفعلا اتحسنت بنسبة 80 في الميه او اكتر تقريبا مبقاش في ترزيع ولما تتربط في صيانة الالف في التوكيل تكون العفشه ريحت اكتر هتبقي كويسه العفشه بوجه عام كويسه جدا لعربيه بالثبات ده
الشنطه واسعه وممكن تتني الكنبه
المرايا الجانيه رؤيتها كويسه بس مش بتجيب النقطه العمياء
العربيه متقفله من تحت كويس جدا التقفيل ممتاز
بالنسبه للارتفاع فانا بالكتير بيكون معايا واحد بس في العربيه يعني حوالي 200 كيلو العربيه معايا مبتحكش مع العلم اني بتعمد اخد المطبات العاليه قوي ومن غير ماقف خالص
العربيه نازل فيها فانوس شبوره خلفيه ستاندرد
وفيها 5 مستويات للنور الامامي تتحكم فيهم من البكره تحت الدركسيون
العداد لحد 240
ونازل فيها TRC و VSC ستاندرد حاولت وانا ماشي علي 120 اشغلهم واخد غرز ع العاصي قوي بس مرضيوش برضو لان العربيه معومتش مني والزرار بتاع الستابيليتي موجود جنب زراير المرايات تشغله او تقفله
العربيه فيها ايموبيلايزر وفيها مفتاح تفتح وتقفل الايرباج التاني
وفيها شيء رخم صوت انذار للحزام تقريبا بيقعد اول 4 دقايق يصفر و كل شويه بيقعد يفتكر ويصفر تاني لما تحط الحزام بيسكت وبيحس لما يكون في حد قاعد جنبك ولازم يحط حزامه
يعني بيقعد يصفر اول 4 ددقايق ويسكت لو حطيت الحزام او لو مش هتحطه هيقعد كل مثلا ربع ساعه يرنلك يفكرك ولو حد جنبك بيحس بيه
باختصار العربيه كويسه اوي وهتعمل مبيعات قويه جدا الموديل ده ممتاز شكلا وموضوعا
واول موديل يكون تويوتا وشكله حلو
اي اسئله انا في الخدمه
http://www.fx-arabia.com/vb/showthread.php?t=9654
رقم العضوية : 9192
تاريخ التسجيل : 19Apr2008
المشاركات : 337
النوع : ذكر
الاقامة : NASR CITY,CAIRO
السيارة: kia picanto 2010 M/T
السيارة[2]: skoda octavia A7 1.6MPI
دراجة بخارية: no
الحالة :
الف مبروك على العربية وكنت عاوز اعرف اﻻكصدام تقيمك ليه ايه قوى ام ضعيف
وصوت السماعات رايك فيه ايه وشكرا
Eng.Wael Amin
رقم العضوية : 47473
تاريخ التسجيل : 18Sep2009
المشاركات : 100
النوع : ذكر
الاقامة : alexandria
السيارة: daewoo
السيارة[2]: yaris
الحالة :
مبروك يا مان ربنا يبارك لك فيها يا رب وخد بالك من التكاسى المرة اللى جايه والخبطه اللى حصلت دى تلاقيك ما دبحتلهاش حاجه بس او على الاقل لم تتصدق بحاجه... انت بخيل ولا ايه ؟ بهزر طبعا
المهم الكتالوج مكتوب فيه ايه عن البنزين 92 ولا 95
وللمرة التانيه مبروك يا دوك
رقم العضوية : 128540
تاريخ التسجيل : 09Aug2012
المشاركات : 3,252
النوع : ذكر
الاقامة : Cairo
السيارة: ...
السيارة[2]: ...
دراجة بخارية: NO
الحالة :
شكرا للتقرير بس على فكره المطبات الصغيره (عاليه بس رفيعه ومسافتها مش كبيره) هيه اللي بتحك مش الكبيره اللي على شكل جبل.
مصر أنت أغلى دره ... فــوق جبين الدهـر غرَّة
يا بلادي عيشي حره ... واسلـمي رغـم الأعــادي
رقم العضوية : 3799
تاريخ التسجيل : 22Dec2007
المشاركات : 2,215
النوع : ذكر
الاقامة : القاهره
السيارة: لايوجد
السيارة[2]: لايوجد
دراجة بخارية: لايوجد
الحالة :
الاكصدام طبعا طري جدا كعادة الياباني والكوري
لكن بصراحه الخبطه مكانتش ضعيفه وخصوصا اني كنت دايس فرامل
فانا احترمت فيه انه متكسرش او حتي اتني هو مجرد الكليبسات خرجت ودخلتها بايدي تاني ومش باين اي شيء خالص فهو كويس قوي للحاجات اللي زي كده
بالنسبه للسماعات فصوتهم كويس بس انا مش هقدر افيدك قوي لاني مش من النوع السميع قوي ومجرد مايكون الكاسيت او الفلاشه شغاله والصوت كويس انا كده فل الفل
الله يبارك فيك
والله طلعت فلوس لوجه الله علي انه كرمني بس العين فلقت الحجر الحمدلله
مش عارف الحقيقه مبصيتش لان المفروض ان الموتور ده نفس الموتور القديم dual vvti
عموما ان شاء الله لما هنزل هشوف الكتالوج والتانك مكتوب ايه عليه
اه انا لما قصدت العاليه قصدت النوعين وطول مانا ماشي بجرب والله لو لاحظت جديد هبلغ علطول
http://www.fx-arabia.com/vb/showthread.php?t=9654
رقم العضوية : 5577
تاريخ التسجيل : 12Feb2008
المشاركات : 4,439
النوع : ذكر
الاقامة : cairo
السيارة: يا رب
السيارة[2]: Fiat One twenty eight M/T
دراجة بخارية: لا يوجد
الحالة :
ألف مبروك على العربية .. وربنا يباركلك فبها ويكفيك شرها .. وفي انتظار المزيد من التقييمات وخاصة في موضوع المطبات .. خالص تحياتي .
الخلاصة لو الواحد ناوي يشتري .. يتكل على الله ولا يستنى شوية لما نشوفها بتجري أكتر في الشارع .. وسؤال تاني رخم شوية انت جايب أي فئة .. وهل كان فيه أوفر برايس في سمير ريان ولا بسعر التوكيل .
Life's too Short for the Wrong Job
ziabassem سابقا
رقم العضوية : 70186
تاريخ التسجيل : 09May2010
المشاركات : 618
النوع : ذكر
الاقامة : ----------
السيارة: -----------
السيارة[2]: -----------
الحالة :
الف مبروك وربنا يباركلك في العربية
رقم العضوية : 145421
تاريخ التسجيل : 18Jun2013
المشاركات : 2,007
النوع : ذكر
الاقامة : Egypt
السيارة: ..........
السيارة[2]: ............
دراجة بخارية: .......
الحالة :
الف مبروك يا باشا و ربنا يديلك خيرها و يكفيك شرها و عيون الحاسدين
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 147451
تاريخ التسجيل : 18Aug2013
المشاركات : 678
النوع : ذكر
الاقامة : Cairo
السيارة: Speranza A516
السيارة[2]: Huyndai Elantra GLS 2013
الحالة :
يا باشا ألف مليون مبروك على العربية الجميلة أحييك بشده على الاختيار العربية بسم الله ما شاء الله رائعة بكل المقاييس ربنا يديك خيريها و يكفيك شرها ويكفيك شر الناس و شر الطريق . مش هوصيك بقه عايزين حبة صور كده و تقرير عن استهلاك البنزين و عن الصيانة إن شاء الله :)
المفضلات