مشاكل في السانديرو .. حد يفيدني ارجوكم ؟

**dr.a7mood** · 19-09-2013 08:58 AM

السلام عليكم ,
انا معايا رينو سانديرو 2011 , اتوماتيك بالكماليات , اشتريتها من الخليج ,
السيارة ما شاء الله جيدة في السحب و المكيف .. لكن الباور بتاع السياره تقيل! انا سالت قالولي انه هيدروليك عشان كده تقيل.. بس انا كان معايا هيونداي .. فعلا فرق السما عن الارض الهيونداي زي الحلاوه .. السانديرو بتطلع عينك و انت بتركن .. هل دي عندي بس ولا مشكلة عامة ؟؟

وسؤال كمان .. حسيت العربية اما بتدوس بريك فجأة ونت ماشي بسرعه .. العربية بتقفش جامد كده مش بتمسك تدريجي.. ولما سألت برضو قالولي ان ملها abs سيستم عشان كده عامله مشاكل ..

**Land_Cruiser** · 19-09-2013 09:15 AM

اول و ابسط حاجه تعملها حضرتك انك تراجع ضغط الهواء في الاطارات لانه ممكن يكون من أسباب تقل الدركسيون و بالذات العجل الامامي

**Dr.Karim Emam** · 19-09-2013 10:09 AM

الباور بتاع الهيونداي كهرباء عشان كده خفيف جدا لكن اللوجان و السانديرو اتقل بفرق ملحوظ و متعب علي السرعات البطيئة لكن كويس جدا على السرعات العاليه و ده مالوش حل، هتتعود عليه.
لكن بخصوص الفرامل، المفروض الا abs يشتغل لما بتدوس فرامل فجأة لانقاذ موقف و بتحس بدبدبة في الدواسه لما يشتغل. لكن غير كده في المواقف العادية لو بتدوس فرامل تدريجيا المفروض مايشتغلش، جرب كده و شوف.

**amrezzat82** · 03-10-2013 02:14 AM

الباور بتاعها كده و حيفيدك جدا جدا فى السرعات العالية بتبقى ثابتة جدا - كانت معايا صنى 2013 حلاوة احسن من اي هيونداي بس ورقة فى السرعات العالية 170 و 190
شوف ضغط الهوا للعجل و ظبطه زي المكتوب على القايم
و الفرامل ساعات بتعمل كده لو مظبوطة كويس انت ابقى شعر بس بلاش تدوس فجأة للأخر
سؤاال هو انت جبتها خليجي منين؟ و فرقها ايه عن المصري؟ انا شفت لوجان و دستر خليجي فى قطر مش فارقة حاجة تقريبا