فيات بونتو كلاسيك 2004

**andndoy** · 19-09-2013 12:36 PM

السلام عليكم تعضاء المنتجى الجميل بصراحة ده اول مشاركة ليه انا لسه جديد فى عالم السيارات وكان نفسى اشترى سيارة كويسة المهم انا لقيت عربية فيات بونتو كلاسيك 2004 حالتها نظيفة جدا وعاملة 88000 كم العربية بيتى ونظيفة والى شاف العربية واشترهالى قالى الكلام ده وهو واحد صاحبى بيفهم فى العربيات وانا خت العربية مركز صيانة وعمل فحص للعربية قال العربية نظيفة مفهاش اى حاجة والحمد لله المهم انا قرات موضيع كتير فى المنتدى عن البونتو فى كلام خلانى مبسوط وكلام خلانى خايف من العربية وبصراحة انا جديد فى العربيات خالص وده اول عربية . ياريت الى عنده اى معلومة عن العربية يقولى وكنت عايز اعرف سعرها فى السوق بيترواح من كام و مميزاتها وعيوبها وخصوصا انى انا من البحر الاحمر يعنى قطع غيار وتوكيل السيارة مش موجود عندنا لازم اجيبها من القاهرة . قطع الغيار ممكن ابعت عليها القاهرة مش مشكلة بس مجمل العربية والامكنيات بتعاتها ايه ؟ معلش على الاطالة وشكرا

**sayco100** · 19-09-2013 01:13 PM

لو حضرتك مش مالقاهرة قطع الغيار حتبقى اغلى
انا من اليكس ولسة صديقى بيشكيلى من ارتفاع اسعار قطع غيارها ومعاه ال2008 منها
لكن كعربية كويسة وربنا يوفقك

**sayco100** · 19-09-2013 01:15 PM

معلش انا مقرتش انك مالبحر الاحمر ومفييش توكيل عندك زى فاسكندرية عندنا اوماتر قفلت واللى عاوز قطع غيار للأسف بيضطر للسفر للقاهرة لشرائها
فكر فالموضوع تانى
شوف انا بحترم وبحب فيات جداااااااااااااا جداااااااااااااااا لكن التوكيل وعدم توفر قطع الغيار فبلدك حيبقى مشقة عليك :(

**andndoy** · 19-09-2013 02:12 PM

شكرا على الرد والاهتمام بس موضوع قطع الغيار بالنسبة ليه ان شاء الله مش مشكلة لان ممكن ابعت عليها القاهرة وغير كده اخويه كل شهر تقريبا فى القاهرة

**Gelgel2004** · 19-09-2013 02:43 PM

العربيه كويسه و اوروبى
قطع الغيار لو ليك حد فى القاهره يبعتهالك
المشكله عندك فى البحر الاحمر الميكانيكى اللى بيفهم فيها و جهاز الضبط الاليكترونى
تحياتى

**Gelgel2004** · 19-09-2013 03:08 PM

ممكن مركز صيانه محترم و بيفهم و يكون عنده جهاز تشخيص الاعطال

**andndoy** · 28-09-2013 02:44 PM

عندى فى السيارة البونتو كاسيت
blaupunkt المشكلة كان فى شريط محشور جوه والكهربائى طلعه وبعدها طلب كود الكاسيت دخل الكود الجهاز فضل على waiting ومشتغلش يا ريت حد يساعدنى شكرا