ظبط زوايا وترصيص

**lidosasa** · 19-09-2013 08:15 PM

السلام عليكم
النهاردة كان عندى معاد الساعة 4 بعد الشغل على طول وعلى الساعة 2.30 لقيت المندوب بتاع الشركة اللى بتوصل كارت دعم البنزين بيتصل بيا على الرغم إنهم كانوا إتصلوا بيا وكان المفروض إن الميعاد الساعة 12 .... إحممممم يوم السبت اللى فات مش النهاردة عشان محدش يفتكر إنى محبكها وإنها مجاتش يعنى على ساعتين وإذ به فجأة بيتصل بيا دون سابق إنذار وأنا فى الشغل وبيقولى أنا مستنيك فى الحتة الفلانية سيبت الشغل وطرت عليها عشان استلم الكارت دا بنزين يا جماعة مش هزار
المهم بعد ما خلصت طب أروح فين لحد الساعة 4 أفتكرت موضوع الترصيص والزوايا قمت طالع على مكان لظبط الزوايا وجنبه على طول الترصيص وبدأ الشغل

ورصصت الاربع فرد وكله أصبح تحت السيطرة ولله الحمد
الملاحظ إنى بعد تظبيط العفشة إمبارح الدريكسيون كان تقيل شوية بعد ظبط الزوايا بقى زى الميه
وإلى اللقاء فى عمليات أخرى

**dr.hazem** · 20-09-2013 12:12 PM

المشاركة الأصلية كتبت بواسطة waelgam2005

مبروك ياريس بس سؤال هوا الترصيص ده والعجل راكب ولا بيفك
وبالنسبة لظبط الزوايا عملته فين وعملته على برنامج ايه لو تعرف

الترصيص نوعين عادي وده بيتفك العجل... وترصيص حصان ود والفرده راكبه واغلى وادق بس عيبه ان قطعة الرصاص بتبقى كبيرة....
تحياتي

Sent from my Xperia Arc S using Forum Runner

**lidosasa** · 20-09-2013 02:06 PM

المشاركة الأصلية كتبت بواسطة waelgam2005

مبروك ياريس بس سؤال هوا الترصيص ده والعجل راكب ولا بيفك
وبالنسبة لظبط الزوايا عملته فين وعملته على برنامج ايه لو تعرف

الله يبارك فيك
وبالنسبة للترصيص كان قدامى النوعين بس أنا أخترت إنى أفك العجل وأرصص بصراحة مكنتش واثق فى الترصيص والعجل راكب لآنى مجربتهوش قبل كده
وعملته فين فأنا مش من القاهرة
وبالنسبة للبرنامج بتاع الزوايا فمعرفش الحقيقة أنا سألته عندك ظبط زوايا مقاس أطفال للعربية دى قالى أه