الموضوع: مشكله فى عفشه الجوك ،،

السلام عليكم
عندى مشكله قرفانى جدا هيا العربيه عامله ٥٠٠٠ كيلو فى البدايه كانت المشكله عباره عن لو طلعت علو مطب مثلا واقف اوى بتحس ان فيه حاجه ذى ما بيقوبوا بتلق كده جوه الدركسيون وبحس بيها او لو ماشى على اسفلت محبب كده ومش ناعم بحس بنفس اللق ده جوه الدركسيون على الرغم ان لو مشيت فى طريق مش متسفلت اصلا مش بحس باللق ده ، المهم وانا فى صيانه الالف الى عملتها عند ٣٥٠٠ لظروف حصلت كده قولت للمهندس على المشكله راح عمل ترصيص و فضلت المشكله ذى ما هيا و دلوقتى زادت يعنى قبل كده كانت بتحصل على بعض مطبات قليله او فى حتت اسفلتها مش ناعم دلوقتى بقت بتحصل فى معظم المطبات و حتى بحس بالعفشه الى قدام وهيا بتترجرج مش ناعمه ، بصراحه مش حاسس ان العربيه جديده نفس الاحساس لما كان معايا لانسر ماكوه و كانت عايزه تغير عفشه ، انا كنت عملت الصيانه فى اوتو ايجيبت ابو رواش
حاجه تانيه لو فيه مشكله من اى نوع فى العفشه مثلا لو فيه حاجه عايزه تتغير ده هيبقى على حسابى ولا الضمان ده ملوش لازمه مع العلم ان العربيه من يوم ما اشترتها والعيب ده فيها و بيزيد و انا مش باخد بيها مطبات الا على الهادى خالص
شكرا ،،

اعتقد انك لو رحت لأي وكيل سواء مودرن او السبع او اوتوايجيبت كلهم هيعملو ليك الضروري .
انا اقترح السبع لأن سمعته كويسة علي حسب اراء الاعضاء .