ممكن تساعدونى كارنس ولا شروكى

**goudzy** · 20-09-2013 04:00 PM

انا عارف ان العربيتين بعاد عن بعض بس انا مش عايز اشترى عربية من حد معرفوش

1- كارنس 2011 هاى لاين اتوماتيك مفيهاش اى مشاكل صاحبها بيصلح كل حاجه فى التوكيل و عايز 100000
2- شروكى 1999 ومركب ديفندرات وعتب ومظبطها وعايز 65000 ومحتاجه شويه حاجات حسبة 3000 تخص التكييف وكده

ارجو الافادة من حيث مزايا وعيوب كل عربية عشان انا خبرتى قليلة جدا فى السيارات عموما
وتقييم سعر كل واحدة وشكرا جزيلا مقدما

**د.محمود صلاح** · 20-09-2013 04:14 PM

الكارينز سعة المحرك بتاعها 1600 = الضريبة اقل وسوقها شغال وماشي وعائلية وواسعة ولكن في شكل جديد نزل منها وكمان موديلها اعلى من الشيروكي ومتصانة كويس في التوكيل ..

الشيروكي بمحرك سعته اللترية اعلى من 2000 سي سي يعني الضريبة بتاعتها السنوية تخش في مبلغ محترم ( 1.25 % من تمن العربية في الجداول الموجودة في المرور يعني حوالي 3-4 الاف جنيه سنويا ) وكمان استهلاك بنزين عالي عشان 4x4 والسعة اللترية العالية وعايزة صيانات حاليا ...

والقرار يعتمد على ماهو المطلوب من السيارة اللي هتشتريها ؟ واين ستذهب بها ؟ يعني مشاويرك فين ؟ وامكانيات المبلغ المتاح ؟ ... الخ وخد رأي باقي الأعضاء ايضا

**FAR!D** · 20-09-2013 10:42 PM

زي ماقلك العضو المحترم بس انا عندي توضيح ليك
الكارنز عربيه اقتصاديه مع كونها عائليه كبيره و تكييفهاحلو و حلوه بس 1600 يعني في العادي و حتوفر بنزين بس حتحط 92 لكن الشروكي القوه و الاداء و الجبروت 3500 ماشاء الله لازم حتلاقي منها القوه و العزم و التكيييف الرهييييب لكبر سعه الماتور بس استهلاك كبيييير ولكن انت حتحطلها بنزين 80 و تمشي تماااام اوي بس قطعه غيار غاليه و عند محلات الامريكاني
من الاخر عربيه اقتصاديه و جوه مدينه تبقى الكارنز و عربيه قوه و عزم لو بتطلع على صحرا او مدقات و مش همك قطعه الغيار و البنزين تبقى الشيروكي و الاتنين عائليه

**adelghanem** · 20-09-2013 11:04 PM

اﻧﺎ برضوا ﻣﺴﺘﻐﺮﺏ ﻋﻠﻰ ﺍﻟﺴﻌﺮ ﺑﺘﺎﻉ ﺍﻟﻜﺎﺭﻳﻨﺰ . 2011 ﻫﺎﻯ ﻟﺎﻳﻦب 100ﺍﻟﻒ ﺟﻨﻴﻪ!!ﻏﺮﻳﺒﻪ

**saddam** · 20-09-2013 11:54 PM

صديقي المواطن
في ظروفك. ومقارنتك دي وقدم موديل الجيب فقولا واحدا ومن غير لف كتير تاخد الكارينز ودمتم للنضال

**goudzy** · 21-09-2013 08:24 AM

شكرا على الردود والكارينز عاملة 70000 كيلومترا

**eleanor** · 21-09-2013 09:08 AM

الاسعار دى قليله وبالنسبه للشيروكى لو حالتها نضيفه هاتبقى اغلى من كده
والشيروكى 4100 سى سى 190 حصان وعربيه معمره وقطع غيارها ماليه الحرفيين ورخيصه بس طبعا غاليه داخل التوكيل
وخلى بالك العربيه ضيقه من ورا جدا جدا ومتعبه جدا فى السفر علشان دفع رباعى