مروحة الردتاتير

**sherif-harb** · 21-09-2013 12:08 AM

انا بفكر اغير مروحة الردتاتير بواحد تانية عشان ممكن تكون بادت تضعف ودة الى بيخلى الحرارة اعلى من النص

يا ترى حد من جرب الموضوع دة قبل كدة ولو جرب اية الماركة اللى تمشى مع البريليانس
علشان هبدء ادور واحدة واحد وبدات بالانسر وقرنت الردتاتير والمروحة فطبعا اللانسر فيها مروحتين والردتاتير اكبر قليلا
يا ريت اللى عندة معلومة يقولها يمكن نطلع بحل نهائى لموضوع ارتفاع موشر الحرارة
بفكر برضوا اغير الثرموستات بس انا ميال لموضوع المروحة علشان من ساعة ما جبت العربية ومكنش فى مشكلة يعنى بعض اربع سنين اكيد المروحة ضعفت
وكان عندى نفس العيب فى الميجان واتحلت مع تغير المروحة معلش طولت عليكوا بس بفكر بصوت عالى

**eng.salama93** · 21-09-2013 01:22 AM

طالما الرداتير بتاعها اكبر و المروحه نفسها تركب عندك يبقي هتشتغل زي الفل ان شاء الله

**aldesha989** · 21-09-2013 01:23 AM

هات المروحه الاصليه بتاعتها وغير الثرموستات الاصلى برضه بتاعها ما تلعبش فى العربيه مدام قطع غيارها موجوده

**sherif-harb** · 21-09-2013 11:33 PM

المشاركة الأصلية كتبت بواسطة eng.salama93

طالما الرداتير بتاعها اكبر و المروحه نفسها تركب عندك يبقي هتشتغل زي الفل ان شاء الله

المشكلة عاوزة فك ودوشة وتثبيت وانت عارف الصنيعية اليومين دول تحس انهم دكاترة مخ واعصاب علشان كدة بفكر اغير المروحة الاول واجرب

**sherif-harb** · 21-09-2013 11:40 PM

المشاركة الأصلية كتبت بواسطة aldesha989

هات المروحه الاصليه بتاعتها وغير الثرموستات الاصلى برضه بتاعها ما تلعبش فى العربيه مدام قطع غيارها موجوده

فعلا ان شاء الله هجرب اغير المروحة ممكن تكون ضعفت من الوقت بالنسبة للثرموستات سائلت الكهربائى قالى افضل خالى الثرموستات الى راكبة كويسة

**khaledazizeg** · 22-09-2013 03:22 AM

حضرتك قبل تغيير المروحة اعرف المروحة بتفتح امتى مع المؤشر لو بعد النص يبقي فى الغالب حساس كده عند الكوعة بتاعت العربية داه بيتغير وهوا الى بيحل المشكلة واطمن على المياه هل هيا الاصلية والا ميه عاديه ولو عايز ميه نضيفة هات من كالتكس مياه رادياتير بتاعت كالتكس الجركن 5 لتر تقريبا ب 85 جنية وديه نضيفة جدا وسيبك من عك برا والسعودى والكلام الفاضى داه لو المروحة بتشتغل قبل النص او النص يبقى الحساس سليم ومافيهوش مشكلة ممكن تكون المروحة ضعيفة بس اهم حاجة هيا بتوصل لفين وخلى بالك لو بتعلى اوى والمياه بتغلى شوف طرمبة البنزين لان ديه ممكن تأثر ولو فى اى استفسار انا تحت امرك

**khaledazizeg** · 23-09-2013 06:10 AM

المشاركة الأصلية كتبت بواسطة sherif-harb

خالد باشا الف شكر على النصيحة الجامدة دية وهى الحساس اللى فى كوعة المياة ان شاء الله اجرب وربنا ييسر

انا تحت امرك وبردة فى حاجة تانية نسيت اقولهالك فيه جوا الكوعه نفسها حاجة عاملة زى سوستة كبيرة ديه بردة اتأكد منها ممكن تكون بايظة

**sherif-harb** · 01-10-2013 09:02 AM

شريف باشا اشكرك على الرد والمساعدة وفعلا اتقابلنا الجمعة قبل اللى فاتت
وعلى فكرة احنا نعرف بعض كويس وشكرا على المساعدة
هو العيب طلع فى حساس حرارة اللى فى الكوعة الحمد لله
مع تحياتى مهندس/شريف