لوجان اوتو 2013

**mhDeeb** · 21-09-2013 12:40 AM

محتاج مساعدتكم وخبراتكم يا شباب

هى اللوجان اتوماتيك 2013 اية عيوبها بالضبط انا حاسس ان العربية

1- صوتها عالى
2- بتسخن بسرعة
3- الدركسيون تقيل لدرجة انك متحسش بالباور

هل الكلام دة في كل العربيات اللوجان والا اية ؟؟؟؟؟؟؟؟؟؟

**ayman_kamal** · 21-09-2013 12:46 PM

انا راكب العربية من الزيرو و عاملة 15000 و حبتين دلوقتي والعيوب اللي انت حاسس بيها ....هي صوتها في بعض الاحيان فعلا عالي مش احساس عربية جديدة ... الباور هو نفس فكر غالبية العربيات الاوروبي اللي شغالة بطرمبة باور هيدروليك (زيت) تحس انه تقيل لو انت ركبت ياباني او كوري او حتى صيني بس ده العادي الدركسيون بيعمل كل اللى انت عايزه بسلاسة و عمره ما خاني ... العربية عمرها ما بتسخن خالص حتى في اسواء ظروف التشغيل.... لكن
الصاج الى حد ما فعلا ضعيف
الفتيس الاتوماتيك لما زيت فيه بيسخن بينتش و ده عيب تصميم (مش صناعة) من رينو و انا شفت ان الناس برضو بتكلم على الفلونس و البيجو و الستروين كده فعلى ما يبدو ده عيب دماغ فرنساوي عموما ودي ملهاش حل غير ترفع رجلك من على بدال البنزين عند كل نقلة و النتشة ده ساعات بيحصل في الزحمة بس لكن على الطرق السريعة مس حاتحس خالص بالنتشة دي

ده كل العيوب اللى ملاحظها في عربيتي لغايت دلوقتي و كلها مقبولة و تقدر تتعايش معاها و مش بتضايق لكن على العكس عربية حمارة شغل عفشة كويسة جدا.. عالية عن الارض.. عائلية بمعني الكلمة واسعة جدا صالون و شنطة شيل خمسة اشخاص و عابى الشنطة على الاخر و قافل العداد لو عايز ..سيارة تقضي الغرض بكفاءة لفكرة وسيلة انتقال من نقطة أ لنقطة ب .. المفروض انها اقتصادية (رغم ان توكيل مش بيعاملها كده) لو بتفكر في واحدة توكل على الله مش حاتندم مازالت (the best value for money) رغم انها غليت جدا في كام شهر اللي فاتوا

**mhDeeb** · 24-09-2013 10:45 AM

المشاركة الأصلية كتبت بواسطة ayman_kamal

انا راكب العربية من الزيرو و عاملة 15000 و حبتين دلوقتي والعيوب اللي انت حاسس بيها ....هي صوتها في بعض الاحيان فعلا عالي مش احساس عربية جديدة ... الباور هو نفس فكر غالبية العربيات الاوروبي اللي شغالة بطرمبة باور هيدروليك (زيت) تحس انه تقيل لو انت ركبت ياباني او كوري او حتى صيني بس ده العادي الدركسيون بيعمل كل اللى انت عايزه بسلاسة و عمره ما خاني ... العربية عمرها ما بتسخن خالص حتى في اسواء ظروف التشغيل.... لكن
الصاج الى حد ما فعلا ضعيف
الفتيس الاتوماتيك لما زيت فيه بيسخن بينتش و ده عيب تصميم (مش صناعة) من رينو و انا شفت ان الناس برضو بتكلم على الفلونس و البيجو و الستروين كده فعلى ما يبدو ده عيب دماغ فرنساوي عموما ودي ملهاش حل غير ترفع رجلك من على بدال البنزين عند كل نقلة و النتشة ده ساعات بيحصل في الزحمة بس لكن على الطرق السريعة مس حاتحس خالص بالنتشة دي

ده كل العيوب اللى ملاحظها في عربيتي لغايت دلوقتي و كلها مقبولة و تقدر تتعايش معاها و مش بتضايق لكن على العكس عربية حمارة شغل عفشة كويسة جدا.. عالية عن الارض.. عائلية بمعني الكلمة واسعة جدا صالون و شنطة شيل خمسة اشخاص و عابى الشنطة على الاخر و قافل العداد لو عايز ..سيارة تقضي الغرض بكفاءة لفكرة وسيلة انتقال من نقطة أ لنقطة ب .. المفروض انها اقتصادية (رغم ان توكيل مش بيعاملها كده) لو بتفكر في واحدة توكل على الله مش حاتندم مازالت (the best value for money) رغم انها غليت جدا في كام شهر اللي فاتوا

اشكرك على كلامك انا الحمد لله اشتريت واحدة وشايفها ان هى كويسة بس ربنا يسهل وقطع غيارها تكون متوفرة وسعر قطع الغيار لازم يرخص شوية علشان العربية بدأت تنتشر فعلا ولو سعر قطع الغيار رخص حتملا مصر زى الفيرنا بالضبط

**nonalaziza** · 12-10-2013 06:13 PM

طب معلش ممكن سؤال
انا ملاحظه من مواضيع الاعضاء اني بنقل الفتيس و هي اتوماتيك
مش المفروض بحطها ع ال d و امشي ولا هي ازاي بالضبط
حاجة كمان معلش ازاي استخدم الستيبترونيك

**magdyazab** · 13-10-2013 12:34 AM

يا جماعة انا بلاحظ في اللوجان أن زارير الازاز الأمامي و زراير السنتر بيسخنو اوي مع المشي و كمان زراير الازاز الخلفي ده طبيعي ولا في حاجة غلط؟؟

**K.LOTFY** · 13-10-2013 04:28 AM

المشاركة الأصلية كتبت بواسطة magdyazab

يا جماعة انا بلاحظ في اللوجان أن زارير الازاز الأمامي و زراير السنتر بيسخنو اوي مع المشي و كمان زراير الازاز الخلفي ده طبيعي ولا في حاجة غلط؟؟

أعتقد ان ده بسبب اللمبه اللى فى الزراير

**K.LOTFY** · 13-10-2013 04:38 AM

المشاركة الأصلية كتبت بواسطة nonalaziza

طب معلش ممكن سؤال
انا ملاحظه من مواضيع الاعضاء اني بنقل الفتيس و هي اتوماتيك
مش المفروض بحطها ع ال d و امشي ولا هي ازاي بالضبط
حاجة كمان معلش ازاي استخدم الستيبترونيك

بتستخدمى الاستبترونيك بأنك بتجيب عصايه الفتيس وهى على d على الشمال ممكن تعمليها والعربيه واقفه او انتى ماشيه حتلاقى بعد كده ظهر فى الشاشه رقم النقله اللى انت ماشيه عليها لو انتى من الوقوف حتبقى على 1 او لو ماشيه ممكن 2 او 3 على حسب السرعه بتتحكمى فى النقلات بأنك بتحركى العصايه لفوق على علامه + يديكى نقله اعلى او لتحت على علامة - تنزلى نقله وده بيستخدم للتحكم فى الحرق على الغيار عشان تاخدى اكبر عزم من النقله بس ده يعنى بيستخدم للناس اللي بتحب الشد والجرى يعنى مش بيبقى حلو للقياده العاديه هو بتجيبى ال d وهى مع نفسها اما لو بتحبي الشد حطيها على الاستبترونيك وانطلقى

**nonalaziza** · 24-10-2013 06:00 PM

المشاركة الأصلية كتبت بواسطة k.lotfy

بتستخدمى الاستبترونيك بأنك بتجيب عصايه الفتيس وهى على d على الشمال ممكن تعمليها والعربيه واقفه او انتى ماشيه حتلاقى بعد كده ظهر فى الشاشه رقم النقله اللى انت ماشيه عليها لو انتى من الوقوف حتبقى على 1 او لو ماشيه ممكن 2 او 3 على حسب السرعه بتتحكمى فى النقلات بأنك بتحركى العصايه لفوق على علامه + يديكى نقله اعلى او لتحت على علامة - تنزلى نقله وده بيستخدم للتحكم فى الحرق على الغيار عشان تاخدى اكبر عزم من النقله بس ده يعنى بيستخدم للناس اللي بتحب الشد والجرى يعنى مش بيبقى حلو للقياده العاديه هو بتجيبى ال d وهى مع نفسها اما لو بتحبي الشد حطيها على الاستبترونيك وانطلقى

هي شوارعنا اصلا ملهاش في الجري بس يهمني مثلا السحب بتاعها يكون كويس مش اقعد ادوس ع البنزين وهي مش عايزة تجمع مثلاً و يهمني برضه الشد لما احب اعدي من حد.
و كمان السحب والتكييف.
ميرسي جدا علي ردك السابق بجد مفيد جدا