سؤال عن فرامل الاوبترا

**M_Elhendawi** · 21-09-2013 09:41 PM

اولا مساء الفل على كل الموجودين في منتدى اكثر من رائع ..

انا دلوقتي عايز اجيب عربية .. حدود الميزانية اللي ما تعمليش مشاكل تكون في حدود ثمن الاوبترا او اكتر حاجة بسيطة ..
ليا تجربة مع الاوبترا بتاعة والدي الله يرحمه .. و كنت شايفها عربية هايلة بالنسبة لسعرها و اداءها محترم جدا .. بس هي خليجي كانت جاية من الكويت .. ايرباج و ABS و طارة مالتي و تكييف جبار ..
كان معايا لحد وقت قريب بيجو 405 .. يعني مش واخد قوي على الاوبشنز و الدلع بتاع عربيات اليومين دول ..
بس واخد على الثبات و القوة و الاعتمادية و الوزن .. و دي امور تهمني جدا لاني بسافر كتير على طرق سريعة و عمري ما حسيت باي مشكلة مع البيجو .. و شايف الاوبنرا الخليجي (على قد تجربتي) مش وحشة في النقطة دي ..
اللي اعرفه ان اوبترا مصر من غير ABS .. عمري ما سوقتها .. و شفت كذا تعليق على فراملها .. يا ترى ايه رايكم ؟ يعني ضعيف لدرجة خطر ؟ خصوصا ان كمان مافيش ايرباج !!

المتاح بالنسبة لي الاوبترا او الصني الشكل القديم او الجديد .. او المستعمل
شايف ان الزيرو زيرو ،و مفيش حاجة مستعملة كويسة جت قدامي .. و مش معجب خالص بشكل الصني الجديد .. تحس انها ماكسيما عملولها مينيمايز في ويندو فوتوشوب فطلعت مدية على كشك مخبوط !! مع الاعتذار لملاك الصني الجديدة .. ده غير ان اداء الاوبترا اكيد اقوى من الصني الجديد ..
معرفش حاجة عن الصني القديم غير السمع ..

طبعا ممكن اعلى لبيجو 301 و اهو انا واخد على الماركة و عارفها كويس بس سعرها اوتوماتيك يزنقني لحد كبير .. و مش عارف بخصوص الاكسنت اعتقد نفس الاسعار ..

محتار مش عارف اقرر .. و اسف جدا للاطالة بس عشمي في الموجودين كبير ..
شكرا جزيلا مقدما

**abou-yahia** · 21-09-2013 10:04 PM

ربنا يوفقك لاختيار سليم
حضرتك abs مالوش علاقه بقوه الفرامل نفسها
مشكله الاوبترا بتتلخص ان الكاوتش التماسك بتاعه ممكن يكون احسن من كده
وده في ااي بينزل مع العربية ومع ذلك مش ضايع ومش مخليها ضايعه بس انت عارف مبالغات المصريين
مفيش وسط
الاوبترا حوت بنزين اظن الجمله دبه سمعتها كتتير جدا
ذبها موصوع الفرامل بالضبط
عايز تبقه مطمئن غير الكاوتش وركب جنوط عشان التهويه تكون افضل للطنابير والتزم بالتيل الاصلي
وطبعا ال 301 اختيار جميل

**Eng HateM** · 21-09-2013 11:04 PM

طبعا ممكن اعلى لبيجو 301 و اهو انا واخد على الماركة و عارفها كويس بس سعرها اوتوماتيك يزنقني لحد كبير .. و مش عارف بخصوص الاكسنت اعتقد نفس الاسعار ..

اختيار ممتاز جدا وموفق بإذن الله , العربية من مصنع معروف وعوامل الأمان فيها متوفرة من airbag + abs + ebd وفرق السعر بينها وبين الأوبترا أو الصني يستاهل في مقابل الإمكانيات والرفاهية الموجودة في بيجو 301

**د.عماد صلاح** · 21-09-2013 11:18 PM

الاوبترا 117 الف اوتوماتيك ...ثبات هايل و واسعه جدا من جوا وتكييفها ممتاز الفرامل عندي اتحسنت بعد اول 1000 كيلو و حصلي موقفين علي طريق اكتوبر فيهم موقف علي سرعه فوق ال110 و الفرامل كانت هايله والعربيه معومتش و السرعه نزلت بسرعه ومزحفتش البنزين استهلاكه من لتر لكل 10 الي 12.5 كيلو حسب السواقه والتكييف ....البيجو ممتازه سعرها 126 الف و لسه الافر بريس واسعه بس تقفيلها من جوه اقل من الاوبترا من كلام اصحابها تكييفها متوسط ثباتها ممتاز فراملها ممتازه واسعه من جوه بس بالطول مش بالعرض الموتور قوي بس كامه واحد وده غريب في موتور حديث قطع الغيار اسعاارها اعلي حاجه بسيطه من الاوبترا التوكيل جيد بكلام اصحابها
الصني ..بلاش
الاستنتاج في فرق 10الاف بين الاوبترا و البيجو ....انا حسيت الاوبترا اوسع و افخم واكبر علي الطريق و متجربه ل 8 سنوات و النيكانيكيه عارفينها...فتوكلت علي اللله وجبتها

**battot90** · 21-09-2013 11:59 PM

انا ركبت لاتنين كتير لان وحدة بتعتي و التنية بتاعت خالي واختلف معاك في حتة الوسع البيجو اوسع بكتير روح اعد في ديه و ديه

**abou-yahia** · 22-09-2013 08:48 AM

[QUOTE=M_Elhendawi;3875193070]شكرا جزيلا على الرد
انا لاحظت ان حضرتك ركبت بيجو و اوبترا ..
تنصح بايه؟؟[/QUOTE]

عيب البيجو القاتل من وجهه نظري حاجتين

حاجه خاصه بالبيجو خاصه وهي : انه عايز معامله مخصوص وعايز حد فاهم وبكرر فاهم يكون سايق العربيه ده طبعا غير حد قبل ما يكون فاهم يكون امين يصينها
وده لا يضمن غدرها بدون سابق انذار

العيب التاني عدم توافر قطع غيار استيراد ليها بعكس الاوبترا وعربيات تانيه وده بيكون اريح في التعامل خارج التوكيل .
والصيانه السهله اللي مش محتاجه كمبيوتر

وده لايمنع انها عربيه ممتازه