اللاقى فين بيجو 301 هاى لين موجودة

**محمد جلال** · 21-09-2013 10:03 PM

بدور على البيجو 301 هاى لين كاش بس يكون معرض محترم لانى لسه شايفها فى معرض فى مدينة نصر فى مخزن ذهبى بس واخدة خابطة فى الشنطة خفيفة قوى وقالى هنزلك 500 جنيه قولت له ولا 5000 جنيه ومش كفاية انه مديهالى اوفر برايس بزيادة قوى ارجوكم ساعدونى الاقيها وتكون مفيهاش خربوش وشكرا مقدماً

**mohjarr** · 21-09-2013 10:31 PM

إسأل فى سمير ريان و إن شاء الله تلاقيها ... أنا جايب عربيتين منهم بس كنت موصى واحد من المندوبين يقولى فى حال توافرها و فعلاً أول لما وصل سيارتين إتصل بيا و حجزهالى و روحت دفعت و إستلمت على طول و الصراحة معاملتهم كويسة و الأوفر برايس مش كتير زى معارض تانية.

**محمد جلال** · 21-09-2013 10:58 PM

اشكرك جداً mohjarr ويا ريت رقم اوتو سمير ريان

**Drsherifishak** · 22-09-2013 01:50 AM

إسأل في الليثي شارع النزهة..........أنا لسه شاريها الهاى لاين شامبين من حوالى أسبوعين........فيه واحد هناك إسمه مؤمن ممتاز و معاملته محترمه جدا

**Ahmedshalaby** · 22-09-2013 02:02 AM

الاوفر برايس وصل كام عندكم في القاهرة يا شباب؟؟

**Ahmed Amin** · 22-09-2013 09:17 AM

المشاركة الأصلية كتبت بواسطة mohjarr

إسأل فى سمير ريان و إن شاء الله تلاقيها ... أنا جايب عربيتين منهم بس كنت موصى واحد من المندوبين يقولى فى حال توافرها و فعلاً أول لما وصل سيارتين إتصل بيا و حجزهالى و روحت دفعت و إستلمت على طول و الصراحة معاملتهم كويسة و الأوفر برايس مش كتير زى معارض تانية.

فعلاً معرض أوتو سمير ريان من أحسن المعارض في مصر, واللي هتلاقي فيه عربيات متوفرة أكتر من أي معرض تاني,,
والراجل نفسه صاحب المعرض محترم جداً..

العنوا: طريق النصر - أمام المدخل الرئيسى لإستاذ المقاولون العرب - مدينة نصر

التليفونات الارضى :

23421541 / 23421540
23421582 / 23422889 / 23422887

**mahmed0100** · 22-09-2013 07:17 PM

روح سمير ريان يا باشا و معاك مبلغ تحجز بيه و هو. حيوفرلك اللون اللي انت عايزه بس غالبا حيكون 141 الف
او تحجز من التوكيل و تتاخر شويه بس تبقي ضامن عربيتك مفيهاش الهوا و بالكتير ماشيه 3 كيلو بتوع المينا