فتيس a5

**hism** · 22-09-2013 02:48 AM

يا جماعه حد جرب تنظيف البادى فالف والفتيس اشتغل حلو معاه ولا لا عشان انا عندى نتشه بسيطه فى التالت وسعات بتروح العربيه سكودا a5

**KABOKY_2010** · 22-09-2013 03:49 AM

بمعنى اية نتشة بسيطة فى التالت يعنى العربية بتعمل معاك اية بالضبط والعربية عاملة كام الف

**hism** · 22-09-2013 03:56 AM

المشاركة الأصلية كتبت بواسطة kaboky_2010

بمعنى اية نتشة بسيطة فى التالت يعنى العربية بتعمل معاك اية بالضبط والعربية عاملة كام الف

يعنى لما العربيه تيجى تنقل من التانى للتالت بحيس بالغيار مش سلس زى بقيت الغيارات والعربيه عامله 120 الف كيلو

**KABOKY_2010** · 22-09-2013 04:11 AM

بص الاول متحاولش تتخض وخد الامر واحدة واحدة نشوف الاول زيت الفتيس اية اخبارة وفلترة وكل حاجة تمام بعد كدة نجرب لسة المشكلة موجودة نشوف بقى حد يكون عندة ضمير وانا بكررها ضمير عشان ميحاولش يعمل شغل عليك وهو يكشف علية ويقولك نعمل اية فى الفتيس وان شاء الله زمايل فى سكودا تيم يقولولك الحل انا لسة جديد فى الاسكودا :d

**Moratoz** · 22-09-2013 09:52 AM

لو الزيت متغيرش ودا الأغلب فيتم تغير زيت الفتيس وعمل غسيل للبدي فالف وان شاء الله الموضوع يتحل بس متخلش الفترة تطول علشام الموضوع لسه في اوله وما يزيدش

**طارق _عبد السلام** · 22-09-2013 04:24 PM

حاول فعلا تروح لحد عنده ضمير يطمنك
بس اعتقد ان الفالف فى بدايه تلفه او انسداده بيبدأ مع سخونيه العربيه والفتيس
يعنى حتحس بالنتشه والعربيه سخنه
لكن لو بتحس بالنقله (احساس عادى بس زايد شويه) وبعدين بتروح يبقى متقلقش قوى
وفى كلتا الحالات اطمن ان شاء الله لان لو فيه مشكله بجد انت فى البدايه يعنى لاقدر الله انت معندكش رزعه (احساس ان حد خبطك من ورا)
و120 الف يعنى المفروض العربيه غيرت غيار زيت فتيس لثانى مره هل حضرتك غيرت زيت فتيس وفلترولو مغيرتش غيره بالاصلى وسيبك من اللتر ابو 90 جنيه لانه بوظ عربيه صديق لى

**طارق _عبد السلام** · 23-09-2013 12:15 AM

المشاركة الأصلية كتبت بواسطة hism

العربيه لما بتسخن بتشتغل تمام والعربيه انا لسه شاريها والفتيس مش مسجل اى اعطال

ان شاء الله بسيطه

اعمل التجربه دى امشى بالعربيه بالراحه متشدش شعر بنزين على خفيف وخليها تاخد نقلاتها بالتدريج
من اول لتانى حتى السادس وشوف العربيه هتنتش منك فى اى غيار بس العربيه تكون سخنه
وبردوا وهى واقفه حرك من r ال d كم مره وشف العربيه هتنتش او ترزع ولا لا

وبعدين طبيعى انت لازم تسقط زيت فتيس وفلتر الا لو كان صاحب العربيه مغيرهم وده هيبان من الفاتوره او الكشف على الزيت لا العربيه عامله 120 الف يعنى لازم تغيره زيت وصيانه كامله من سيور وزيوت وفلاتر

**Moratoz** · 23-09-2013 09:10 AM

المشاركة الأصلية كتبت بواسطة hism

عملت اللى حضرتك بتقول عليه والعربيه بتبقى تمام اوى لما امشى بيها زى ربع ساعه
لكن قبل الربع ساعه بيبقى فيها النتشه والراجل قالى انا مغيره

لو معاك رقم تليفون البائع اسئله هلي مغير بالزيت الأصلي ولا لأ لأن في فرق في اللزوجه الخاصه بالزيت الأصلي ممكن تعمل كدة

الموضوع: فتيس a5

LinkBack

أدوات الموضوع

عرض

-

-

-

-

المواضيع المتشابهه

ايهما افضل فتيس المكوة اوتوماتيم ام فتيس البومة cvt

هل من الممكن تحويل فتيس اوبل كورسا 2007 الى فتيس اوتوماتيك

نصحية تغير فتيس مانيوال الى فتيس اتوماتيك

حد غير فتيس شيرى قبل كداااا؟؟؟ يركبلها فتيس جولف ولا لا؟؟

مقارنة فتيس الافيو و فتيس اللوجان

الكلمات الدلالية لهذا الموضوع

المفضلات

المفضلات

ضوابط المشاركة