بص يا باشا انا ركبت كل العربيات اللى انتا ذكرتها و استخلصت كلمه واحدة بس لما نزلت من العيون .............. (اللى مش راكب مرسيدس مش راكب عربيه ) فعلا فعلا فعلا رفاهيه بلا حدوووووووود و ضيف عليهم كمان ال x3 2008 بردو العيون امتع منها بمراحل ..... مش عارف اطلع فيها غلطه و الله الناس دى بتهتم بكل مسمار فى العربيه .... يمكن الجيب تمتاز فى حاجه واحدة و هى الارتفاع عن الارض و دا بقى مهم جدا اليومين دول عشان الطرق الجميله بتاعتنا لكن كركوبه متقارنش العيون بحاجه من اللى ذكرت بس للامانه العيون اللى ركبتها كانت 230 يعنى موتور 2300 سىسى و على ما سمعت من ركيبه المرسيدس انها متتركبش الا 2300 سىسى ..... نقطه الفت نظرك ليها بردو حضرتك اتكلمت عن التكنولوجى اللى فيها طبعا مرسيدس سابقه اليابانى و الكورى ب 10 او 12 سنه فى تكنولوجى الموتور و العفشه و تصنيع السيارة ككل .... شوف نزلو الايه بى اس امتى اللى لسه سامعين عنو فى اليابانى قريب شوف الزينون اللى كان فى الشبح 1992 و لسه بادى ينتشر فى العربيات العاديه بتاعتنا 2006 ..... اللى فى بالى الوقتى و ناقص منها الجى بى اس و دا ممكن تجيب جهاز و تركبو .... طبعا مينفعش اتكلم على الثبات لانى مهما وصفتهولك هكون قمه الجهل ............ العربيه بتوصل لسرعه 170 فى ثوانى بسيطه جدا دا مش مهم المهم الفرامل اللى فى ثانيه بتوقفك فرامل ممتازة جدا جدا جدا جدا .... و طبعا منتهى النعومه و القوة و الرفاهيه اللى مش موجودة فى عربيات ماركات الوقتى .... الشرح يطوووووووول فى العربيه دى و كل جزء فيها بس كل دة مش هتحسو الا لما تركبها و تسوقها .... و كان الله فى عونك فى الهوندا اللى كانت معاك و مشكلتها مع المطبات اللى نزل العربيه دى مصر ظلمها اصلا انا خدت عربيه ابن خالتى سيفيك 2007 اروح بيها مشوار معرفتش اكملو قلت على اما ارجع هجبلو فتيس للعربيه من كتر المطبات اللى فى النص اللى باكلها ..... المهم خليك فى المرسيدس و انسى اى عربيه تانيه
المفضلات