سلام عليكم يا شباب
انا جربت كل طرق تنظيف الفوانيس من الصفار وتلميعها لحد ما قريت على موقع اجنبي طريقه الصنفره و بما اني كنت مستبيع و بتلك اني اغير الفوانيس جربتها لكن المفاجأه اناها نجحت و نجحت اوي
حقولوكم الطريقه و اللي مش فاهم حاجه يقول و اللي جربها يكتب و يقول سواء نفعت معاه او خربها
1- صنفره الفانوس بصنفره نمره 500 دوكو و تصنفر بداوير و اهم حاجه انك تبل الصنفره قبليها بشوه يعني تشرب المايه و انت بتصنفر تكون بتكب على الفانوس مايه و انت شغال المايه متقفش
2- نفس الكلام مع الصنفره ب صنفره نمره 1000 دوكو
3- شرح ماسبق مع التغيير بصنفره 2000 دوكو
4- تحط كومبوند على الفانوس و لما ينشف تصنفره ب 2000 من غير مايه
5-تحط كومباوند على الفانوس و لما ينشف تشيله بفوطه قطن (2 مره )
6- تحط بوليشر على الفانوس و لما ينشف تشيله بفوطه قطن ( تكررها 2-3 مره )
الملاحظات:
1- و ديه اهم حاجه المايه متقفش وانت بتصفر و تكون ناقع الصنفره من قبليها في المايه و حاول يكون شغل ايدك دائري يعني دواير في الصنفره و المسح و هكذا
2-بعد ماتخلص صنفره ماتقلقش انك حتحس انك حيغمى عليك من منظر الفانوس و بشاعته انا نفسي جالي كده و مع اني كنت مستبيع بس حسيت اني حعيط لكن كل ده حيروح بالكومباوند و البوليشر
3- انا ملقتش 500 اشتغلت ب 320 و ملقتش 2000 اكتفيت بال 1000 لو حد لاقى فيكم المقاسات ديه ( 500-1000-2000) يبقى حيطلع شغله احسن من شغلي
ابقوا اكتبوا تجاربكم للي حيجرب
المفضلات