نقص مياهالردياتير

**صقر المصرى** · 23-09-2013 04:11 AM

فى مشكله واجهتنى ... ياريت حد يعرف حلها

كنت بزود مياه الردياتير كل اسبوع او عشره ايام وبعمل مشاوير من 70 الى 100 كم يوميا.
من حوالى شهر ابتدت المشكله بعد ما اخدت مطب محترم حسيت ان العربيه اتهبدت فى اﻻرض وبقيت ازود مياه كل يوم. رحت لحد بتاع ردياتير وجد خته فيها صدا ولحمها بس ليه بزود كل يوم ... حد واجه الموضوع ده قبل كده ولكم الشكر

**jojoamr** · 23-09-2013 08:39 AM

راجع على دورة التبريد كلها من اول القربة ممكن تكوت اتشرخت او الخراطيم او طرمبة الميه وممكن يكون الغطا بتاع القربة بينفس راجع عليهم كلهم ... انا حصل معايا كدة قبل كدة بس كان العيب طرمبة الميه بتسرب

**Amrorshwan** · 23-09-2013 10:52 AM

نفس العيب كان عندى - طرمبة المياه بتسرب - بس باردو راجع الخراطيم الاول لعل يكون هناك خرطوم بيسرب مية

**sakr_skoda** · 23-09-2013 06:49 PM

انا فاكر انى رديت على الموضوع دا!!!!!!!!!!!!!!!!!!!!!!!!!حد يفكرنى............

باختصار راجع على ماسورة الشجرة احتمال كبير تكون انكسرت من المطب لأنه فى اوطى منطقة فى السيارة وحدث معى بالفعل وشوف برضا كدا انا رديت فين ياجدعاااااااااااااااااااا ن....*

**المنسي** · 23-09-2013 09:00 PM

المشاركة الأصلية كتبت بواسطة ابوابراهيم323

طيب عاوزين نعرف الطبيعى بتاع زياده المياه كل كام كيلو تقريبا

لو بتحط مية حنفية هتزودها كل بومين شوية او كل اسبوع نصف لتر مثلا انما لو حاطط مية خضرا ممكن تزودها كل شهر بمايعادل كوباية مية
وعايزا اقول حاجة مهمة الكلام ده لو دورة التبريد مفيهاش تسريب وحاجة كمان اهم الاوهى انى مية الحنفية الاملاح اللى فيها بتاكل فى البلوكة من جوة والمية الخضرا بتحافظ عليها بفضل مكوناتها

ملحوظة ربنا يخلى كلامنا خفيف على اللى بيحط مية حنفية

**sakr_skoda** · 23-09-2013 10:03 PM

المشاركة الأصلية كتبت بواسطة المنسي

لو بتحط مية حنفية هتزودها كل بومين شوية او كل اسبوع نصف لتر مثلا انما لو حاطط مية خضرا ممكن تزودها كل شهر بمايعادل كوباية مية
وعايزا اقول حاجة مهمة الكلام ده لو دورة التبريد مفيهاش تسريب وحاجة كمان اهم الاوهى انى مية الحنفية الاملاح اللى فيها بتاكل فى البلوكة من جوة والمية الخضرا بتحافظ عليها بفضل مكوناتها

ملحوظة ربنا يخلى كلامنا خفيف على اللى بيحط مية حنفية

صدق الله العظيم........*

**aw2100** · 23-09-2013 11:07 PM

المفروض لو العربية موتورها متعمر وجوان وش السلندر والوش 10/10 و لو حاطط مية حمراء تركيزها لايقل عن 33% ومفيش تسريب من الخراطيم وغطاء القربة جديد ما تحتجش تزودش مية الرادياتير غير كل كام شهر خصوصا فى الشتاء لكن بالنسبة للمواتير بتاعتنا العجوزة ممكن تزود 1/4 لتر مية كل شهر
طبعا لو حاطط مية الحنفية ربنا معاك ؟؟؟