الموضوع: استفسار من رجالة اللوجان

لو سمحتوا يا جماعة كنت عايز اعرف اللوجان الكاملة مانيوال موديل 2010 تعمل كام وعايز اعرف عموما ايه مشاكل العربية دي وبالنسبة لقطع غيارها متوفرة وﻻ ايه وسعر صيانتها عالي وﻻ في المعقول ، مستني ردود الناس واتمني حد يكون معاه العربية يفيدني للاهمية وشكرا

المشاركة الأصلية كتبت بواسطة wassim_nasser

بالنسبه لموضوع الصيانات وقطع الغيار فا هى اتوفرت بره التوكيل و اسعارها معقولة و انصحك تاخد لفة ف مواضيع المنتدى عشان تستفاد .. أما بالنسبه لسعر العربية مهم نعرف عاملة كام كيلو و فابريكة ولا راشة .. إلخ .. لو هى فابريكة برة و جوة و صياناتها ف التوكيل مع مسافة معقولة ( 40 أو 50 الف كيلو مثلا ) اقدرها مابين57 - 62 ألف جنيه

شكرا يا استاذ وسيم علي رد حضرتك , يا ريت بس حضرتك تقولي باختصار كده ايه مشاكل العربية وبالنسبة للسعر انا شوفت علي النت كذا عربية وكان متوسط الاسعار 55 وفي عربيات اعلي بحاجة بسيطة , العربيات دي فيها حاجة علي السعر ده ولا ايه ؟؟؟