طلب مساعدة

**Mohamed_Hamid** · 24-09-2013 11:20 AM

السلام عليكم ورحمة الله وبركاته

ازيكم جميعا يا رجالة الفيات
لو سمحتم عايز مساعدة
انا معروض عليا بونتو موديل 2002 ماشية 70000 كم وصاحبها بيقول حالتها نظيفة برة وجوه. مكيفة.
الموديل ده كويس ؟ وهى بتكون 1300 و1100 وهل التكييف بيأثر على السحب؟
سعرها يبقى عامل فى حدود كام؟
شكرا لكم

**Mohamed_Hamid** · 24-09-2013 11:40 AM

نسيت اقول انا مشفتش العربية لسة. فيه حاجات معينة تنصحونى ابص عليها فى العربية؟ فى عيوب معينة شائعة اخد بالى منها؟ دى اول عربية ليا ان شاء الله.

**أحمد جودة** · 24-09-2013 12:59 PM

انصحك بميكانيكي فاهم وياسلام لو يمكري كمان يطمنك على حالة الشاسية ومنطقة اسفل السيارة

تقبل تحياتي

**أحمد جودة** · 24-09-2013 02:49 PM

المشاركة الأصلية كتبت بواسطة mohamed_hamid

ربنا يخليك يا استاذ احمد
طيب مفيش حاجات معينة اخد بالى منها؟ يعنى مشاكل شائعة او حاجة؟

أنا ممكن أعدلك شوية حاجات بس انصح تاخد متخصص لانه هيشوف اللى حضرتك متقدر تشوفه

مثلا ترفع العربية وتبص من تحت كويس الشاسية سليم مفيهوش لحامات ولا صدمات مؤثرة

حالة الموتور والعفشة والصاج والدهان

**m.tito** · 24-09-2013 04:31 PM

ربنا يوفقك ان شاء الله ، بس ياريت لو مش معاك حد فاهم اووى ، روح احسن بنزين شل اللى فى اول شارع الهرم على ايديك اليمين بعد المحافظة ، هناك الفحص بـ 150 جنية ، بس بيشوفوا العربية كلها وبيدوك تقرير كمان عن العربية عفشة وصاج وبيقيس كبس الماتور وبيبص على العجل كله وبيرفع العربية بيبص على العفشة ، ولو هتروح ومعاك حد وخلاص بص على الماتور كويس والتكييف والبارو بتاع الدريكسون والكمبيوتر بتاع العربية او الكنترول عشان الحاجات غالية جدآآآ ، وبردو بص على القوائم بتاعت العربية وجسم العربية من جوه ، انا بقولك على خبرتى عشان انا مريت بالموقف دى قبل كدة بردو فى بونتو 95

**Mohamed_Hamid** · 24-09-2013 05:06 PM

ربنا يخليك يا باشا
ياترى السحب عامل ايه والتكييف بيتأثر ؟ انا ان شاء الله هسافر بيها مرة رايح جاى كل اسبوعين مثلا يعنى بتاع 250 كيلو كدة.

**Mohamed_Hamid** · 24-09-2013 10:28 PM

انا دورت فى مواضيع المنتدى عن البونتو ولقيت ناس بتتكلم ان فيه مشكلة فى وحدة التحكم control unit بتبوظ بعد 100000 كم ؟! ما مدى صحة الكلام ده؟

-

-

الموضوع: طلب مساعدة

LinkBack

أدوات الموضوع

عرض

طلب مساعدة - انشر الموضوع فى :

-

-

-

-

-

المواضيع المتشابهه

مساعدة !!!

محتاجة مساعدة إني اقرر اشتري عربية...ممكن مساعدة بسرعة

مساعدة

طلب مساعدة...

مساعدة فى a4

الكلمات الدلالية لهذا الموضوع

المفضلات

المفضلات

ضوابط المشاركة