ما هى أفضل سيارة فى الفئة السعرية 150-175 الف جنيه

**hmostafaahm** · 25-09-2013 12:41 AM

حاليا فى مرحلة اتخاذ قرار شراء سيارة بميزانية حدها الأقصى 175 ألف جنيه وده حدها الأقصى السيارة هتكون السيارة الثانية للاستخدام العائلى بجانب السيارة الحالية (كورولا 2010)، فما هى ترشيحاتكم للسيارات فى هذه الفئة، علماً بأن المتطلبات الاساسية للسيارة أوتوماتيك تكييف جيد ثبات على الطريق لانى يوميا بمشى على المحور والدائرى فى انتظار الردود

**Haitham Basha** · 25-09-2013 01:40 AM

صباح الفل يا باشا بالفئة السعرية دي عندك إختيارات كثيرة جداً أهمها الآتي
1- هيونداي إلنترا
2- بيجو 301
3- لانسر شارك
4- مازدا 3
5- فورد فوكس
6- شيقورليه كروز
من وجه نظري أنا طبعاً يا إما الإلنترا يا البيجو

**Hosam_Optrawy** · 25-09-2013 02:31 AM

الإختيارات كتيره

كورولا الجديده أول فئه - أسترا إنجوى أول فئه - لانسر شارك كامله - إمبريزا هاى لاين - فلوونس تانى فئه - إلنترا GLS كامله - سيراتو Ex فل أوبشنز - كروز هاى لاين

كل دول فيهم متطلباتك الأساسيه اوتوماتيك وتكييف جيد وثبات على الطريق مع إختلاف النسب

شوف إنت محتاج متطلبات إيه تانى عشان تقلل إختياراتك

**M I D O** · 25-09-2013 03:04 AM

كورولا بس الفئة التانية و استرا

**hmostafaahm** · 25-09-2013 07:16 AM

المشاركة الأصلية كتبت بواسطة hosam_optrawy

الإختيارات كتيره

كورولا الجديده أول فئه - أسترا إنجوى أول فئه - لانسر شارك كامله - إمبريزا هاى لاين - فلوونس تانى فئه - إلنترا gls كامله - سيراتو ex فل أوبشنز - كروز هاى لاين

كل دول فيهم متطلباتك الأساسيه اوتوماتيك وتكييف جيد وثبات على الطريق مع إختلاف النسب

شوف إنت محتاج متطلبات إيه تانى عشان تقلل إختياراتك

شكراً على الرد، هى دى المتطلبات الأساسية اللى أنا بفكر فيها طبعا مع الاعتمادية عفشة كويسة يفضل تكون العربية واسعة التوكيل بتاعها محترم وكويس فى التعامل، لانى حاليا معايا كورولا 2010 والتوكيل محترم جدا يعنى مفيش مشاكل مع التوكيل كشغل انما طبعا اسعار الصيانة وقطع الغيار انا عارف ان كل العربيات والتوكيلات أصبحت غالية

**hmostafaahm** · 25-09-2013 07:18 AM

المشاركة الأصلية كتبت بواسطة m i d o

كورولا بس الفئة التانية و استرا

مشكور على الرد والاهتمام بس الكورولا الفئة الثانية اعلى من الميزانية بتاعى بحوالى 10 ألاف جنيه والأسترا اللى فى السعر بتاعى برده هتبقى الإنجوى أول فئة فى الحالة دى تباه الكورولا الفئة الاولى والاسترا الانجوى ولا حضرتك ترشح حاجة تانية

**hmostafaahm** · 25-09-2013 07:19 AM

المشاركة الأصلية كتبت بواسطة janagabr

من الاخر وعشان متلفش كتير كورولا واسترا وفلوينس

الكورولا هتكون أفئة هى او الأسترا، وهل حضرتك ممكن ترشحلى العربيات دى بالترتيب

**hmostafaahm** · 25-09-2013 07:22 AM

المشاركة الأصلية كتبت بواسطة haitham basha

صباح الفل يا باشا بالفئة السعرية دي عندك إختيارات كثيرة جداً أهمها الآتي
1- هيونداي إلنترا
2- بيجو 301
3- لانسر شارك
4- مازدا 3
5- فورد فوكس
6- شيقورليه كروز
من وجه نظري أنا طبعاً يا إما الإلنترا يا البيجو

هيثم باشا مشكور على الرد وبالمناسبة تقريرك عن الإلنترا فعلا رائع ، والفئة السعرية دى فعلا فيها اختيارات كتيرة جدا وأهمها اللى انت ذكرتها بس البيجو 301 عربية أصغر من كل اللى انت رشحتهم يعنى فئة تانية كعربية مش كسعر وفى الفئة دى كمان الرينو فلوانس والكيا السيراتو، انت رايك فى الحالة دى لو حذفنا البيجو 301 يباه ايه الاختيار الأمثل