السلام عليكم
الألتو سيارة جميلة ولا تقارن بماروتي...
الماتور 800 سي سي فعلا ولكن أوسع من ماروتي..
كمان الشنطة أكبر ... ارتقفيل أفضل الشكل أجمل ..
التكييف معقول .. يعني مش حلو أوي ومش وحش طبعا .. بيأثر علي السحب شويتين .. بس لما بتتعود مفيش مشكلة .. خاصة لو اكتفيت بدرجتين فقط علي المؤشر .. يعني لو عليت التكييف علي الاخر احساس التأثير علي المحرك واضح جدا....
بس بشكل عام التكييف شغااال مفيش مشكلة...
موضوع الصاج ضعيف..
هو أحسن من صاج الماروتي فعلا ولكن للتوضيح... باب الشنطة الصاج فيه ضعيف بجد .. يعني لو واحد اتعافي علي العربية ودفع بشدة من ارخلف هاتلاقيه دخل لجوة شوية ..
للعلم معظم السيارات الالتو تجد الشنطة فعلا مطبقة شوية من ورا نتيجة هذا الضعف....ههههه بس ... شغال يالا...
السيارة موفرة جدا في البنزين ...
سريعة بجد..
ثابتة معايا علي السرعة .. وصلت بالعداد لحد سرعة 135 علي الدائري... ...
يفضل لو مركب حمولة وراء .. اتنين تخان أو 3 افراد انك تمشي شوية هادي خاصة مطبات الهواء لان العربية هاتتهبد منك ... احتياطي بس يعني...
أخيرا أسوء ما في السيارة .. هو التوكيل السئ ليس بعد..
بالتوفيق
المفضلات