نصايح بيجو 301 لمالك جديد من حيث العيوب والمزايا والصيانة

**ابراهيم السبكى** · 25-09-2013 04:12 PM

انا لسه حاجز العربية بيجو 301 وعايز اعرف بعد اذنكوا مزاياها وعيوبها ومصاريف الصيانة واحسن توكيل فين

**mohamedadelemam** · 25-09-2013 04:24 PM

يا فندم يكفى اقول لحضرتك انها بيجو .... دا غير النعومه والسحب وقوة الصاج وباسمع ان تكيف ال301 بالذات اقوى من البيجو عموما وتقفيلها اسبانى يعنى اكيد مميز جدا عن التقفيل المصرى ايام ال405 اللى هو كان ممتاز اساسا .. عيب البيجو ان اول 5 سنوات قطع الغيار بتبقى غاليه شويه عن المعقول وان مش اى حد يشتغل فيها ...موضوع التوكيل وتعاملهم معاها معنديش فكره بس ان شاء الله تعجب حضرتك وربنا يديك خيرها ويكفيك شرها

**ابراهيم السبكى** · 25-09-2013 09:50 PM

شكرا يا استاذ محمد على الرد
والله يبارك فيك

**Silent~Dream** · 26-09-2013 01:02 AM

اولا الف مبروك مقدما و يكفى انها تقريبا اقوى عربيه فى الفئه السعريه دى و مميزاتها كثير وعيوبها تكاد تكون معدومه و تقفيل و جوده كويسين جدا حضرتك ممكن تقرا الموضوع ده هيفيدك
http://www.nilemotors.net/Nile/360846-301.html

**Ahmed Amin** · 26-09-2013 01:35 AM

المشاركة الأصلية كتبت بواسطة ابراهيم السبكى

انا لسه حاجز العربية بيجو 301 وعايز اعرف بعد اذنكوا مزاياها وعيوبها ومصاريف الصيانة

المشاركة الأصلية كتبت بواسطة ابراهيم السبكى

واحسن توكيل فين

بيجو غمرة ودا المركز الرئيسي واللي أنصحك بيه,
وبيجو صلاح سالم للصيانات السريعة,,
وأبعد عن بيجو أبو رواش,

**Ahmed Amin** · 26-09-2013 10:41 AM

الشكر لله, وبالتوفيق في الشراء.

ونصيحة لو هتشتري بعد ما تقرأ المواضيع دي, بلاش تشتري من المعارض وتدفع أوفر برايس,,
وخليك من الوكيل وراجع الموضوع دا,
http://www.nilemotors.net/Nile/37889...post3875186982

المشاركة الأصلية كتبت بواسطة LeitoSR

السعر مزادش, بس فيه فرق بين أنك تشتري من الوكيل أو معرض,
زي ما الزملاء وضحو سعرها ١٠٩ بس هتستني شوية علي ما تستلم.
المعرض انت وحظك ممكن تدفع ٨ او ١٠ الاف زيادة علي تمنها عشان يسلمك فوري, ودا إستغلال حقير الصراحة.!!
ومشجعش حد علي إنه يشتري من معرض بالمبالغ دي,

ممكن تراجع المشاركة دي لسه واحد مستلم معانا أهو أمبارح بسعرها من الوكيل ومن غير أوفر برايس,
وكان المفروض يستلم شهر 11,,
وأستلم بعد 15 يوم بس من الوكيل,
http://www.nilemotors.net/Nile/37748...post3875185353

**2CODE** · 05-05-2014 03:50 AM

المشاركة الأصلية كتبت بواسطة m mosalam

كل اللى بيشكر فى العربية مش ملاك للعربية اما ملاك العربية نازلين كل شوية بموضوع يخض على مشاكل فى العربية ومشاكل مع التوكيل وقطع غيار مش معمرة وكل لشكاوى دى ظهرت اول محجزت وكل يوم موضوع بشكوى شكل

لأن العربية لو هتحسبها صفقة حلوه بس بعد ما تشتري تبدأ ترجح كافة العقل على القلب !!!!!!!

شوف انا كنت من الناس اللي مش مصدقه اساساً المواصفات دي بالسعر ده ايوه عربية نازلة للدول النامية وبيجو مش منزلاها للدول الكبرى منزلاها لينا احنا العالم التالت (يعتبر ببقايا العربيات في البيجو عاملين الـ301)

طبعاً المشاكل اللي ظهرت محدش يقدر ينكرها متمثلة في الموضوع هنا

http://www.nilemotors.net/Nile/414762-301.html

وطبعاً طبعاً مننساش الاستاذ اشرف جاب من الاخر في مشاكل العربية

http://www.nilemotors.net/Nile/419468-a.html

علشان كده ياريت صاحب الموضوع يراجع المواضيع اللي كتبتها في الاعلى دي كويس وياخد قراره بعد كده قبل ما يشتري ويطلع حظه مش تمام

مش عارف والله يعني اهو البيجو 301 فيها مشاكل كتير (تيل فرامل - بوجيهات - فلاتر) !!!!
والصني ماستر فرامل وتيل فرامل سئ وما ادراك وما ماستر الفرامل !!!!!!
الرينو فلوانيس فيها مشاكل في مستوى الزيت وبيغيروا الموتور للعملاء !!!!!
عربيات فولكس وسكودا واودي وسيات وكل العيلة دي عندك الفتيس DSG !!!!!!

مفيش باقي الا شيفرولية وBMW و Mercedes و كيا وهيونداي وممكن اوبل لان ظهرت بعض المشاكل الفردية في اوبل برضه !!!!!!!!

ربنا يوفقك في الاختيار الصالح !!!!!!!!